CHELSEA AH MARCO VAN GINGEL LUT: Chelsea chuan Dutch club Vitesse Arnhem midfielder kum 20 chauh a la upa Marco van Ginkel chu a man puanzar lohin an lei fel ta. The Netherlands international hian kum 5 chhung atan contract a sign a, Manager thar Jose Mourinho luh leh hnu a Chelsea in an lak luh pa 2 na a ni. Marco Van Gingel hma hian Chelsea hian German lam atangin Andre Schurrle an lo la lut tawh a ni. Gingel hi Netherland Under-21 squad ah pawh European championship, Israel ah te pawh a inlan tawh nghe nghe a ni. Naupangte ni chungin Vitesse tan hian Dutch League season hnuhnung berah pawh khan an star player ni phakin a khel regular hle a, Dutch top flight ah a team te hi pa 4na an thlenna kawnga player pawimawh tak a ni bawk. Marco Van Gingel hian Vitesse hi kum 7 anihin academy tanga zawm tawhin, club tana mi rinawm tak ni chhoin April 2010 atangin first team ah a khel chho tan a tun dinhmun hi a thleng chho ta a ni. Chelsea in Van Gingel an leina hi puanzar nilo mahse £8m bawr ni a sawi a ni bawk.
Posted on: Fri, 05 Jul 2013 19:44:52 +0000
Trending Topics
Recently Viewed Topics
© 2015