Djaluna, 29 di Yüli Mesora e spiritu a pon’é bai den desierto.—Mar. 1:12. Beibel ta informá nos ku Dios su spiritu santu tabata un forsa poderoso den Hesus su bida ora e tabata riba tera. Ora spiritu santu a dirigié pa hasi algu, gustosamente el a hasié. (Luk. 4:14) Abo tambe ta hasi meskos? Dios su forsa aktivo ainda ta dirigí esnan ku tin un mente i kurason dispuesto pa sigui su guia. Kon abo por lag’é guia bo den e direkshon korekto? Pidi Yehova konstantemente pa e manda su spiritu santu i pa e yuda bo aseptá su guia. (Efe. 3:14-16) I obra na armonia ku bo orashonnan dor di buska e konseho ku tin den Beibel, e Palabra di Dios, ku ta produkto di su spiritu santu. (2 Tim. 3:16, 17) Kaba, obedesé e instrukshonnan sabí ku tin den Beibel, aseptando asina e guia di spiritu santu. Hasiendo e kosnan akí, bo ta demostrá ku bo tin fe ku Yehova tin e kapasidat pa guia bo na e mihó manera posibel den e mundu malbado akí. w11 1/12 2:18, 19
Posted on: Mon, 29 Jul 2013 15:21:21 +0000
Trending Topics
Recently Viewed Topics
© 2015