Definition of STUPID: Knowing the TRUTH, seeing the TRUTH, but still believing the LIES. Átna/mawlna awmzia chu THUDIK hre reng chung emaw mita THIL DIK hmu reng chung emaw a DAWT rin tlatna hi a ni. Hmanni lawkah India rampumah Independence Day kan hmang a, India ram hmun tinah urhsun takin kan hmanga, Mizoramah takngial pawh uluk khunkhan takin kan hmang ve bawk a. A ropui hle mai. Happy Independence day tih thumal hi ka dawng hnem hle. Heng social network whatsapp, hike, viber, line, facebook sawisen a nilo, Independence day wishna leh thupost tam tak ka hmu, inhmuh ve ngei pawh ka ring. Han ngaihtuah chian deuh hian ka happy ve na tur ka hre hran hauh lo mai. Ka tan chuan Independence day a ni satliah ringawt mai a ni. Tunlai thil awmzia leh hmanlai thil kal tawh ka han thlir hian chutia Independence day anih avanga han hlim em em na tur awmin ka hre lo. North East India tia khawvelin a hriat hi India map thenkhatah chuan telhloh a ni ta zauh zauh mai. Ngaihthah leh hmuhsit kan ni tih hi hairual a nilo. NDTV ah emaw National news emaw India ram chanchinbu lian Times of India ah emaw Mizoram hian chhiat a tawh emaw hlawhtlinna a chan hian kan lang ngai tlat lo. Entirnan, nikuma Laipuitlang leimin kha India news emaw chanchinbu emaw ah a lang pha lo. Lang awm hliah hliah a nih laiin Vairama car accident mai mai news ah a lang leh lawi si. Ngaihthah leh hmuhsit kan ni ka tilo thei lo. Hmuhsitawm tak reng chu kan ni. Kan ram hruaituten buhfai Central-ah kan in dilchhuah tam siak tlat alawm. State chawmhlawm, state pachhia mahni ke a ding thei lo, tundin chawp ngai. Karkhat silchar kawng pin vanga rampum buai zo thin kan ni. Chutia Zoramin India ram a thäwm emaw kan thil tih in nghawng engmah a nei phak lo a ni tih hrechiang em em tu Indian Politician kulmuk te chuan kan ram hi an hmelma te hremnan tak ala han hmang zui lehnghal a, ngaihtuah chian poh leh rilru hi a na ting mai a ni. Hetiang em em a inthamlohna hi a awm thei dawn em ni? Nia, hmanlai kan pi leh pute hunlai, kan nu leh kan pate nopanlai khan zoram hian zalenna lo sual lo se tiin thangthar tam tak te chuan kan rilru ah kan ngaihtuah a ni mahna. Zoramin a tawrhna zawng zawng kha thleng lo tawp se kan ti a ni mai thei. Heng zawng zawng hi India laka kan cho chhuah alawm hremna tuar awm reng kan lo ni i ti a ni mai thei mahse tuna langchiang ta em em chu HMUHSIT chhunzawm zel kan la ni. Independent Zoramin a sual emaw sual lo emaw HMUHSIT chhunzawm zel kan la ni. Kan ni reng bawk ang. Thil pakhat ka hmuh chiang ta em em mai chu, Átna/mawlna awmzia chu THUDIK hre reng chung emaw mita THIL DIK hmu reng chung emaw a DAWT rin tlatna hi a ni.
Posted on: Sun, 17 Aug 2014 17:11:33 +0000
Trending Topics
Recently Viewed Topics
© 2015