Daleel-E-Subah-E-Roshan Hai Sitaron Ki Tunak Tabi Ufaq Se Aftab Ubhra, Gya Dour-E-Garan Khawabi Urooq-E-Murda’ay Mashriq Mein Khoon-E-Zindagi Dora Samajh Sakte Nahin Iss Raaz Ko Seena-O-Farabi Musalman Ko Musalman Kar Diya Toofan-E-Maghrib Ne Talatum Haye Darya Hi Se Hai Gohar Ki Seerabi Atta Momin Ko Phir Dargah-E-Haq Se Hone Wala Hai Shikoh-E-Turkamani, Zehan-E-Hindi, Nutq-E-Arabi Asar Kuch Khawab Ka Ghunchon Mein Baqi Hai To Ae Bulbul ! “Nawa Ra Talakh Tar Mee Zan Choo Zauq-E-Nagma Kmyabi” Tarap Sehan-E-Chaman Mein, Ashiyan Mein, Shakhsaron Mein Juda Pare Se Ho Sakti Nahin Taqdeer-E-Seemabi Woh Chashm-E-Paak Been Kyun Zeenat-E-Bargistawan Dekhe Nazar Ati Hai Jis Ko Mard-E-Ghazi Ki Jigar Tabi Zameer-E-Lala Mein Roshan Charagh-E-Arzoo Kar De Chaman Ke Zarre Zarre Ko Shaheed-E-Justujoo Kar De Sar Shak-E-Chashm-E-Muslim Mein Hai Neesan Ka Asar Paida Khalil-Allah (A.S.) Ke Darya Mein Hon Ge Phir Guhar Paida Kitab-E-Millat-E-Baiza Ki Phir Sheeraza Bandi Hai Ye Shakh-E-Hashmi Karne Ko Hai Phir Barg-E-Bar Paida Rubood Aan Turk Sheerazi Dil-E-Tabraiz-O-Kabil Ra Saba Karti Hai Buay Gul Se Apna Hamsafar Paida Agar Usmaniyon Par Koh-E-Gham Toota To Kya Gham Hai Ke Khoon-E-Sad Hazar Anjum Se Hoti Hai Sahar Paida Jahan Baani Se Hai Dushwar Tar Kar-E-Jahan Beeni Jigar Khoon Ho To Chashm-E-Dil Mein Hoti Hai Nazar Paida Hazaron Saal Nargis Apni Benoori Pe Roti Hai Bari Mushkil Se Hota Hai Chaman Mein Didahwar Paida Nawa Pera Ho Ae Bulbul Ke Ho Tere Taranum Se Kabootar Ke Tan-E-Nazuk Mein Shaheen Ka Jigar Paida Tere Seene Mein Hai Poshida Raaz-E-Zindagi Keh De Musalman Se Hadees-E-Soz-O-Saaz-E-Zindagi Keh De Khuda’ay Lam Yazil Ka Dast-E-Qudrat Tu, Zuban Tu Hai Yaqeen Paida Kar Ae Ghafil Ke Maghloob-E-Guman Tu Hai Pare Hai Charakh-E-Neeli Faam Se Manzil Musalman Ki Sitare Jis Ki Gard-E-Rah Hon, Woh Karwan Tu Hai Makan Fani, Makeen Ani, Azal, Tera, Abad Tera Khuda Ka Akhiri Pegham Hai Tu, Javidan Tu Hai Hina Band-E-Uroos-E-Lala Hai Khoon-E-Jigar Tera Teri Nisbat Baraheemi Hai, Mamaar-E-Jahan Tu Hai Teri Fitrat Ameen Hai Mumkanat-E-Zindagani Ki Jahan Ke Johar-E-Muzmar Ka Goya Imtihan Tu Hai Jahan-E-Aab-O-Gil Se Alam-E-Javed Ki Khatir Nabuwat Sath Jis Ko Le Gyi Woh Armgahan Tu Hai Ye Nukta Sargazhat-E-Millat-E-Baiza Se Hai Paida Ke Aqwam-E-Zameen-E-Asia Ka Pasban Tu Hai Sabaq Phir Parh Sadaqat Ka, Adalat Ka, Shujaat Ka Liya Jaye Ga Tujh Se Kaam Dunya Ki Imamat Ka Yehi Maqsood-E-Fitrat Hai, Yehi Ramz-E-Muslamani Akhuwat Ki Jahangeeri, Mohabat Ki Farawani Butan-E-Rang-O-Khoon Ko Torh Kar Millat Mein Gum Ho Ja Na Toorani Rahe Baqi, Na Irani Na Afghani Miyan-E-Shakhsaran Sohbat-E-Murgh-E-Chaman Kab Talak! Tere Bazu Mein Hai Parwaz-E-Shaheen-E-Kehsatani Guman Abad-E-Hasti Mein Yaqeen Mard-E-Musalman Ka Byaban Ki Shab-E-Tareek Mein Qindeel-E-Rahbani Mitaya Qaisar-E-Kasra Ke Istabdad Ko Jis Ne Woh Kya Tha, Zor-E-Haider (R.A.), Faqr-E-Bu Zar (R.A.), Sidq-E-Salmani (R.A.) Huway Ahrar-E-Millat Jadah Pema Kis Tajamul Se Tamashayi Shagaaf-E-Dar Se Hain Sadiyon Ke Zindani Sabat-E-Zindagi Aeeman-E-Muhkam Se Hai Dunya Mein Kah Almani Se Bhi Paenda Tar Nikla Hai Toorani Jab Iss