Cambodia-ah chuan Bike te hi an hmang tangkai khawp a, Vawk sum 5 tih velte hi chu a zangthalin an phur mai zel a; Buhfai 4/5qtls dawn pawh an phur mai thin. Vawiin tlai chu TON LUAP town hual veltu tlang Payong Koa-ah lawnin, chu tlang chhip atang chuan khawvel hmun zau tak a hmuh theihin, tlang chhipah chuan kum Zabi 8-9 vela sak Hindu style temple ram tawh awmin, a bulah tunah Buddhist Pagoda tha zet an sa mek. Chu tlang velah chuan Gold leh Gems te laihchhuah tur awmin, chu tlang bul thut vela chengte chuan Gem chi hrang2 an laihchhuahte chu siam danglam lohvin an lo zuar hlawm a, mit a hawk dak duhin a Zuartute chu zawhna ka ngah. Chu tlang vela Rangkachak laihchhuah hna chu Vietnam Company leh Sorkar inremna angin tan thuai a ni dawn a, local-mite chu lunghlu leh gems lam chi lai fo tawh lo tura thupek an nih thute chuan, development leh globalization-in mirethei zawkte a nek chepzia te min ngaihtuah tir nasa. Chutih rualin, mi ram leilungte chu alo va hausa bik em? tiin, rual ka awt. Tlang chu lungpui chunga in nghat ang mai hi a ni a, kan chhuk lam chuan Lalpa, he ramah hian i Lalram din la, khung zawl zau pui inzar pharh duaiah leh he ramah hian Krista Lalram din ang che... tiin, rilruin ka tawngtai a..
Posted on: Thu, 01 Jan 2015 12:42:23 +0000
Trending Topics
Recently Viewed Topics
© 2015