Football House-ah AIFF Technical Committee November 4, Ṭhawhtanni khan Football House, AIFF Headquarters, New Delhi-ah AIFF Technical Committee neih a ni. India captain hlui Baichung Bhutia kaihhruaina committee-ah hian MFA honorary secretary Lalnghinglova Hmar bakah member dang Savio Messias, Henry Menezes leh Anil Kumar te an tel a; Committee member bakah AIFF General Secretary Kushal Das, AIFF Technical Director Robert Baan, Indian Senior National Team Coach Wim Koevermans leh AIFF Technical Director Academies & Director of Coach Education Scott ODonell te pawh an tel a ni. Committee hian Wim Koevermans chu October 2014 thleng Indian Senior National Team Coach ni turin a contract a pawhsei sak tâk avangin 2014 Asian Games thleng India team hi a enkawl ang. Ani bakah AIFF Technical Director Robert Baan chu kum khat atan a contract an pawhsei sak bawk a ni. Committee rawtna siam ṭhenkhatte : * Grassroots leh Youth Development-ah State Associations in mawhphurna tam zawk nei se, training centres ṭha zawk nei ṭheuh bawk se. * I League ṭha zawk kan hmuh theih nan uluk lehzuala foreign player lak ni se, ramdang player I League khel tur tan a khel tlak a ni tih tehna (criteria) fel fai tak duan a nih theih nan rawtna an siam bawk. * I League a foreinger khel thei zat hi ennawn turin an rel. * Club tinin Regional Academy-a player ring ringawt loin anmahni academy ami ngei player hmang tam turin rawtna an siam. - See more at: vanglaini.org/infiamna/10995#sthash.RAqu51vQ.dpuf
Posted on: Wed, 06 Nov 2013 07:02:57 +0000
Trending Topics
Recently Viewed Topics
© 2015