Angara’ay Khaki Mein Hota Hai Yaqeen Paida To Kar Leta Hai Ye Bal-O-Par-E-Rooh-ul-Ameen Paida Ghulami Mein Na Kaam Ati Hain Shamsheerain Na Tadbeerain Jo Ho Zauq-E-Yaqeen Paida To Kat Jati Hain Zanjeerain Koi Andaza Kar Sakta Hai Uss Ke Zor-E-Bazu Ka ! Nigah-E-Mard-E-Momin Se Badal Jati Hain Taqdeerain Walayat, Padshahi, Ilm-E-Ashiya Ki Jahangeeri Ye Sub Kya Hain, Faqat Ek Nukta-E-Aeeman Ki Tafseerain Baraheemi Nazar Paida Magar Mushkil Se Hoti Hai Hawas Chup Chup Ke Seenon Mein Bana Leti Hai Tasweerain Tameez-E-Banda-O-Aaqa Fasad-E-Admiyat Hai Hazar Ae Cheerah Dastan! Sakht Hain Fitrat Ki Taazirain Haqiqat Aik Hai Har Shay Ki, Khaki Ho Ke Noori Ho Lahoo Khursheed Ka Tapake Agar Zarre Ka Dil Cheerain Yaqeen Mohkam, Amal Peham, Mohabbat Faateh-E-Alam Jahad-E-Zindagani Mein Hain Ye Mardon Ki Shamsheerain Cha Bayad Mard Ra Tabaa-E-Bulanday, Mashrab-E-Naabay Dil-E-Garmee, Nigah-E-Pak Beenay, Jaan-E-Betabay Auqabi Shan Se Jhapte The Jo, Bebaal-O-Par Nikle Sitare Sham Ke Khoon-E-Shafaq Mein Doob Kar Nikle Huway Madfoon-E-Darya Zair-E-Darya Tairne Wale Tamanche Mouj Ke Khate The Jo, Ban Kar Guhar Nikle Ghabar-Ereh Guzar Hain, Keemiya Par Naaz Tha Jin Ko Jibeenain Khak Par Rakhte The Jo, Ikseer Gar Nikle Hamara Naram Ro Qasid Peyam-E-Zindagi Laya Khabar Deti Theen Jin Ko Bijliyan Woh Be-Khabar Nikle Haram Ruswa Huwa Peer-E-Haram Ki Kam Nigahi Se Jawanan-E-Tatari Kis Qadar Sahib-E-Nazar Nikle Zameen Se Nooriyan-E-Asman Parwaz Kehte The Ye Khaki Zinda Tar, Paenda Tar, Tabinda Tar Nikle Jahan Mein Ahl-E-Aeeman Soorat-E-Khursheed Jeete Hain Idhar Doobe Udhar Nikle, Udhar Doobe Idhar Nikle Yaqeen Afrad Ka Sarmaya-E-Tameer-E-Millat Hai Yehi Quwwat Hai Jo Soorat Gar-E-Taqdeer-E-Millat Hai Tu Raaz-E-Kun Fakan Hai, Apni Ankhon Par Ayan Ho Ja Khudi Ka Raazdan Ho Ja, Khuda Ka Tarjuman Ho Ja Hawas ne Kar Diya Tukre Tukre Nu-E-Insan Ko Akhuwat Ka Byan Ho Ja, Mohabbat Ki Zuban Ho Ja Ye Hindi, Who Khurasani, Ye Afghani, Who Toorani Tu Ae Sharminda-E-Sahil ! Uchal Kar Be-Karan Ho Ja Ghubar Aludah’ay Rang-O-Nasb Hain Baal-O-Par Tere Tu Ae Murgh-E-Hara ! Urne Se Pehle Par-Fishan Ho Ja Khudi Mein Doob Ja Ghafil ! Ye Sir-E-Zindagani Hai Nikl Kar Halqa-E-Shaam-O-Sahar Se Javidan Ho Ja Masaf-E-Zindagi Mein Seerat-E-Foulad Paida Kar Shabistan-E-Mohabbat Mein Harair-O-Parniyan Ho Ja Guzar Ja Ban Ke Seel-E-Tund Ro Koh-E-Byaban Se Gulistan Rah Mein Aye To Joo’ay Naghma Khawan Ho Ja Tere Ilm-O-Mohabbat Ki Nahin Hai Intaha Koi Nahin Hai Tujh Se Barh Kar Saaz-E-Fitrat Mein Nawa Koi Abhi Tak Admi Sayd-E-Zaboon-E-Sheher Yari Hai Qayamat Hai Ke Insan Nu-E-Insan Ka Shikari Hai Nazar Ko Kheerah Karti Hai Chamak Tehzeeb-E-Hazir Ki Ye Sanaee Magar Jhoote Nagon Ki Rezakari Hai Woh Hikmat Naz Tha Jis Par Khiradmandan-E-Maghrib Ko Hawas Ke Panja’ay Khoonin Mein Taegh-E-Karzari Hai Tadabur Ki Fasoon Kari Se Mohkam Ho Nahin Sakta Jahan Mein Jis Tamaddan Ki Bina Sarmayadari Hai Amal Se Zindagi Banti Hai Jannat Bhi, Jahanum Bhi Ye Khaki Apni Fitrat Mein Na Noori Hai Na Naari Hai Kharosh Amoz-E-Bulbul Ho, Girah Ghunche Ki Wa Kar De Ke Tu Iss Gulistan Ke Waste Baad-E-Bahari Hai Phir Uthi Asia Ke Dil Se