DEDICATED TO ZeroCool Mizoram?: Cabinet Committee on Economic Affairs in a NLUP an han approve sak khan a funding pattern hi an approve tel nghal a. Chutah chuan source 2 atangin a funding hi pek ni mai sela an ti a. Tahchuan CSS atang 1000 cr hi conversion in NLUP ah hman ni rawh se an ti a ni. CSS chu i hriat vek kha, hman atanga la awm, la awm zel tura ni a. NLUP a awm loh lai chuan CSS-a kan sum awm zawng zawng kha department pualin thil dangah hman ral a ni thin a. Tuna NLUP alo awm takah hian CSS atang hian 1000cr hi NLUP ah pawh pen ni rawh se an ti ta a ni. Khawi ami mah pawisa hran alo kal reng reng lo. Kan hmuh thin pangai atang khan heti zat hi he NLUP ah hian kal rawh se an ti mai a ni. Kan NREGS(Ni Za Inhlawhna kan tihmai) atang ngei pawh hian 55% pawh hi NLUP ah hman nise, a bak zawng hi ni 100 inhlawhnan hman ni rawh se an ti mai a ni(Hriat chian duh chuan BDO ho in sawitur an nei teuh ang). NLUP hi hi awmlo se chuan hei aia tam hi a daih dawn a, a cover mai dawn a ni. Khang atang tho a NLUP sum hi lo kal a ni a, ziakin a awm a, document a awm a ni. (Min tih lawm viau chuan ka entir phal mai thei che a ni...lolz) Chuvangin CSS atanga 1000crrawn kal hi special package a nilo a, NLUP a tawp hunah pawh alo kal zel dawn a ni. Amaherawh chu CSS ho hi vairam(in ram!!!) mila an duan a ni a, kan ran ram angah chuan a guideline ang diak diaka kal pui hi a hlawhtling mawh em em a ni. Chuvangin state a kan hruaitu ten kan ram tana tha nia an hriat scheme helaia kan lo siam ve tih hlawhtlin nana lo pawh pen an phal hi chu a lawmawm em em a ni(Hei tak hi kan sorkar hotu te hian an lo hmang sual mai thin pawh a). Finnancial autonomy sang zawk neih hi a chakawm hle mai. Heng CSS sum tamtak vaibelchhe sang tel kum tina lokal thin hi thlang kawr vai ho duan ang nilo vin a pawisa chu min rawn pe rawh se. He kan Zoram mipui te mamawh angin kan duang ang a, kan ram tana tha tur angin kan hman min phalsak tura ni. Chu chu a khirh em em a, Ministry hmasa pawh khan an zuk sawi thin a, an hlawhtling thei lo mai pawh a. Tunah erawh chuan 1000cr hi helai local(Mizoram) programme tih hlawhtlinnan hman min phalsak ta tihna a ni a, a lawmawm em em ve tho mai. Heta tang hian special package a nilo tih chu a chiang hle ang. A dang leh chu Special Plan Assistance/additional central assistance an tih, kan plan fund a mi a ni. Chu chu tupawh sorkar se an hmu char char ang, nakinah pawh kan la hmu zel dawn. MNF hun lai pawh khan an hmu a, MIP ah hman a nih kha kan hre vek ang a. Tun ministry huna SPA sum lokal 1526cr hi NLUP ah hian pawh pen ni rawh se an ti mai a ni.An pawt peng leh reng a ni kan hmuh thin atang khan. Tichuan 346cr la awm a hi chu beneficiary contribution ah i chhiar sak ang an ti a, alo dawng tu ten an thawh ve angah i chhiar sak ang an ti a, an thawh ve tak tak hauh lo nangin an thawh anga chhiar sak a ni ta tho a ni. Tichuan avaiin 2800cr a lo ni ta a, source chi 2 atang lo kal a ni ta a. Chu chu special package a nilo ve ve a. NLUP a awm loh lai pawha kan dawn thin, a awm lai pawh a kan dawn, a awm loh hnu pawha kan dawn leh tur a ni. NOTE: Special Package a nih reng2 chuan kan dawn thin pangai piahlama a hranpa liau liau a in pek hi a ni thin a(eg Hmanni lawk pawh khan Bihar chuan an dawn teuh kha) Tin, NLUP sum hi CSS atanga a chi hrang2 chi 8 vel atang hian an pawt khawm a ni tih pawh hre tel bawk ila. Heta tang hian SPECIAL PACKAGE a nilo tih chu a awilo tan chuan Central Secretariat ah khuan zuk zawh chian tawh mai tur, mahse vai ho khu pawisa duh ve tak tho an ni tih chu theih nghilh loh tur...
Posted on: Fri, 04 Oct 2013 22:51:18 +0000
Trending Topics
Recently Viewed Topics
© 2015