GAS TRANSFER CHUNGCHANGAH DAN LOVA THIL TI AWM Food, Civil - TopicsExpress

GAS TRANSFER CHUNGCHANGAH DAN LOVA THIL TI AWM Food, Civil Supplies & Consumer Affairs in LPG Distributor te tana Direct Benefit Transfer a kalpui mek chungchangah dan ang lova thil ti thin an awm nia an hriat thu an sawi. Food, Civil Supplies & Consumer Affairs Joint Director Pu John Tanpuia chuan LPG Distributor zawng zawng te chuan Direct Benefit Transfer atana Form dah khat thiamlo te chu a theih ang angin an tanpui tur a ni a; pawisa an laksak tur a ni lo tih a sawi a. He dan thar hi nakum April 2015 a hman tan tur a nih avangin, a hun thlen hma chuan Distributor te’n an buaipui tur a ni a ti. Hei bakah hian hming ziah sual palh siam \hat na’n leh mitthi tawh hming thlak nan pawisa chawi a ngai lova, midang ta leitu in ama hming a thlak dawnin chawi a ngai a, a connection lak na a rei leh rei lovah a innghah avangin Distributor-te’n hming thlaktu chawi tur zat dik tak chhutna copy consumer te hnenah a pe tel ngei tur a ni a. Consumer, Voucher Card nei tawh lo emaw tibo te hnenah tihluihna in A ffidavit lei tur a ni lo. Consumer in a duhna hmun (Affidavit siam theitu) a thlang thei a ni. Heng bakah hian Consumer Card hi a ziahna hmun a awm tawh lo emaw a hlui lutuk tawh, a neitu in a thar siam tura duh a nih lo chuan Distributor in Card a hralh duh vang ringawtin Consumer-te a lei luih tir tur a ni lo bawk a, Consumer ten hming an thlak duhin hming pakhat thlak nan Affidavit pakhat chauh hman tur a nih thu Pu John Tanpuia chuan a sawi a ni. Direct Benefit Transfer atan hian LPG connection nei tawh phawt chuan Bank Account an neih a ngai a. Eirawngbawlna Gas an leiin a man to bikimin an pek a ngai tawh dawn a, sorkarin a man a tihtlawmna (subsidy) chu an bank account-ah sorkar laipuiin a rawn thun sak zel thung dawn a ni.