ENGTIN A!? Tun lai kan Zoram khawvel ti ti tam ber chu, eng tin a!? tih hi ani mai long maw? Thil eng eng emaw a thleng mek zel a. Chumi avanga heti ang zawhna te pawh hi lo piang a nih a rinawm hle mai. Kumin kan thil tawn zawng a tir phat atangin a duhawm lo hle mai a. A tuartu tan phei chuan a run thlak dawn teh mang e. Kha thil thleng kha engtianga mittui tam pawhin a ko kir tawh dawn silo, kan sawi theih zawng chu,a pawi mang e aw tih a ni ngawt mai si. Chutah a Kohhran ang zawnga in chirhtheh nan kan la hmang leh ta nghal! Hei zet hi zawng khuanu pawh hian a ngai thiam dawn em ni? Min mangan vawr tawpna an tawh lai mek a, chuti kha tih vang lo tih zawng! Khua avan var lo thin em aw... A tam zawk lahin kumin hi kum chhiat/that kum tiin thu nawi kan lo vai pui ve vak vak bawk nen; a mipui mimir tan zawng eng tin a!? kan tih hu loh nakah. A chhe zawng a sawi dawn chuan kumin hi kum dang zawng aia a vawh loh kum ber leh khua a lum ber tur kum a nih hmel a. Chu chu engvang nge ni ta ang? Kum chhiat kum a ni miau a! Engvang in? E le... kan ram ngaw kan thiat che reu a, kan environment in a tuar ngei ang chu. Kumin kan chhiat tawh-ah pawh khan an sual vang hrim hrim em ni? Ni lah love a, mi zahawm leh mi fel tak chhungkua an ni a, vanduaina tawkin mi sual kut an tuar. A chhan chu kum chhiat kum a ni miau a. Mi fel tak pawhin mi fello te thil thalo tih rah an seng miau a lawm. A pawi teh zawng a ni e. Mi sual thiltih rah mi fel ten an tawrh Pathian in a phal dawn em ni? Phal teh reng mai. Thuthlung hlui hunah pawh; tih loh tur, ral lak sum Akanan a lo lak a vang khan pawisawilo a chhungkuain an mang phah a nih kha. Tin, kei ni hian eng vangin nge Pathian anchhia hi kan dawn reng le? Kan thlahtu bul, Evi leh Adama te thil tihsual rah kan la seng chho zel a nih hi. Amah ringtu te awmna ram a ni a. Chuti angin Pathianin hremna a lek kawhlo ang kan ti a. A nilo, kan Pathian hi Hmangaihna Pathian tih hi kan hria e; mah se, phuba lak hmang Pathian a ni tih hi kan theihnghilh fo thin. Amah ringlo tute awmna hmun-ah ai chuan Amah ring tute awmna-ah a dan thu hi a lek kawh na zawk daih a sin... Kumin hi kumin chhiat kum tiin mi tam takin an sawi a. Engtin a!? tiin kan phawk hru a. Lalpa min ngaidam rawh tiin status kan updated chur chur a. Thalai rual ten tawngtai rual te an rawt thut thut bawk a. Rei loteah a hma aia thuthiamin Kumin hi kum that kum a ni zawk alawm tiin thu an siam ve leh a. Engtin a!? ti bawkin kan meng tang leh hru hlawm a. Kan inmuan tawn a, Pathian a kan intukluhna pawh hun reilo teah a kiang leh mai chu a nih hi! Lang chiang ta em em a chu, Mizo te miziaa nghet ber chu kan rilru ngheh loh na hi a ni! I duh emaw duh lo emaw, thihna kut vawt chuan a la rawn man dawn tho tho che. Chu thihna chu a dum zun mai a; he khawvel chungah hian a kut a phar du reng mai a. A man tawh chu a thlah tawh miah lo. Nausen hnute hne lai atanga pitar putar thlengin chu thihna kut vawt chuan a dap dun dun mai si. Mi fel leh mi sual pawh a thliar hran lo. Chu thihna chu a mit a del miau a. A kutin a dap a, aman fuh tawh chu a thlah duh hauh si lo. Khawngaih takin kei chu ni rih lo e, ka la in peihlo nasa lutuk, ka chhungkua enkawl an ngai si. Ka fa,nausen te hi en teh, nu hmangaihna pawh ka la pe zo lo asin, he tiang nausen khawngaih thlak tak enkawl tur hi chuan min zuah hram rawh. tiin au lawm lawm mah la; chu thihna chuan a mit a del avangin a hmu theih hauh silo. A mit a del bakah i khawngaih dilna kha hre turin a beng a chhet miau bawk si! A va hahthlak tak em. Chuvang chuan chu thihna kut vawtin min man hun pawha buailo tur a kan inbuatsaih hi a ngai hle a ni. Tu pawn, eng thil pawh lo sawi se, Engtin a!? ti a buai hu lo tur a kan inbuatsaih hi a pawimawh hle mai. Eng pawh lo thleng se, puh mawh tur zawng lo a. engkim tan hun ruat a awm... tih hi pawm thei turin inbuatsaih theuh ang u.Midang thiltih rah nilo in; mahni tuhrah theuh kan seng dawn si a. o
Posted on: Mon, 12 Jan 2015 08:45:18 +0000
Trending Topics
Recently Viewed Topics
© 2015