Cu un intercambio entre stakeholdernan Cuerpo Policial a - TopicsExpress

Cu un intercambio entre stakeholdernan Cuerpo Policial a conmemora Dia Nacional Contra Traficacion di Hende Na Aruba, e taskforce contra traficacion di hende tur aña ta organisa un actividad riba Dia Nacional Contra Traficacion di Hende, riba dia 18 di october of den e mesun siman. Jeannette Richardson-Baars, kende ta coordinador di e taskforce ta splica cu ta importante pa pone e enfoke riba e dia aki, como cu explotacion di hende ta un problema mundial ta esencial pa nos comunidad ta consciente di e señalnan y specialmente pa tur gruponan di interes keda informa tocante desaroyonan local y mundial. Traficacion y explotacion di hende ta presenta na tur pais, sea e ta pasa na e pais mes of ta pasa e hendenan cu ta wordo trafica via di e pais, Aruba no ta un excepcion. Richardson-Baars a a splica cu frecuentemente loke ta hunga un papel ta cu tin cierto cos cu miembronan di nos comunidad no ta “wak” mas, nan a custumbra cu esaki y no ta realisa cu por ta trata un caso di traficacion di hende. Ta p’esey tambe e campaña di e taskforce yama “Habri bo wowo”, cual ta conduci na conscientisacion, melding y ta habri e porta pa Cuerpo Policial y su partnernan por brinda ayuda na e victimanan, el a añadi. Cuerpo Policial:Obra Teatral contra Traficacion di Hende . youtube/watch?v=KDSuCgaPUTA&feature=youtu.be