DİPROSPAN ® inyeksiya üçün suspenziya. DIPROSPAN® Tərkibi Təsiredici maddə: 1 ml suspenziyanın tərkibində 6,43 mq betametazon dipropionat ( 5mq betametazona ekvivalent) və 2,63 mq betametazon natrium fosfat (2 mq betametazona ekvivalent) vardır. Köməkçi maddələr: natrium hidrofosfat dihidrat, natrium xlorid, dinatrium edetat, polisorbat 80, benzil spirti, metilparahidroksibenzoat, (Е 218), propilparahidroksibenzoat (Е 216), natrium karboksimetilsellüloza, makroqol 3350, xlorid turşusu, inyeksiya üçün su. Təsviri Şəffaf, rəngsiz, azca özlü mayedir, içərisində ağ və ya demək olar ki, ağ rəngli hissəciklər vardır, hansı ki asanlıqla suspenziya halına keçir, kənar qarışıqlardan azaddır. Farmakoterapevtik qrupu Sistem istifadə üçün kortikosteroidlər. АТС kodu: H02A B01. Farmakoloji xüsusiyyətləri Farmakodinamikası Diprospan® betametazonun əzələdaxili, oynaqdaxili, oynaqətrafı, sinovialdaxili və dəridaxili inyeksiyalar üçün, həmçinin bilavasitə zədələnmə nahiyəsinə yeridilmə üçün həll olan və az həll olan efirlərinin kombinasiyasından ibarətdir. Diprospan® yüksək qlükokortikosteroid aktivliyə və əhəmiyyətsiz dərəcədə mineralokortikoid aktivliyə malikdir. Bundan başqa, preparat karbon homeostazını və su-elektrolit balansını tənzimləyir. Betametazon dipropionat kristallarının kiçik ölçülü olması dəridaxili yeritmə və bilavasitə zədələnmə ocağına yeritmə üçün kiçik diametrli (0,9 mm-ə qədər) iynələrin istifadə olunmasına imkan verir. Farmakokinetikası Betametazon natrium fosfat – asan həll olan komponent olub, yeridilmə yerindən sürətlə absorbsiya olunur və müalicəvi təsirin tez başlanmasını təmin edir. Betametazon dipropionat – az həll olan komponentdir, inyeksiya yerində yaranan depodan tədricən absorbsiya olunur və preparatın uzunmüddətli təsirini təmin edir. Plazma zülalları ilə birləşməsi - 62,5%. Qaraciyərdə metabolizə olunur. Əsasən böyrəklər vasitəsilə, çox az hissəsi isə ödlə xaric olur. İstifadəsinə göstərişlər • Revmatoid artrit, osteoartritlər, bursitlər, tendosinoviitlər, tendinitlər, peritendinitlər, ankilozlaşdırıcı spondilit, epikondilit, radikulit, koksidinium, işias, lümbaqo, əyriboyunluq, qanqliyoz kista, ekzostoz, fassiit, pəncə xəstəliyi, bərk döyənək fonunda bursit, ayağın baş barmağının məhdud hərəkətliliyi. • Bronxial astma, astmatik status, ot qızdırması, allergik bronxit, allergik rinit, medikamentoz allergiya, zərdab xəstəliyi, həşərat dişləməsinə qarşı reaksiya. • Аtopik dermatit (pulşəkilli ekzema), neyrodermitlər, kontakt dermatiti, ifadə olunmuş günəş dermatiti, övrə, qırmızı yastı dəmrov, insulin lipodistrofiyası, yuvalı alopesiya, diskoid eritematoz qurdeşənəyi, psoriaz, kelloid çapıqlar, adi qabar, herpetik dermatit, kistoz çivzələr. • Sistem eritematoz qurdeşənəyi, sklerodermiya, dermatomiozit, düyünlü periarteriit. • Böyüklərdə leykozun və limfomaların palliativ müalicəsi; uşaqlarda kəskin leykoz. • Аdrenogenital sindrom, xoralı