En teh dî kan thlir dun thin thla kha, a chhuahna ngaiah, danglam miah lovin alo her chhuak leh a. Lungchim taka kan lawm thin kha, tunah zawng lunglenna thlentu mai ani ta. Kha zan reh takah khan kan khawvel chu hlim takin kan hmang dun a. I hlim hmel mawi zia mawlh kha, pangchang takin ka âwm-ah i bei a... Duat takin i sam ka chûl sak che kha ila hria ang tiraw, kha thla êng hnuaia i hmel that zia mawlh kha. Ka chhuanna ber che chu maw i nulatna i vawng thiang tlat kha ani. Mahse, hun inher danglam zel chuan i rilru ngaihtuahna pawh a her danglam ve zel a. Ka tel lova tlei zo lo kha, ka telna hmunah a inthiar fihlim a. Min thlahlel ngawih ngawihtu ngei khan, min hnung chhawn ta si. Rinawm thu i tiam zo zai kha van boruak zau takah khian an lêng vel a, ka bengah an ri nawn leh thin... I tana hun leh tha ka sên kha chu ka tih tur ve reng ani. Inchhirna pakhat chiah ka nei a, chu chu ka lo HMANGAIH hman che kha ani.
Posted on: Thu, 10 Oct 2013 15:24:48 +0000
Trending Topics
Recently Viewed Topics
© 2015