Esti articulín rola que te rola nes redes sociales. Habría que lleer el trabayu completu del historiador. Pero yo nun toi pa nada cola Inquisición proesista y restaurada que quier borrar del mapa la palabra Reconquista. Non, señor catedráticu, nun se pue borrar esa palabra y menos entá prohibila. Tamos d´alcuerdu en que nun se reconquistó España, pues España nun esistía, pero cuidáu colos reproches a Sánchez Albornoz, pues el mayestru falaba por igual d´españoles cristianos y d´españoles musulmanes. L´esencialismu de don Claudio al respetive del conceptu España estendíase a la España Musulmana, que tantu estudió pesi a nun ser arabista propiamente. Dafechu, reconocía una especifidá a la España mora en base al so sustratu étnic, más hispanorromanu que moru o árabe (estos caberos minoritarios). Y pa don Claudio´l sustratu étnicu yera determinante de ciertes tendencies seculares. Asina entós, don Claudio falaría d´una Reconquista d´una España sobre otra España, porque al Norte y al Sur seríen toos españoles a la fin. ¿Y por qué nun ye malo falar de Reconquista? Porque lo que se Reconquistó fue la Península pa Occidente, pa la Cristiandá. Eso fue lo que se Reconquistó, y ehí tuvo´l llabor de les etnies astur-cántabres: salvar a munches otres tierres de cayer na barbarie musulmana. El Reinu Godu yera de lo más culto -xunto con Bizancio- del mundu clásicu. La Restauración del goticismu que ficieron los reis astures yera la restauración de la llexitimidá y de la civilización cristiana (Occidente, daquella). Espero que l´odiu a España nun lleve a los avezaos babayos estender esi mesmu odiu a la Reconquista, porque esa palabra -yá imprescindible na Historiografía- llévanos a la esencia de lo que ye Asturies. diariodeburgos.es/noticia/ZD86B418D-DD64-5400-8FBA1220E9A23524/20131102/reconquista/es/mito
Posted on: Tue, 05 Nov 2013 22:20:43 +0000
Trending Topics
Recently Viewed Topics
© 2015