kolit, regionar ileit, spru; qanın kortikosteroid müalicə tələb edən patoloji dəyişiklikləri, nefrit, nefrotik sindrom. • Böyrəküstü vəzilərin qabıq maddəsinin birincili və ikincili çatışmazlığı (mineralokortikoidlərlə məcburi birgə yeridilməsi zamanı). Əks göstərişlər Betametazona, preparatın digər komponentlərinə və ya digər qlükokortikosteroidlərə qarşı yüksək həssaslıq. Sistem mikozlar. İdiopatik trombositopenik purpurası olan pasiyentlərə əzələdaxili yeridilmə. Hamiləlik və laktasiya dövründə istifadəsi Preparatın hamiləlik dövründə təhlükəsizliyinə dair nəzarət olunan tədqiqatlar aparılmadığı üçün hamiləlik dövründə onu yalnız ana üçün fayda/döl (uşaq) üçün mümkün potensial təhlükə nisbəti hərtərəfli qiymətləndirildikdən sonra təyin etmək lazımdır. Hamiləlik dövründə müalicəvi dozalarda kortikosteroidlər yeridilmiş analardan doğulan uşaqlar tibbi nəzarət altında olmalıdırlar (böyrəküstü vəzilərin qabıq maddəsinin çatışmazlığı əlamətlərini erkən aşkar etmək üçün). Laktasiya dövründə Diprospan® preparatının təyin edilməsi üçün zərurət yaranarsa, o zaman müalicənin ana üçün vacibliyini nəzərə almaqla ana südü ilə qidalandırmanın dayandırılması məsələsini həll etmək lazımdır (uşaqlara mümkün arzuolunmaz təsirinə görə). Uşaqlar. Uşaqlarda istifadəsinə dair klinik məlumatlar yoxdur, ona görə də onu bu yaş qrupunda olan pasiyentlərdə istifadə etmək tövsiyə olunmur (boy artımında geriqalma və böyrəküstü vəzilərin qabıq maddəsinin ikincili çatışmazlığının inkişafı mümkündür). Təhlükəsizlik tədbirlərinin xüsusiyyətləri Diprospan® suspenziyası venadaxili və ya dərialtı yeridilmə üçün nəzərdə tutulmamışdır. Preparatdan istifadə zamanı aseptik qaydalara ciddi əməl edilməlidir. Xüsusi göstərişlər Preparatın istənilən yeridilməsi (yumşaq toxumalara, zədələnmə ocağına, oynaqdaxili və b.k.) aydın ifadə olunmuş yerli təsir zamanı sistem təsirə gətirib çıxara bilər. Qlükokortikosteroidlərin əzələdaxili inyeksiyasını toxumaların yerli atrofiyasının qarşısını almaq üçün əzələ daxilinə dərinə yeritmək lazımdır. Oynaqdaxili inyeksiyalar yalnız tibb personalı tərəfindən həyata keçirilməlidir. Septik prosesi istisna etmək üçün oynaqdaxili mayeni analiz etmək lazımdır. Oynaqdaxili infeksiya olduqda preparat yeridilməməlidir. Ağrının hiss olunacaq dərəcədə güclənməsi, ətraf toxumaların temperaturunun yüksəlməsi və oynağın hərəkətliliyinin daha da məhdudlaşması septik artritin olduğunu göstərir. Diaqnoz təsdiq olunduqda antibakterial müalicə təyin etmək lazımdır. Qlükokortikosteroidləri qeyri-stabil oynağa, infeksiyalaşmış nahiyələrə və fəqərəarası aralığa yeritmək tövsiyə olunmur. Osteoartrit zamanı oynağa təkrar inyeksiyalar oynağın dağılması riskini yüksəldə bilər. Uğurlu onaqdaxili müalicədən sonra pasiyent oynağın artıq yüklənməsindən qaçmalıdır. Preparat hipotireozu və ya qaraciyər sirrozu olan pasiyentlərdə, gözlərin herpetik zədələnməsi olan pasiyentlərdə (buynuz təbəqənin perforasiyası təhlükəsinə görə); qeyri-spesifik kolit zamanı, perforasiya təhlükəsi olduqda, abssesdə və digər irinli infeksiyalarda, həmçinin divertikulitdə, təzə bağırsaq anastomozlarında, mədənin və 12-barmaq bağırsağın aktiv və latent xora xəstəliyində, böyrək çatışmazlığında, arterial hipertenziyada, osteoporozda, ağır miasteniyada preparat ehtiyatla istifadə edilməlidir. Diprospan® preparatından istifadə fonunda psixikanın pozulması (xüsusilə emosional qeyri-stabil pasiyentlərdə və psixoza meylli olanlarda) mümkündür. Preparatla müalicə zamanı şəkərli diabeti olan xəstələr şəkərsalıcı müalicənin korreksiyasına ehtiyac duya bilərlər. Qlükokortikosteroid alan xəstələrə çiçəyə qarşı peyvənd edilməməlidir. Nevroloji fəsadların inkişaf riskini və cavab olaraq aşağı immun reaksiyanı (anticisimlərin əmələ gəlməməsi) nəzərə alaraq, kortikosteroid alan (xüsusilə böyük dozalarda) xəstələrə digər immunizasiya həyata keçirmək tövsiyə edilmirsə, əvəzedici müalicə zamanı (məsələn, böyrəküstü vəzilərin qabıq maddəsinin birincili çatışmazlığı zamanı) immunizasiyanın aparılması mümkündür. İmmuniteti tormozlayan dozalarda Diprospan® alan pasiyentlərə suçiçəyi və qızılcası olan xəstələrlə təmasdan qaçmaq lazımdır (bu, xüsusilə, preparatı uşaqlara təyin edərkən vacibdir). Preparatdan istifadə zamanı nəzərə almaq lazımdır ki, qlükokortikosteroidlər infeksion xəstəliyin əlamətlərini gizlədə, həmçinin orqanizmin müqavimətini aşağı sala bilər. Aktiv vərəm zamanı preparat yalnız ildırımsürətli və ya disseminəolunmuş vərəm halında adekvat vərəməleyhinə müalicə ilə birlikdə təyin oluna bilər. Latent vərəmi olan pasiyentlər və ya tuberkulin sınağına müsbət reaksiya verən pasiyentlər əvvəlcə həkimlə vərəməleyhinə profilaktik müalicə məsələsini həll etməlidirlər. Qlükokortikosteroidlərin uzunmüddətli istifadəsi kataraktanın (xüsusilə uşaqlarda), görmə sinirinin mümkün zədələnməsi ilə qlaukomanın inkişafına və gözün ikincili infeksiyasının (göbələk və ya virus) inkişafına səbəb ola bilər. Xüsusilə 6 aydan yuxarı müddət ərzində Diprospan® alan pasiyentlərə vaxtaşırı olaraq oftalmoloji müayinədən keçmək lazımdır. Arterial təzyiqin yüksəlməsi zamanı toxumalarda mayenin və natrium-xloridin toxumalarda ləngiməsi və orqanizmdən kaliumun xaric olmasının artması zamanı (hansı ki, ödemlərlə, ürəyin işinin pozulması ilə özünü biruzə verə bilər) xörək duzunun məhdudlaşdırılması ilə pəhriz saxlamaq və əlavə olaraq kalium tərkibli preparatlar qəbul etmək tövsiyə olunur. Hipoprotrombinemiya zamanı Diprospan® preparatı ilə kombinasiyada asetilsalisil turşusunu ehtiyatla qəbul etmək lazımdır (qanaxma riskinin yüksəlməsi ilə əlaqədar olaraq). Нəmcinin, yadda saxlamaq lazımdır ki, müalicə qurtardıqdan sonra bir neçə ay müddətində böyrəküstü vəzilərin qabıq maddəsinin ikincili çatışmazlığının inkişafı mümkündür. Bu müddət ərzində stress vəziyyət yaranarsa və ya buna təhlükə olarsa, Diprospan® preparatı ilə müalicəni bərpa etmək lazımdır. Qlükokortikosteroidlərdən istifadə fonunda spermatozoidlərin hərəkətliliyində və miqdarında dəyişikliyin olması mümkündür. Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri Adətən, Diprospan® avtonəqliyyatı idarəedərkən və digər mexanizmlərlə işləyərkən reaksiya sürətinə təsir göstərmir. Lakin, tək-tək hallarda əzələ zəifliyi, qıcolmalar, görmənin pozulması, başgicəllənmə, başağrısı, əhvalın dəyişməsi, depressiya (aydın ifadə olunan psixotik reaksiyalarla), yüksək qıcıqlanma baş verə bilər, ona görə də preparatla müalicə vaxtı avtonəqliyyat idarə etmək və digər mexanizmlərlə işləmək tövsiyə olunmur. Digər dərman vasitələri ilə qarşılıqlı təsiri Eyni zamanda fenobarbitalın, rifampisinin, fenitoinin və ya efedrinin istifadəsi preparatın metabolizmini gücləndirə və beləliklə, onun müalicəvi aktivliyini aşağı sala bilər. Qlükokortikosteroidlərlə estrogenlərin birlikdə istifadəsi zamanı preparatın dozasına düzəliş edilməsi lazım gələ bilər (doza həddinin aşılması təhlükəsinə görə). Diprospan® preparatı ilə kaliumun xaric olmasına səbəb olan diuretiklərin birlikdə istifadəsi hipokaliemiyanın inkişaf ehtimalını artırır. Qlükokortikosteroidlərlə ürək qlikozidlərinin birlikdə istifadəsi zamanı aritmiyanın inkişaf riskinin artmasına və ya üskükotu intoksikasiyasına (hipokaliemiya nəticəsində) səbəb olur. Diprospan® amfoterisin-B qəbulu ilə əlaqədar ttörənən kalium ionlarının xaric olmasını daha da gücləndirə bilər. Diprospan® preparatının və dolayı təsirli antikoaqulyantların eyni zamanda istifadəsi qanın laxtalanma sürətinin dəyişməsinə səbəb ola bilər ki, bu da dozanın korreksiyasını tələb edə bilər. Qlükokortikosteroidlərin qeyri-steroid iltihabəleyhinə preparatlarla və ya etanolla və tərkibində etanol olan preparatlarla kombinəolunmuş şəkildə istifadəsi zamanı mədə-bağırsaq traktının eroziv-xoralı zədələnmələrinin meydana çıxma tezliyiniin və ya intensivliyiniin yüksəlməsinə səbəb ola bilər. Birlikdə istifadə zamanı qlükokortikosteroidlər qan plazmasında salisilatların konsentrasiyasını aşağı sala bilər. Qlükokortikosteroidlərlə somatotropinin eyni zamanda yeridilməsi sonuncunun absorbsiyasının ləngiməsinə səbəb ola bilər. İstifadə qaydası və dozası Qlükokortikosteroidin orqanizmə sistem daxil olması zəruri olduqda Diprospan®-ın əzələdaxili yeridilməsi; artrit zamanı bilavasitə zədələnmiş yumşaq toxumaya oynaqdaxili və periartikulyar inyeksiya şəklində; dərinin müxtəlif xəstəlikləri zamanı dəridaxili inyeksiya şəklində; pəncənin bəzi xəstəlikləri zamanı zədələnmə ocağına yerli inyeksiya şəklində yeridilməsi tövsiyə olunur. Dozalanma rejimi və yeridilmə qaydası göstərişdən, xəstəliyin ağırlığından və xəstənin müalicəyə reaksiyasından asılı olaraq fərdi qaydada müəyyən edilir. Doza minimal istifadə müddəti isə maksimum qısa olmalıdır. Doza qənaətbəxş klinik effekt almaq üçün seçilməlidir. Əgər