Dahil sa kaliwat-kanang kontrobersiya kaugnay ng pork barrel scam, tuluyan nang tinalikuran ng mga senador ang kanilang Priority Development Assistance Fund (PDAF) o mas kilala sa pork barrel. Ito ay matapos na pinagtibay sa plenaryo ng Senado kagabi ang Senate Resolution No.14 na inakda ni Senate President Franklin Drilon. Kasabay nito ay hinimok ng Senado ang Malacañang na gamitin na lamang bilang calamity fund ang P3.18 billion na natitirang pork barrel ng mga senador ngayong 2013 para sa mga biktima ng kalamidad. “We adopted Senate Resolution No. 14 wherein the senators have waived and abandoned their PDAF for 2013. With that abandonment of their PDAF entitlement, it has created savings which the President may use as calamity fund for areas affected by the typhoons ‘Labuyo’ and ‘Santi,’ by the earthquake in Visayas, and the man-made disaster in Zamboanga,” ayon kay Drilon. Binigyang diin ni Drilon na hindi magiging balakid ang inilabas na Temporary Restraining Order (TRO) ng Korte Suprema laban sa paggamit ng pork barrel para gawing calamity fund dahil alinsunod sa Saligang Batas, may kapangyarihan ang Executive department na i-realign ang pondo mula sa savings. Ayon kay Drilon, hindi na maituturing na pork barrel ang gagamitin para sa mga sinalanta ng kalamidad dahil naging savings ito na ginawang calamity fund. The President may, by law, be authorized to augment any item in the General Appropriations Act from savings in any other items in the executive department, ayon kay Drilon. - See more at: bomboradyo/news/latest-news/item/28403-mga-senador-inabandona-na-ang-pork-barrel#sthash.1GLSp5Vh.dpuf
Posted on: Wed, 23 Oct 2013 02:05:56 +0000
Trending Topics
Recently Viewed Topics
© 2015