Dhan nirankar ji Ek baar ki baat hai ki ek aadmi babaji ke paas aata hai aur unse kehta hai "Babaji meri madat kariye.. mujhe kuch raasta bataiye.. Main muslim hoon aur log mujhe kehte hain ki mujhe sirfmasjid jaana chaiye aur ye satsang sab kuch kaam ka nahin.. lekin mujhe yahan aake aacha lagta hai.. pata nahi kyon.. par bahut seekhne ko bhi milta hai.. aap hi bataiye ki main kya karun" Iss baat ka Babaji ne bade prem se uttar diya "Bhai jo baat dil se nikalti hain dil ko zaroor pahuncti hai.. tumne bade pakke (bahut naek) irade aur saaf mann se satsang suna aur tumhe aacha laga.." Itna kehte hi woh aadmi bol pada "lekin masjid ya satsang"Aur phir usse jawab mila "Dekho sabka malik ek hi hai.. un tak pahunchne ka raasta ek hai aur tareeka bhi ek hi hai,. chahe tum is dwar se jao ya aur koi bhi.. yeh alag alag darwazein jo woh ek hi raastein par nikale hain yeh hum insaano ka hi banaya hua hai... tum jo bhi dwar se jao tarreka tohek hi hai aur pahunchna bhi ek hi jagah hai.. chahe tum gita pado, bible pado, quran pado ya aur koi kitaab padlo sab main yehi likha hai ki maalik sabka ek hi hai.. aur uss tak pahunchne ka zariya Is parmatma ka gyan hai.. chahe tum hindu ho muslim, sikh ya isyai pahunchna toh tumhe ussi malik tak hi hai na.. saache dil se uski aur bado zaroor pahunchonge tum..." Ab woh kehta hai "Shukriya Babaji.. ab main sab samaj chuka hoon.. koi shanka nahi hai mere dil mein.." Iske baad bhi Babaji ne kahan"Haan par suno bhulna nahi kabhibhi ki tumhe jaana kahan hai.. agar tumhe samjho Gujrat jaana hai tum uss direction ki gaadi toh le loge lekin agar gaadi sirf Ahmedabad tak jaati hai toh Gujrat ke pehle hi tumhein utarna padega.. yeh samajna ki humari manzil woh ek maalik hai, aur uss tak kaise pahunchna, hai yeh tumhe hi teh karna padega.."
Posted on: Thu, 04 Jul 2013 07:32:20 +0000