müəyyən zaman kəsiyindən sonra qənaətbəxş effekt meydana çıxmazsa Diprospan® preparatı ilə müalicəni dayndırmaq və digər müvafiq müalicəyə başlamaq lazmdır. Sistem müalicə zamanı Diprospan® preparatının başlanğıc dozası əksər hallarda 1-2 ml təşkil edir. Xəstənin vəziyyətindən asılı olaraq, lazım gələrsə yeridilmə təkraq edilir. Preparat sağrı nahiyəsində əzələdaxili dərinə yeridilir: – təcili tədbirlərin zəruri olduğu ağır vəziyyətlərdə (qırmızı qurdeşənəyi və astmatik status), preparatın başlanğıc dozası 2 ml təşkil edə bilər; – müxtəlif dermatoloji xəstəliklərdə, adətən 1 ml preparat kifayətdir; – tənəffüs sisteminin xəstəliklərində preparatın təsiri Diprospan® preparatının əzələdaxili yeridilməsindən sonra bir neçə saat müddətində başlayır; bronxial astma, ot qızdırması, allergik bronxit və allergik rinit zamanı vəziyyətin əhəmiyyətli dərəcədə dəyişməsi 1-2 ml preparatın yeridilməsindən sonra əldə edilir; – kəskin və xroniki bursitlərdə əzələdaxili yeridilmə üçün başlanğıc doza 1-2 ml təşkil edir. Lazım gələrsə, bir neçə təkrar inyeksiya edilir. Yerli yeridilmə zamanı eyni zamanda yerli anesteziyaedici preparatın istifadəsi yalnız tək-tək hallarda zəruridir. Əgər yerli anesteziyaedici maddənin eyni zamanda yeridilməsi arzuolunandırsa, o zaman prokain-hidroxloridin və ya lidokainin 1%-li və ya 2%-li məhlullarından istifadə edilir və bu zaman bu preparatların elə dərman forması seçilir ki, onun tərkibində parabenlər olmasın. Tərkibində metilparaben, propilparaben, fenol və digər oxşar maddələr olan anestetiklərin istifadə edilməsinə icazə verilmir. Anestetikin Diprospan® preparatı ilə kombinasiyada istifadəsi zamanı şprisə əvvəlcə preparatın lazım olan dozası yığılır, sonra bu şprisə ampuldan yerli anestetikin lazım olan dozası yığılır və qısa müddət ərzində çalxalanır. Kəskin bursitlərdə (subdeltayabənzər, kürəkaltı, dirsək və dizqapağıönü) sinovial çantaya 1-2 ml Diprospan® preparatının yeridilməsi ağrının yüngülləşməsinə və bir neçə saat ərzində hərəkətliliyin tam bərpa olunmasına səbəb ola bilər. Xroniki bursitin müalicəsi xəstəliyin kəskin tutmasının aradan qaldırılmasından sonra preparatın aşağı dozaları ilə aparılır. Kəskin tendosinovitlərdə, tendinitlərdə və peritendinitlərdə Diprospan® preparatının bir inyeksiyası xəstənin vəziyyətini yüngülləşdirir, xroniki hallarda – reaksiyadan asılı olaraq preparatın inyeksiyasını təkrar etmək lazımdır. Preparatın bilavasitə vətərə yeridilməsindən qaçmaq lazımdır. Revmatoid artrirdə və osteoartritdə preparatın 0,5-2 ml dozada oynaqdaxili yeridilməsi ağrını, oynaqların ağrılığını və hərəkət məhdudluğunu yeridildikdən sonra 2-4 saat meddətində azaldır. Preparatın müalicəvi təsir müddəti əhəmiyyətli dərəcədə dəyişir və 4 həftə və daha çox təşkil edə bilər. Böyük oynaqlara yeridilmə zamanı preparatın tövsiyə olunan dozaları 1-2 ml təşkil edir; orta oynaqlara – 0,5-1 ml; kiçik oynaqlara – 0,25-0,5 ml. Dərinin