Chankari Mohabbat Ki Zameen Joulan Geh-E-Atlas Qabayan-E-Tatari Hai Baya Paida Khareedarst Jaan-E-Natoowane Ra “Pas Az Muddat Gudaz Aftaad Barma Karwame (Arise! A buyer has come to our hapless life; After an age, the time has come for our caravan’s departure.) Baya Saqi Nawaye Murgh-E-Zaar Az Shakhsar Amad Bahar Amad Nigar Amad, Nigar Amad Qirar Amad(Come, Saki! The song of the bird of the garden has come from the branches; The spring has come; the beloved has come; peace has come!) Kasheed Abar-E-Bahari Khemah Andar Wai-O-Sehra Sada’ay Absharan Az Faraz-E-Kohsar Amad(The spring cloud has pitched its tent in the valley and the desert; The sound of the waterfall has come from the summit of the mountains.) Sarat Gardam To Ham Qanoon-E-Paisheen Saazdah Saqi Ke Kheel-E-Naghma Pardazan Qitar Andar Qitar Amad(I implore you; renew the law of the past! For the army of singers has come drove upon drove.) Kanar Az Zahadan Bargeer-O-Bebakana Saghar Kash Pas Az Muddar Azeen Shakh-E-Kuhan Bang-E-Hazar Amad(Turn away from the ascetics and fearlessly drink wine from the jar; After an age the song of the nightingale has rung out from this old branch.) Ba Mushtaqan Hadees-E-Khawajah (S.A.W.)-E-Badar-O-Hunain Awar Tasarraf Haye Pinhanash Ba-Chashm Ashkar Amad(Bring the account of the Master of Badr and Hunain (PBUH) to those who yearn; Its hidden mystic powers have been revealed to the eye. ) Dgar Shakh-E-Khalil (A.S.) Az Khoon-E-Ma Namnaak Mee Gardad Babazaar-E-Mohabbat Naqad-E-Maa Kamil Ayar Amad(Again the branch of Khalil has been watered by the sap of our blood; In the marketplace of love our cash has proved to be perfect) Sir-E-Khak Shaheeday Barg Haye Lala Mee Pasham Ke Khawinsh Banihal-E-Millat Ma Saazgar Amad(I scatter the pearls of tulips upon the dust of the martyrs, For their blood has proved to be effective for the saplings of the community.) “Baya Ta Gul Bifasha-Neeyam Wa May Dar Saghar Andazyam Falak Ra Saqaf Bashagafiyam Wa Tarah-E-Deegar Andazyam”(Come, so that we may strew roses and pour a measure of wine in the cup! Let us split open the roof of the heavens and think upon new ways.) This poem is written by Allama Dr. Muhammad Iqbal, known as Tulu-e-Islam or the Rise of Islam. This long poem of nine ghazals, with differences in cadence, was written in the early 1920s after the First World War. In this poem Iqbal gives expression to his feelings on defeat of the Ottoman Empire and dismemberment of the Muslim Khilafat.Its leading theme is the reassuring thought, that the time has come for the re-awakening of the Muslim world and re-assertion of Islamic values,. in order to regain their past glory Muslims must;Recognize the high place of Man in universe and also must appreciate the value of equality of Man above race and colour. This is also the essence of the teachings of the Holy Qur’an. In short this poem is call to Muslims for reawekening and to explore thereselves and the great qualities they have,just a need to explore yourself which the IQBAL describes as KHUDI!
Posted on: Thu, 22 Aug 2013 07:44:19 +0000
Trending Topics
Recently Viewed Topics
© 2015