Dear U le naute teng I hei na tek pan I damkim tek hia. Tu sungteng bel thu tuamtuam om phangphang bilbel ei. Thu tuamtuam lak pan Gullu vai mah zom kik zel leng. Kawlgam kizopna zumpite ah Gullu vai lungphona I neih ziahziah pen hih lam pan na lungdam mahmah ung. Gam le minam adingin ei panmun ciat pan ma a pang tenten sanggam u le nau a kuamapeuh hangin na khalum mahmah ung. Lungsim siangtho tak leh deihsakna, itna lai-natna tak tawh na kipiakkhiatna uh leh na hanciannate khempeuh uh zong I biak Pa Pasian in ong mawk suaksak hetlo ding hi. Tua bek thamloin I thu I la te zong ei adingin ahoihpen ding lampi tungah ong kiheihei to dingin lamen hang. Party le NGOs pawlkhat Inn lam pan zong Gullu vai mah mapanna pawlkhat kipulak nuam hang. Nung nipi sungin Paung-Ku zumpi ah ( Ygn ) gullu mual vai pansan lakzia ding Party 3 ( + 5) le NGOs pawlkhat kikum uh hi. Tua kikupna tungtawnin 1 ) Gullu kem pawl tawh khut kilen in E/S IA data la ding kipawlna khat ong zon sak uh hi. 2)I laibu ( Party le mipi kimuh khopna, March 26, 2013 ) pen thukimin hoihsa mahmah uh a, tua laibu leh I laibawlsa lai tuamtuamte khempeuh zong , Sem gam kizopna zum le kawlgam sunga om kizopna zum khempeuh ban ah, NMI company zumpi ( Sen gamah ) leh Kumpi dept. tuamtuam bek tham loin NGOs tuamtuamte kiangah laibu le laidalte ong puaksak kawikawi dingin gel uh hi. 3) Akisap le akulna om bangin press zong ong bawlsak kawikawi dingin gel uh hi. Gamsung gampua ah hih bang thute ong om ziahziah ciang ko pawlpawl bel gen zawhlohin a lungdam hi mai ung. Suangmeihol khawmpi 29 June 2013, Park Royal ( ygn ) kibawl suangmeihol khawmpi ah zong lawm Thatuang va kihel hi. Kawlgam bup pan mi 600 val kihel a, minam kim, kipawlna namkim, biakna namkim, MPte, kawl phonggyi, Pastor, Father,Sister …kihel hi. Tua khawmpi panin suangmeihol tawh nasepna te et cik ding, a thak akibehlap lohna ding cih te pawl deihngetna tangko na ong piang khia hi.Hih pen ei adingin thupi diak hi. Banghang hiam cihleh Gullu tawh nading akisam mei ( electric ) pen suangmeihol tha kizat sawm hi. Kawlpi Hluttaw zumah Kawlpi Hluttaw zumah zong tu nipi bei kuan lamah Kawlpi huam CSOs le MP te kimuh khopna om ding hi. Tua lai ah zong kawlpi huam vai tuamtuam le suangmeihol meiset vai, gullu vaite zong na kikum thei ding hi ung. Lawm Zamthuam zong gamgi dungsuk vai tuamtuam ( singnuaimi, bengh ciin vai …, ) te kikum dingin Ygn ah a om laitak hi. www kinei ta. Zogam leisung sumpiang en-cik pawl ( Chinland natural resources watch group )in zong www nei ta hi hang. cnrwg . org. hi. Gullu vai le Zogam leisung sumpiang le mual leh guam, singkung lopa thute et theihna ding deihna hi a, tu ta dih in bel tampi kiguang zo nai lo cih ding hi. Liantuang Kawlpi( 09400511757 )
Posted on: Mon, 01 Jul 2013 17:15:59 +0000
Trending Topics
Recently Viewed Topics
© 2015