Gahikog Fresh Gospel of the day: Lukas4:31-37(September3, 2013-Tuesday) Lukas4:31-Ug siya milugsong ngadto sa Capernaum, usa ka lungsod sa Galilea. Ug sa adlaw nga igpapahulay iyang gipanudloan sila: Sa Griego ang Capernaum nagpasabot ug village of consolation kay kini mao ang lungsod nga adunay baybayon ug dinhi si Jesus mopahulay kauban sa iyang mga tinun-an. Kini gapadayag nga kapuyon diay pod si Jesus sanglit siya usa lamang ka tawo ug ang Capernaum maoy iyang nahimong dapit sa pagtigom ug kusog aron iyang gamiton sa iyang pagpadayon sa iyang gimbuhaton.Dili kini iglayo natong mga tawo nga mobati kitag kaluya ug kakapoy sa atong pagkatawo nga tungod niini nangita usab kitag kapahulayan.Ikaw asa ka pahulay sa panahon nga kapuyon ka? Daghan kanato nga sa mga kalingawan, mga resorts ug mga lulinghayaw sa kalibotan moadto aron pagtagbaw sa kaugalingon.Niining maong realidad, dili kini daotan sanglit maayo man kini ug gibuhat man kini ni Jesus, apan atong timan-an nga dili lamang kini ang kapahulayan nga atong kab-uton sa kinabuhi kay kini kulang kaayo. Sa Mateo11:28-30-kun gikapoyan kamo, duol kamo kanako ug papahulayon ko kamo sa inyong kinabuhi.Mao kini ang pahulay diha sa Ginoo nga daghan kanatong mga tawo nga wala makakaplag niniing maong kapahulayan sa atong pagkatawo. Kini gahulagway nga dapat duha ka pahulayan ang atong pagpuy-an nga mao ang para sa lawas ug sa kalag.Dili malalis nga dili interisado ang kasagarang katawhan sa pagpahulay nga spirituhanon nga maoy nakaingon sa daghang mga tawo nga gasalimoang sa ilang pagpuyo. Daghang mga guapo, sikat ug adunahan apan makapakurat ug makatingala kay gatubok sa kinabuhi. Sa 1 Korinto3:17- ang magaguba sa templo sa Dios, paglaglagon sa Dios nga tungod niini, dilikado ang kalag sa gahikog. Ikaw, kahunahuna nabakag hikog kay para nimo, daw aliwaros ang imong pagpuyo? Wala kay katungod sa pagbuhat niana higala kay ang kulang nimo, kapahulayan ra diha sa mga “kamot sa Dios.” Busa balik na kaniya kaysa maghikog ka! Lukas4:32- ug nahibulong sila sa iyang pagpanudlo kay ang iyang pagpamulong inubanan man sa kagahum: Kining gahom nga gihisgotan nagpasabot ug “otoridad” nga iyang nakuha sa iyang Amahan.Mao usab kini ang atong nadawat diha sa bunyag nga kita nakaambit sa pagkapari, pagkahari ug pagka propeta. Kining gahom gapasabot sa iyang mahigugmaong pagwali ug dili mahinukmanong pagwali.Mao kini ang nakalahi ni Jesus kumpara sa mga Pariseo nga gatuo nga sila lamang ang maluwas ug ang kaluwasan alang lamang kanilang mga Israelitas nga gapasabot ug “choosen people of God.”Apan lahi kaayo si Jesus kanila sanglit gatudlo man siya ug gugma ug kapasaylo-an sa mga sala nga tanang tawo puwede maluwas ug dili lamang alang sa pipila ka mga nilalang.Ikaw, malipay bakag maluwas ang ubang tawo ilabina ang imong mga kasilinganan? Sa 1 Timoteo2:4-gusto ang Dios nga tanang tawo maluwas pero sukwahi kini sa panudlo sa mga Pariseo nga sila lamang ug walay apil ang mga Gentil o dili mga tinuli ug dili mga Judio.Pagkangil-ad aning prinsipyoha!Kini ang bug-at nga rason nganong si Jesus gawali nga may gahom sa pulong kay “makalipay ug makatanadog sa kasingkasing” sa iyang mga sumusunod.Panudlong makakabig paduol sa Ginoo apan ang panudlo sa mga Pariseo “makadiskorahi ug makapawala” sa gana sa mga naminaw nga mga dili Judio.Ikaw, unsang batasana ka anaa niining duha, Pariseo o JesuKristo? Please help and be my partner in my private media ministry BIBLICAL REFLECTION and our Charity outreach program through JD Kaligayahan, Foundation, INC. Located in San Miguel Compound Jagna, Bohol:#09284149490-09266607505:Question-Prayer: Please donate any good items like school supplies, rice, can goods, noodles and financial support for our program, “ Usa ka kilong bugas para sa batang kapos palad.” Jagna is our next outreach and feeding program!!!
Posted on: Tue, 03 Sep 2013 01:40:49 +0000
Trending Topics
Recently Viewed Topics
© 2015