HELLO MIZORAM! AVA PAWI THIN EM! (I fimkhur tlang teh ang u) Nizan dar 2am vela inbox- ka thudawnah chuan Delhi atanga Phuket International Airport, Thailand a tum lut thlawhna a chuang Mizo nu kum 37 a upa , Aizawl cheng suicase atangin Crystal methamphetamine (Ice) ruihhlo 4.5kgs man a ni a. He suitcase 19kgs vela rit tura ngaih size enin a rit hle a, an ringhlel chuan X-ray atanga ennawn lehin 11 bags a fun , thawmhnaw kar ami hi Custom duty ten an man ta a ni tih thu a ni a; avan pawi thin em! He thu hi Phuket Gazette chuan nimin Nov 23 khan a ziak. Phuket Airport Custom Director Montiro Cherchoo leh Phuket Governor ten Media-hote an hrilh danin He nu hian India pawisa Rs 100,000 (baht 50,000) hlawh turin India atangin Thailand alo phur lut a, street rate ang chuan 15 million bahts man zet a nian ti. Kumin kum tirah Cambodia-ah Mizo nu hnen atangin ruihhlo man angin Chanchinbuten an lo ziak tawh bawk a; hetianga kan tih fo chuan Hnam dangin Mizote min hmuh dan a diklo vek ang. Cambodia ah hian miten Nigerian an hmuh dan chu ruihhlo tithin angin an ngai a; an hmuh dan a tha lo hle. Mizoten Spiritual Look East Policy kan neih mek laia hetianga kan kut atanga ruihhlo an man fo chuan, hun lo kal turah Pathian rawngbawl tute leh rawnybawl tumten harsatna kan tawh phah thei a; mitin i fimkhur ang u. Tin, kan ram angin ruihtheih thilti hi hremna a nep hauh lo. SINGAPORE leh MALAYSIA ah vhuan tihhlum/ emaw damchhung lung in tang turin an hremin an chungthu an relsak tlangpui thin. Zofate i fimkhur ang u.
Posted on: Sun, 24 Nov 2013 01:20:59 +0000
Trending Topics
Recently Viewed Topics
© 2015