Dt.28.11.2013 Vawiin atanga Inrinni thleng hian Khawzawl khaw chhunga K. Oil Dealer te chuan Khawnvartui, Ration Card 1-ah Ltrs. 2, Rs.36/- zelin an sem chhuak dawn a, Vengthar K. Oil Dealer te chuan tukthuan eikham atangin an sem chhuak dawn a ni. Mizoram Inthlanpui neih avanga Sawrkar Department hrang hrangte hmalakna phuar anih hnu-ah tunah hian Sawrkar Department hrang hrangte chuan an hmalaknate an chhunzawm leh tan ta a, Election Duty a khawdang a kal chhuakte pawh an rawn haw leh tan tawh a ni. Thawhlehni a 22 Tui-chang Constituency huam-chhunga Political Party hrang hrang Candidate te Aizawl lama an haw thlak hnuah nimin khan Party hrang hrangte pawhin an Campaign Office te an khar tawh a ni. SBI ATM tha lo chu nimin khan siam that a ni ta a, ATM-ah hian vawikhat ah Rs.10,000/- bak a lak chhuah theih lohva, a aia tam lak chhuah an tum hian pawisa a inhnawh tawt a, ATM a buai phah thin a, hei vang hian mipuite chu vawikhat a Rs.10,000/- aia tam lak chhuah tum tawh lo turin an ngen a ni. KVK Khawzawl chuan nimin khan Farmers Field Day chu PC. Mangchhuana lo ah an hmang a, hetah hian mi 30 vel an tel a ni. Khawzawl Damdawi Inah nizan khan damlo 8, puitling 3 leh naupang 5 an awm a, ngaihtuahawm lutuk erawh an awm lo a ni. Hetih lai hian nimin khan chhung-kaw thilah Dr. Ruata chu Aizawl lamah a chhukthla a, vawiin hian Dr. Manuni pawh Office thil pawimawh te buaipuiin Aizawl-ah a chhuk dawn niin thu kan dawng bawk.
Posted on: Thu, 28 Nov 2013 12:39:27 +0000
Trending Topics
Recently Viewed Topics
© 2015