Friends mera nam Gaurav hai aur aj main apke sath apni ek true love story share kar raha hun. mujhe yaad hai apna pahla pyar “Meeta” jisse mujhe pahli nazar mein hi pyar ho gaya tha. Meeta itni beautiful thi ki uske face se meri nazaren hatati hi nahi thi. she was my first lovejab main usse pahli baar mila tha tab hi mujhe pata chal gaya tha ki Meeta hi vo ladki hai jis ke sath main apni puri life khushi khushi bita sakta hun. Meeta mere college mein padti thi aur main roj college sirf Meeta ko dekhne jata tha. main roj koshish karta ki kisi tarah usse bat karun par meri himmat hi nahi ho pati thi, par achchhi bat yah thi ki ham donon ke bahut sare common friends the jinhone meri help ki usse bat karne mein. Aur is tarah ham roj baten karne lage aur kuchh hi dinon mein achchhe dost bhi ban gaye, main to Meeta se pyar karta tha aur Meeta bhi mujhe pasand karne lagi thi. kuchh hi mahino mein ham donon ek dusre ke kafi karib aa gaye aur ek dusre ke sath kafi time spend karne lage. 14 march ko Meeta ka birthday tha aur us din Meeta aur main pahli bar khnin bahar ghumne gaye. main bahut khush tha us din. maine usi din jiya ko batya tha ki main usse payr karne laga hun aur jab Meeta ne mujhe yah kaha ki vo bhi mujhe pasand karti hai aur pyar bhi karne lagi hai hai to main khushi se pagal ho gaya tha. Uske birthday ke din ham donon Green Park ghumne gaye the. ham donon ne vahin baitha kar kafi time baten bhi ki aur kafi kuchh ek dusre ke sath share bhi kiya. usi din maine Meeta ko pahli baar kiss bhi kiya tha. Main Meeta ko bahut pyar karne laga tha aur maine decide kar liya tha ki ab main sirf Meeta se hi shadi karunga, par abhi meri padai finish nahi hui thi to apne gharwalo ko yah sab batana sahi nahi lag raha tha. ek saal baad hamne apna ghar change kar liya jo Meeta ke ghar se kafi dur tha par phir bhi ham donon mila karte the. Hum donon hi hindu culture se the jahan abhi bhi shadi se pahle ghumna aur milna sahi nahi mana jata. isliye maine decide kiya ki ham donon apne ghar mein bata denge ki ham donon ek dusre ko pyar karte hain aur ek dusre ke sath shadi karna chahte hai. ham donon ki families pahle se hi ek dusre ko jante the to mujhe laga ki shayad hamari families hamari shadi ke liye agree ho jayengi. Meeta ke papa nahi the to Meeta ke chacha hi unki family mein decision lete the. Akhir maine apne ghar mein bata diya ki main Meeta se pyar karta hun aur uske sath shadi bhi karna chahta hun, aur kisi tarah maine apne mummy papa ko convince kar liya. aur ek din unhone Meeta ke family se milne ka plan banaya. Jis din ham Meeta ke ghar uski family se milne gaye the us din main bhi apne mummy papa ke saath mein gaya tha. ham sabhi baith kar baten kar rahe the, Meeta ke chacha ji mujhse bahut sawal jawab kar rahe the jo mujhe achchha nahi lag raha tha. Shayad vo nahi chahte the ki Meeta ki shadi mere sath ho kyunki main us time par college studies finish kar raha tha. Khair kuchh dinon bad Meeta ke chacha ne shadi karne se yah kah kar mana kar diya ki Meeta abhi choti hai aur abhi aur padna chahti hai. main janta tha ki yah sab jhooth hai. shayad Meeta ki family ko main pasand nahi tha isliye unhone aisa kaha. Mujhe bahut bura laga. par Meeta aur mera pyar ek dusre ke liye kam nahi hua aur ham abhi bhi aksar mila karte the. hamne ek din decide bhi kiya ki agar hamari family shadi ke liye agree nahin hogi to ham kahin bhaag kar shadi kar lenge. !! par pata nahi kis tarah se Meeta ke family ko yah pata chala gaya aur unhone hamara milna bhi band karwa diya . Meri ek best friend thi Anjali jiske sath mein main apni har bat share karta tha vo janti thi ki main Meeta se bahut pyar karta hun aur usne bahut baar hamari ek dusre se milne mein help bhi ki. par Meeta ke uncle kafi strict the aur unhone ek din police station mein meri complaint bhi kar di. ab mera aur Meeta ka milna bilkul hi band ho gaya tha. Main kafi akela mahsoos karne laga tha. main Meeta ko bahut pyar karta tha. par us time pe anjali ne mera kafi sath diya. Dheere dheere mujhe lagne laga tha ki ab Meeta aur mera relationship nahi chal payega aur main nahi chahta tha ki Meeta ko is bat se bura lage. main hamesha Meeta ko khush dekhna chahta tha isliye maine decide kiya ki main kisi aur se shadi kar lunga, aur ek din maine anjali se yah bat kahi . anjali shayad mujhe pasand karti thi to usne mere samne shadi ka proposal rakh diya. Maine bhi yah sochkar haan kardi ki shayad Meeta meri shadi ki bat sunkar mujhko bhool jayegi. aur hua bhi yahi kuchh saalon baad mujhko kisi ne batya ki Meeta ki shadi ho gayi hai aur ab vo dusri city mein rahti hai. shayad Meeta mujhe bhul gayi thi but my love for Meeta is unconditional. I will love her until my last breath. Aaj is bat ko 20 years ho chuke hain. meri wife anjali mujhse bahut pyar karti hai aur main bhi anjali ko khush rakhne ki puri koshish karta hun. par Meeta ko shayad kabhi bhi bhool nahi paunga. .!! Aaj ye love story yahan post karke shayad main sochata hun ki vo agar ise padhe to use pata chale ki dar asal mujhe usi se pyaar hai aur main hamesha usko khush dekhna chahta hun. main aaj bhi Meeta ko bhool nahi paya hun.!
Posted on: Sat, 20 Jul 2013 07:17:34 +0000
Trending Topics
Recently Viewed Topics
© 2015