China National Day ( Mizo Sipai Training Camp ... China) Menghai Training Centre-a China Sipai hotute chuan China National Day Vawi 40 na 22/10/1975 chu ropui tak a lawm an tum a. He mi ni hi MNF din champhaphak vawi 14 na a ni bawk a Col Biakvela ten China sipai hotu te hnen ah MNF din champhaphak a ni ve thu an hrilh a. Chuti chu in party din champhaphak kan lawm ve nghal a ni mai a lawm an ti a. Oct Ni 22 chu Training Chawlh ni atan an puang a. Oct ni 22 chu a rawn thleng ta a. Hall ah an kalkhawm a, chawhma dar 11 ah programme an tan a China Sipai Col. in China hnam History ngaihnawm tak in a sawi a. China Nula rual in an Hnam lam chi hrang hrang an entir a, a kar lak ah zaithiam an zai zau zau bawk a. Chawhnu dar khat vel an rik chuan stage ah chuan China nula rualkhat hmeltha tak tak China khawpui ber Peking a zai thin an rawn ding a. Mizo Sipai te chuan China hla an sak an rin avangin a zai lam niloin an kimthla, pumrua leh an thawm hnaw inbel chu chik tak in an en a. China hla sa mah ula in hmel chu a tha tho ti tawk an awm a. China nula rual chuan vawi lehkhatah Mizo Tlangval Zoram Chhanna ram mu te hla Pu Dozinga Phuah Aw Zoram nuam suih lung phang lo la Tlang kawrvai bawih tan ka phallo che tih hla chu thiam tak leh a rik dan ang ang a lam fiah in an rawn sa ta a. Sangchungnunga te tlar chu an phu chiang kher mai. China sipai awm ve te pawn thiam an ti ve a niang zai ri tih loh chu thawm dang a awmlo. Sangchungnunga ,Biakzuala, Chawngzika an ang tih pawh inhre lovin ang huau chungin zai chu an ngaithla a, an chilthli a tlak leh tlak loh pawh an ngaihtuah changlo a, chilthli uai duat te pawh an awm a ni. Mizo Sipai tenkhat in an mittui an lo hru ve bawk a. (engtin nge Mizo Hla hi an thiam ti a Editor ka zawhna Hnam sipai ten he hla hi an sa nasa/zing a China sipai hotu ten a ruk in an lo record a Nula ho hian an zir ta a ni a ti) Tlai ah chuan China Sipai Col. in dinner a buatsaih sak a, dinner dang ang bawk in zu tui chi leh man ti chi duhtawk a in tur an chhawp a. Training hah an inti bawk a, tui dai chu an khiat leh ta khalh khalh mai a. China ram a luh hnu a an dinner ei hmasak bera a an chetchhiat deu avangin tu mah rui chelo tur in an inhrilh a, mahse a sawt lutuk lo. R Thangkunga, Kapzuala leh K.Lalsawmliana te chu insum harsa ti pawl an ni a, K Lalsawmliana phei chuan tap pur chungin No khat chiah min han thlit leh te u a ti a. ..... NB Pu C Zaman a lehkha bu ziah tum Hnam Sipai Battalion 9 awm te zing a a 5na tur Chawngbawla Battalion Ni 21 Thawhehni dar 12 khian Aizawl Press Club a release tur atang a thu lakchhuah tlemte a nihhi. ... He a lehkhabu release na tur ah hian a tam thei ang ber rawn telve tur in sawmna min lo siam sak teh a a tih ang in Sawmna ka han siam e.. Kan Ram Rohlu Pu C Zama hi kan tawiawm theih chuan a lawmawm ngawt ang. .
Posted on: Sun, 19 Oct 2014 04:34:11 +0000
Trending Topics
Recently Viewed Topics
© 2015