CHIEF MINISTER-IN WORLD CUP QUIZ FINAL HMANPUI India Quiz Master lar tak Barry O’Brien ina a rawn buatsaih, World Cup Quiz Final, nizan hmasa Chanmari YMA Hall-a Brain Jam Team, Aizawl tena an huaihawt chu Chief Minister Pu Lal Thanhawla chuana hmanpuiin lawmman a sem nghal. Quiz hi AIRCEL leh State Bank of India tena an bultum a ni. Chief Minister Pu Lal Thanhawla chuan Mizoram in hetiang inelna thianghlim kan la neih ngai zen zen loh Quiz changkang tak rawn buatsaihtu Barry O’Brien leh a thiante chungah lawmthu a sawi a . An thil rawn buatsaih hian Mizo infiam mi thalai te chungah rah duhawm tak a thlen ngei a beisei thu a sawi a. Mizo te hi infiamna ngaina leh tuipui hnam, hmunhma leh hmanrua changkang nei rih lo mah ila khawvel ram pum huap Sports discipline hrang hrangah hming kan chher ve mek a ni a ti a. National Football Championship a Santosh Trophy kan infiammi ten an rawn hawn thei kha ka chhuang tak zet a. Kum 2016 Rio Olympics a Mizo thalai a tam thei ang ber tel tir kan tumnaah kan hlawhtlin ngei pawh ka beisei tlat a ni Chief Minister chuan a ti. Tunlaia kan thlir mek World Cup Football inkhelha Brazil leh Japan ramte tlak tuma an an footballer te tihdan leh awmdan te kha a entawntlak hle a ni a ti. Chief Minister hi a nupui Pi Lal Riliani bakah Press Secretary to Chief Minister Pu L.R.Sailo ten an tawiawm a ni World Cup quiz hi nimin chawhnu lam khan preliminary round kalpuiin, team khata mipahnih zel inthlang chawpin quiz hi an hmachhawn a. Nizan dar 8 atang khan team ti tha zual 6 ten final hi an hmachhawn a ni. Lawmman pakhatna dawngtute hi Thailand ah a thlawnin an zin thei ang a, Pahnihna teamin Rs.15,000/- leh pathumna in Rs.10,000/- an dawng bawk a ni.
Posted on: Mon, 14 Jul 2014 06:21:43 +0000
Trending Topics
Recently Viewed Topics
© 2015