Dange kisi bhi samaj ya desh ke hitt me nahi hote hain. Hum aisi ghatnaon ki ninda karte hain tatha doshiyon ke khilaaf kadi se kadi karvaahi ki maang UP Govt se karte hain. Congress or UPA Govt Muzaffar Nagar ke danga peedit logon ko har sambhav madad pahuchaegi,unke punarvisthapan ko sunishchit karvaegi. Par hume sochna hoga ki dange kyu hue,kisne karwae or is se unki mansha kha thhi or uske baad hume sochna hoga ki dange na to desh ke bahusankhyak Hinduon ke paksh me hain or na hi alp sankhyak Muslims ke favour me hain. In sab se upar uth kar hume ab paripakv rajneeti ki taraf badhna hai jis se desh vikaas ki raah par aagey badh sakey or us vikas ka laabh aam janta tak pahuch sakey. Dange karwane walon ko desh ki janta ko pehchan kar unhe chunav me sabak sikhana hoga. Dange desh ke development ki raah ko na kewal avruddh karte hain balki desh ko andar hi andar kamzor karne ka bhi kaam karte hain. Doston aaiye hum sab in sab chizon se aagey badhkar ek sashakt Bharat Nirmaan ka sankalp le. Jai Hind-Jai Bharat
Posted on: Tue, 17 Sep 2013 05:42:37 +0000
Trending Topics
Recently Viewed Topics
© 2015