Djaweps, 22 di Ougùstùs Meta di e instrukshon akí ta pa nos tin amor ku ta sali for di un kurason limpi, di un bon konsenshi i di fe sin hipokresia.—1 Tim. 1:5. Si nos ke pa e spiritu di Dios guia nos, nos mester evitá di hinka nos mes den tentashon dor di sinta kambia kanal di televishon pa loko òf sùrf riba Internet sin ningun propósito. (Rom. 8:5-8) Si nos haña nos ku esenanan inmoral, nos tin ku tuma medida mesora; di e manera ei, nos ta demostrá ku nos por i, realmente, mester ehersé dominio propio. Pero no ta muchu mas mihó pa nos evitá di hinka nos mes den situashonnan asina? (Pro. 22:3) P’esei ta bon pa tuma medida di protekshon i tene nos mes na esakinan. Esei tambe ta un manera pa ehersé dominio propio. Por ehèmpel, bo por pone e kòmpiuter den sala, kaminda tur hende por mira kiko bo ta hasi. Algun ta preferá di no usa kòmpiuter ni wak televishon ora no tin otro hende na kas. Otronan a disidí di no usa Internet mes. (Mat. 5:27-30) Laga nos tuma e medidanan nesesario pa protehá nos mes i nos famia. w11 1/4 4:17, 18
Posted on: Wed, 21 Aug 2013 23:16:30 +0000
Trending Topics
Recently Viewed Topics
© 2015