H Lalhmangaihzuala Hmaa Hlondo post ka lak chhawn LO CHHIAR VE TEH -- >> America President anih laiin vawi khat chu Theodore Roosevelt kha Africa ramah chawlh hman pahin Sa te pel a intihlimin a zina an ti, a haw lamah chuan Lawnga an chuanna ah chuan Missionary pakhat Africa ram pilril taka kum 40 lai Missionary hna lo thawk tawh chu alo chuang ve reng mai a. America rama lawngchawlh hmun anlo thlen chuan President chu ropui taka lo hmuakin Laipui te an lo kap a, hal mawi te lo hal in mi ropui tak tak chuan Motor nalh tinreng leh Pangpar te nen lo hmuakin chawimawina leh zahna anlo hlana, Missionary erawh chuan hmuaktu pakhat mah a nei ve lo. Missionary chuan Pathian hnenah Lalpa President hi reilote Africa ramah a lokal a, kei kum 40 lai i rawngbawlin ka awm tawha, hei President hian hmuaktu tam tak neia chawimawina an hlan laiin kei hian chawimawina chu sawi loh hmuaktu pakhat mah ka nei ve silo tiin a vui thu a thlen ta a. Reilote ah Pathian aw hre nghalin President chuan a ram leh a in a thlenga, anlo chawi mawi a nih kha, Nang chuan i in leh i ram ila rawn thleng ve lova, ilo thlen hunah kan lo hmuak ve dawn che ani tiin. Tihtak zeta Lal Isua hnung i zui anih chuan hrehawm tih chang tam tak i nei thin ang, Thiante tih ang zawng zawng i tih ve theih tawhloh avangte, an hlimnaa i hlim ve theih loh vangte, an zawh ang kawng i zawh ve theihloh vangte, an duh dan dana an nun bawrh bawrh anga i nun ve a remchan tawhloh vang te khan hrehawm tiin i trah hialte pawh a tul fo ang. Mahse krista avang chuan lo la hrehawm rih la, lo la tuarin i hlimna tur tam tak te chu lo la kalsan zel rawh. Lalpan a hming avanga tuartu te, kalsan a, amah retheihpui thin mi te hi hriat hmaih pakhat mah a nei dawn lo. Khawvelah chuan hrehawmte tuar thin mahse an vanneihna ni hi alo la chhuak ngei ngei dawna, an chhuan Krista hian amah vanga an hrehawm thinna mittui te chu ala hruk hul sak anga, an rochan an hmuh hunah chuan Krista vanga an hrehawmna te hi an hrereng ngai tawh lovang. Amah vanga engkim kalsan ngamte hian engkim hi an la nei ngei ngei dawna, khawvela Krista vanga an tawrhna te hi chu an lawmna tikimtu ala ni dawn. Kan zinna ram, reilote atana kan awmna tur ram hi kan lungkham lutuk ang tih hi avan hlauhawm em. Hmuhtheihlova hmutu te hi chu Van lam an thlir tlat avangin hrehawm chung pawhin an nuam a, rethei chung pawhin an nun a hausa a, Na tuar chung pawhin an nun alo dam thin. Heng puan var sinte hi tutenge ni a, khawi atanga lokal nge annih ?.. heng hi hrehawm nasa tak ata chhuak hote kha an ni a, an puante beramno thisena su in an tivar ta a... Thp 7:13,14.
Posted on: Tue, 13 May 2014 18:26:03 +0000
Trending Topics
Recently Viewed Topics
© 2015