I am sharing manong Johnnys email to me which i included in the compilation together with other messages i received in my inbox. Adak en inpakada en sisya ay i-post ko sina :p which am sure ay okay lang en manong tan eventually you will read it in the compilation. Hope reading it will make us appreciate more di Tuding ay napuan tako = = = = = = = Hello Kitz, Kumusta kayo? Sorry Kitz, request mo ay man facebook ak ngem uray maga tan na-ey met di dati ay email ko. Umanay din fb en baket ta siay innak pay panbuybuya-an ya panbasbasa-an si pasamak ed ili tako ay Tuding. Ta man-ibingayak kod abe si padas ko sin kakitkit-toy ko. Naiyanakak ed Mangga, sin kamoyang mi maga di kalsada panay dad-adad-an sumang-at ya sumalog. Idi 1970 lang ay wada di kalsada. Magay rilo ed edi ngem wada din orasan di man-ili ay kuwaw(sirene) di Antamok mines. Man kowaw sin alas sa-es di agsapa, alas dose, ala-una, ya alas kuatro sin masdem. Din kowaw sin alas sa-es di manbangon en dakami ta umey kami man-eskuela. Ed Tuding Primary school et grade1 ingga na grade 4. Di grade5-6 ed Bua Elementary School mandad-an kami ed shortkattan sin makbas sin batog da Juan Cuanso diretso ed kad-an da Emilio Ballasiw ay janitor ed Bua Elementary School , bemela kami sin junction di Atok Bigwedge(Gumatdang). Di natago-an mi et lokto, gamey, unsek, ya pising. Ngem kanayon di kanyao isu nga wada di ki-ni-ing ay sagpaw na. Num-a di natagu-an di ipugao ed nabayag. Et din makaba-el ay man minas nan-apply da ed Antamok mines ya ed Baguio Gold. Saba ya pinya di producto di i-mangga. kumboyen mi ay itikid din tenekklis ay saba ya pinya ay mailako ed Antamok,Baguio Gold,Baguio ya ed Balatok. Esa di taga Mangga ay man-sup-suply si saba ed idi. Sin adi-ak pay lang nan-esquela di malagipko ay inmun-una ay lugan isnan Tuding et P.U. kotse danay ay kada-anan et di inmuna ay nan-biyahe et da Noble Sibal, taga City Limit, Sancho Lardizabal (Upper Mangga), Abdon Delenela (Tuding Proper), Jaime Gacoscos (Bua Trail) wada pay lang din kotse ay nay sia din pinapintas (Abat) Romeo Gacoscos ay lugan na ed wani, model 40s ken dadduma pay, asin sumaruno din Dangwa Bus (nan-eskuelakon ket inkami apa-apayawen din Bus et manbitin kami sin likod). Wada met di AC-jeep ay man-bebbeyahe ay taga Mines View (da Gilbert Pitas, Tommy Cayat di Drivers), ya taga Baguio ngem bassit da, sia danay din naitapi-an manong Baroy asi sumarsaruno da Jimmy Pisec, ManuelApi-it, Gerome Domilos, Tawas Baniwas etc. Idi 1970, naitapeyak abe ay nan drive ingga na 2004. Di kinmapsut din Minas, sinmardeng di Dangwa Bus ay nanbeyahe . Maga di gasul wenno gas stoves isu nga naikipas et iman din saleng (pine trees) ed demang, namaga et san napuskul ay kakak-kaiwan/batbatang. Di kinmapsut san pataba di lota, san toktok di pinya et kinminikittoy isu nga ginabot da amin san pinya et naisukat san sagadew. Sia di nagrugian di kinabalyo ay sagad. Idi late 70s nangrugi met abe san sakit di saba isu nga ultimo namaga di tinneklis ay saba. Din langka ay egay kaya-om sia abe met nan pinmigsa ay lako, umey din negosyante isan kadarato baey ay manlako asi dan iyey ed Baguio. Di nansardeng di Antamok Mines, inrugi met dasan imangga ay man usok ingga na id wani. Malagipko pay gayam, nu tiempo di panag kekedis ya patani umey kami maki-uk-ukis sin ka-aruba ingana malpas et nu suma-a kami wada met abe di bingay mi ay esa ay duyog ay kedis ya patani. Saleng di silaw wenno kerosene din usaren mi ay pansilaw nu man-study kami wenno man-amag kami si homework, isu nga din eng mi et nangisit nu mapat-a. Tapno waday allowance ko ay man-eskuela kadwa-ak si ina mi ay umey man-ilako si patani, kedis, pinya, saba , unsek, ya pising ed bunk houses di Antamok. Shortcut mi ed Luneta. Nu wada di diyes centemos ay idawat ina et manlalayadak. Mamingsan sin isa ay lawas met ay maka-inumak si coke wenno orange, maga pay di tinapay na. Maga abe di senelas ya sapaotos ko ed idi. Saka-saka latta. Ebkas ko abe din panagyamanyaman ko isan mimistarak ay na-anus ya na-ayat ay nan-isuro en dakami, ed Tuding Primary School: Grade1- Mrs. Paraguas, Grade 11- Mrs. Fabiana Comilang Perez, Grade 111-Miss Hill, Grade 1V-Mrs Laranang. Ed Bua : Grade V- Mrs Rolloda, Grade V1-Mrs Espejo, Si Mr. Paquito Bolislis di Principal ed Bua Elementary School sakopen na met lang ed Tuding Primary School. Din ay-ayammi ed idi: Baw-wet, tansan, bolintik, bukeldi salamagi inkami pidpiditen ed Baguio din bukbukel di salamagi (hehehe!), lastiko/gading (rubber band), dinnap-ayan. Dakdake di yaman ko en Apo Dios ta laylayde na sak-en, laton et nay wada-ak sina America ed wani ay man-en-enjoy sin adak na-enjoy ed idi. Madaydayaw si Apo Dios! Sapay koma ta din padas ko ay nay, dakayo ay mumuyang ed wani esten yu di man-eskuela tapno mas napintas di biag yo. Gaget ya kararag di kasapulan tapno makapagturpos kayo sin korso ay layden yo ay panbalinan. Si Apo Dios din manbadang en dakayo amin. God Bless the people of Tuding. Matago-tago tako am-in! Kitz, sik-a di maka-ammo nu itapim na wenno maga. Bawasam wenno tapi-am. Mabalin mo met ay translate si English. Salamat san gundaway ko ay nansurat en dakayo. Pasensya ta adiyak met man-nurat . Imbag ta wada di first time ay kanan da. hehehe! Toy Nanumo ken nakurapay ay manong , Johnny W. Daliling * salamat kasin manong Johnny for supporting the project via sharing your experiences of growing up ed kad-an tako
Posted on: Mon, 19 May 2014 04:11:51 +0000
Trending Topics
Recently Viewed Topics
© 2015