E di dos poder spiritual ta FORTALESA, e abilidat pa soportá, sigui un rumbo i perseverá. E disípulo Andres, ruman di Pedro, ta representá fortalesa, e stabilidat den fundeshi di karakter berdadero. Fortalesa no ta simplemente un kalidat físiko. Manera ta e kaso ku tur 12 poder spiritual, fortalesa ta ekspresá su mes na tres nivel, kada un komplementando otro den nan ekspreshon. Den nos mundu físiko, fortalesa ta igual na vitalidat, resistensha i e abilidat di persistí. Riba plano mental, fortalesa ta e kalidat mental ku ta pèrmití un hende dirigí, logra algu, establesé propósito den bida i tene firme na prinsipionan spiritual den bida diario. Den plano spiritual, e nivel di ekspreshon haltu, fortalesa ta representá nos abilidat pa persistí den orashon, nos abilidat pa mira i kere loke nos wowo no ta mira, di manera ku esaki lo por manifestá su mes den nos bida. Pues, aki nos ta mira ku Fe ta hopi ligá ku fortalesa. De fakto, e unu no por sin e otro. Fe mester wòrdu fortalesé kontinuamente, miéntras ku fortalesa mester wòrdu dirigí den e direkshon korekto dor di fe. Ta un echo ku esun ku ta dependé riba fortalesa físiko so, konstantemente ta haña konfrontá i ta wòrdu yama afó pa kosnan di e mundu físiko. Eventualmente esun ku ta lèn riba fortalesa físiko so lo wòrdu vense pa unu ku ta mas fuerte kuné. Fortalesa mental so tampoko ta sufisiente. Esun ku ta lèn solamente riba su fortalesa mental lo keda hañ’é konfrontá ku kosnan ku ta pone su mente na prueba i un dia lo wòrdu vense pa unu ku ta mentalmente mas fuerte kuné. P’esei dekretá awe: “Atraves di e boluntat i obra di Spiritu di Dios ku ta den mi, e fortalesa ku Dios a dunami ta desaroyá i ekspresá su mes, ku fasilidat, bou di grasia i di manera perfekto”.
Posted on: Wed, 25 Sep 2013 02:59:16 +0000
Trending Topics
Recently Viewed Topics
© 2015