bəzi xəstəliklərində preparatın bilavasitə zədələnmiş ocaqda dəridaxili yeridilməsi effektivdir, doza 0,2 ml/sm2 təşkil edir. Zədələnmiş nahiyə tuberkulin şprisi və təqribən 0,9 mm diametrli tuberkulin iynəsinin köməyi ilə bərabər dərəcədə iynələnir. Bütün yeridilmə nahiyələrinə 1 həftə ərzində yeridilmiş preparatın məcmu dozası 1 ml-dən çox olmamalıdır. Bərk döyənək zamanı Diprospan® preparatının tövsiyə olunan birdəfəlik dozaları (yeridilmələrarası interval 1 həftə) - 0,25-0,5 ml (adətən, 2 inyeksiya effektivdir); şpor zamanı – 0,5 ml; ayağın böyük barmağının çətin hərəkətliliyi zamanı – 0,5 ml; sinovial kista zamanı – 0,25-0,5 ml; tendosinovit zamanı – 0,5 ml; kəskin podaqra artriti zamanı – 0,5 -1 ml. Yeritmə üçün tuberkulin şprisi ilə iynəsindən (diametri təqribən 1 mm) istifadə etmək tövsiyə olunur. Müalicəvi effekt əldə edildikdən sonra dəstəkləyici doza məhlulda betametazonun konsentrasiyasını azaltmaqla başlanğıc dozanın tədricən azaldılması yolu ilə seçilir və müvafiq zaman intervallarında yeridilir. Dozanın azaldılması minimal effektiv doza əldə olunana qədər davam etdirilir.Stress vəziyyəti yarandıqda və ya yaranma qorxusu olduqda (hansı ki, xəstəliklə əlaqədar deyildir) ola bilər ki, preparatın dozasının yüksəldilməsinə ehtiyac yaransın. Uzunmüddətli müalicədən sonra preparatdan istifadənin dayandırılması dozanın tədricən azaldılması yolu ilə həyata keçirilməlidir. Xəstənin vəziyyəti ən azı 1 il ərzində uzunmüddətli müalicənin qurtarması zamanı və ya preparatın yüksək dozalarda istifadəsindən sonra müşahidə edilməlidir. Əlavə təsirləri Digər qlükokortikosteroidlərin istifadəsi zamanı olduğu kimi, preparatın əlavə təsirləri dozadan və preparatın istifadə müddətiindən asılıdır. Bu təsirlər, adətən, dönər xarakterlidir və dozanın azaldılması ilə azaldıla bilər. Su-elektrolit balansı: natriemiya, kaliumun xaric olmasının yüksəlməsi, hipokaliemik alkoloz, kalsiumun xaric olmasının artması, toxumalarda mayenin ləngiməsi. Ürək-damar sistemi: durğun ürək çatışmazlığı (bu xəstəliyə meylliyi olan xəstələrdə); arterial hipertenziya. Sümük-əzələ sistemi: əzələ zəifliyi, miopatiya, əzələ kütləsinin itməsi, psevdiparalitik miasteniya zamanı miastenik simptomların pisləşməsi, osteoporoz, bud və çiyin sümüklərinin başlarının aseptik nekrozu, borulu sümüklərin patoloji sınıqları, vətərlərin qırılması, oynaqların qeyri-stabilliyi (çoxsaylı inyeksiyalardan sonra). Həzm sistemi: mədə-bağırsaq traktının sonrakı mümkün perforasiya və qanaxması ilə eroziv-xoralı zədələnməsi, pankreatit, meteorizm. Dəri: yaraların sağalmasının pisləşməsi; dərinin atrofiyası; dərinin nazikləşməsi; petexiyalar və ekximozlar; üzün eriteması; yüksək tərlilik; dermatit, səpgi, angionevrotik ödem kimi dəri reaksiyaları. Sinir sistemi: qıcolmalar, görmə siniri diskinin ödemi ilə kəllədaxili təzyiqin yüksəlməsi (adətən müalicə qurtardıqdan sonra), başgicəllənmə, başağrısı, eyforiya, əhvalın