Fór í ríkið áðan og keypti 2 kippur af bjór. 4202kr. sem það kostaði. Ég fór í vasa mína í leit að klinki en það tók heldur langan tíma þar sem klink er ekki úr plasti og með segulrönd eins og ég er vanur. Á endanum fann ég 202kr. TVEIR hundraðkallar og TVÆR krónur. Rétti konunni og segi Jæja...þá eru bara TVEIR þúsundkallar eftir Er ég vinn í því að ná þeim úr veskinu segi ég Vanur að nota kort sko í þeirri von um að það útskýri að ég sé ekki eitthvað andlega heftur þar sem þetta var farið að taka asnalega langan tíma. Rétti henni TVÖ þúsund krónur, takk fyrir, góða helgi og rölti út sæll og glaður. Kemst að því þegar í bílinn er komið að þetta átti að kosta 4202kr. en ekki 2202kr. Í dag lærði ég að til þess að plata annað fólk er best að plata sjálfan sig fyrst. Ég var enganveginn meðvitaður um þetta plott mitt að svíkja 2000kr. úr vínbúð íslands. Ég er greinilega alger pro. Look out Derren Brown.
Posted on: Sat, 26 Oct 2013 15:50:09 +0000