Duha ka construction worker nakuryente, isa nahulog sa building kag natuhog sang kabilya Duha ka construction workers sa University of Iloilo ukon UI PHINMA High School Department ang nakuryente kag isa sa ila ang nahulog samtang nagapasaka sa tatlo ka panalgan nga building. Ang mga biktima amo sanday Rolando del Rosario Jr. kag si Elmar Paborito, 27 anyos, sang Barangay Tinorian, Barotac Nuevo, Iloilo. Sa pagsaysay sang mga nakasaksi sa Bombo Radyo, pasaka sa atop sang building paagi sa salsalon nga hagdanan ang duha ka biktima sang nagtapik ang linya sang kuryente kag nag-igrab rason nga nakuryente ang duha. Nahulog sa building si del Rosario kag natuhog ang natuo nga paa sang nagtupa sa duta, nagdugo man ang iya dulunggan, kag nakaangkon sang gasgas sa natuo nga guya kag agtang kag gilayon nga gindala sa pribado nga hospital sa siyudad. Natigayon naman nga makasaka sa atop si Paborito sa pihak sang mga naangkon nga sunog sa nawala nga tiil, likod, kag iban pa nga bahin sang lawas. Madasig naman nga nagresponde ang Iloilo City Emergency Responders ukon ICER kag ang Bureau of Fire Protection ukon BFP agud marescue ang biktima sa atop sang building matapos nga mabatian sa Bombo Radyo ang insidente.
Posted on: Fri, 13 Sep 2013 10:55:43 +0000
Trending Topics
Recently Viewed Topics
© 2015