dəyişməsi, depressiya (ifadə olunmuş psixotik reaksiyalarla), yüksək qıcıqlanma, yuxusuzluq. Endokrin sistemi: menstrual siklin pozulması, Kuşinq sindromu, dölün inkişafının və uşağın boyartımının ləngiməsi, qlükozaya tolerantlığın pozulması, latent şəkərli diabetin təzahürü, insulin inyeksiyasının və ya peroral antidiabetik vasitələrin istifadəsinə tələbatın artması. Görmə: arxa subkapsulyar katarakta, gözdaxili təzyiqin yüksəlməsi, qlaukoma, ekzoftalm. Maddələr mübadiləsi: mənfi azot balansı (zülal katabolizmi nəticəsində), medistenal və epidural lipomatoz daxil olmaqla, lipomatoz, hansı ki, nevroloji fəsadlara səbəb ola bilər; bədən kütləsinin artması. Digər təzahürlər: preparatın yeridilməsinə anafilaktik və ya yüksək həssaslıq reaksiyaları və hipotenziv reaksiya. Preparatın parenteral yeridilməsilə bağlı digər əlavə reaksiyalar: üz və baş nahiyəsində yerli istifadə zamanı tək-tək hallarda görmənin pozulması, hiper- və hipopiqmentasiya, dərialtı və dəri atrofiyası, aseptik absseslər, inyeksiyadan sonra (oynaqdaxili yeridilmə) qanın üzə axması və neyrogen artropatiya. Doza həddinin aşılması Betametazonun doza həddinin kəskin aşılması həyat üçün təhlükəli vəziyyət yaratmır. Вir neçə gün müddətində qlükokortikosteroidlərin yüksək dozalarda yeridilməsi arzuolunmaz nəticələrə səbəb olmur (çox yüksək dozalarda və ya şəkərli diabet zamanı, qlaukoma zamanı, MBT-nın eroziv-xoralı zədələnmələrinin kəskinləşməsi zamanı və ya üskükotu preparatları ilə, dolayı təsirli antikoaqulyantlarla və ya kaliumqovucu diuretiklərlə eyni zamanda müalicə alan pasiyentlərdə istifadəsi istisna olmaqla) Müalicəsi. Xəstənin vəziyyətinə hərtərəfli nəzarət etmək lazımdır. Optimal maye istifadəsini saxlamaq və plazmada və sidikdə elektrolit tərkibinə (xüsusilə orqanizmdə natriumun və kaliumun balansına) nəzarət etmək lazımdır. Bu ionların dizbalansı aşkar edildiyi zaman müvafiq müalicə aparılmalıdır. Buraxılış forması 1 ml, şüşə ampullarda. 1 və ya 5 ampul içlik vərəqə ilə birlikdə karton qutuya qablaşdırılır. Saxlanma şəraiti 2°С-25 °С temperaturda, işıqdan qorunan və uşaqların əli çatmayan yerdə saxlamaq lazımdır. Dondurmaq olmaz. İstifadə etməzdən əvvəl çalxalamaq lazımdır. Yararlılıq müddəti 2 il. Yararlılıq müddəti bitdikdən sonra istifadə etmək olmaz. Aptekdən buraxılma şərti Resept əsasında buraxılır. İstehsalçı Şerinq-Plau Labo N.V., Belçika, Şerinq-Plau Korporeyşn, ABŞ xüsusi filialı. Schering-Plough Labo N.V., Belgium, Subsidiary of Schering-Plough Corporation, USA. Ünvanı. İndustriepark 30 B2220, Heist-op-den-Berq, Belçika. Industriepark 30 B2220 Heist-op-den-Berg, Belgium. Distribyutor. Şerinq-Plau Sentral İst AQ, Lüsern, İsveçrə. Azərbaycan Respublikası Səhiyyə Nazirliyinin Farmakoloji və Farmakopeya Ekspert Şurası tərəfindən 16.11.2009-çi il tarixində təsdiq edilmişdir.
Posted on: Fri, 22 Nov 2013 16:10:22 +0000
Trending Topics
Recently Viewed Topics
© 2015