DIET Kolasib ah chuan nakum February thla atangin Zirtirtu thawk lai (In Service) leh la thawk lo (Pre Service) te tan Training na hawn tan a ni dawn ta a, hetihlai hian Kolasib Dist chhungah ZirtirtuTraining nei lo a thawk (UntrainedTeacher) mi 600 an awm. Nimin khan Pu C Vanlalmawia, Principal DIET Kolasib chuan Kolasib a Media mite a Office ah kawmin hemi chungchang hi a sawipui a, Nakum February thla atang in Zirtirtu Training hi neih tan tum a nih thu leh hemi tan hian hmalak mek anih thu a sawi a. In Service leh Pre Service ah hian BA passed chin emaw, HSSLC a 45% mark hnuchin te tan Training neih theih a nih thu sawiin In Service a Training nei thei tur zat hi a la chian loh thu leh Pre Service ah chuan Seat 50 a awm theih tur thu a sawi a. In Service hi kumkhat chhung Training neih tur niin Pre Service hi kum hnih chhung neih tur a nihthu te, Training te tan Hostel an neih theih dawn loh thu a sawi a. Admission hi October ah neiin November ah Written tst neih a ni ang tiin 2015 hma in India ram a Zirtirtu zawng zawngte chu Training pek vek hman tum a nih thu a sawi Tun a Hostel an neih mek chu Class Room leh lecturer Room tur atan siam rem tum mek a nih thu a sawi bakah IGNOU hnuaiah D. El.Ed Course Seat 100 tan tum meka nih thute, NCTE Mizoram atanga Permission lak a ngaih thu leh MoU an ziah fel veleh tan nghal mai an tum thu te a sawi bawk Pu C Vanlalmawia chuan DIET Kolasib ram tur atan chuan Pu H Rodingliana S/o Thangmawia (L) ram Dist Jail Kolasib piah chu biak a nih tawh thu leh Hostel 2, Sq ft 8650 a zau, mipa leh hmeichhia 50 ve ve lenna tur leh Staff Quarter 4 leh Field siam a nih tur thu a sawi a Hemi atan hian sum nuai 450.9 chu sanction tawh a nih thu a sawi a. Main Building, chu Saidan mipui duh dan angin tuna an hmun ah hian dah dan tur zawn mek a ni tiin, hemi chung chang hi Saidan mipui leh Minister te nen pawh an lo sawi ho tawh thu sawiin thil a fel veleh sak mai theih turin sum pawh PWD kut ah hlan a nih tawh thu a sawi bawk.
Posted on: Thu, 15 Aug 2013 02:51:04 +0000
Trending Topics
Recently Viewed Topics
© 2015