INDIA HMAR CHHAK LIRNGHING PUI THAM TE : India hmar chhak, Mizoram telin hi Khawvela Lirnghin duhna ber , Most Active Seismic Zone a awm kan nia. Lirnghing lian tham record a dah thenkhat i han hre ve mai mai teh ang. Lirnghing tawrh nasat leh nasat loh hi a nghingna area ah mihring awmna ( settlement) an bit em, engtik hunah nge a nghin ( zanlai mut ngheh lai nge chhun mi harh vang lai tih te) , a nghing rei em- nghing dawt nge insawi rei tak tihte leh chulai vela in leh lo sak dan leh inrem khawm dan a zir te ani ber. Lirnghing hian a sawi ngawt chuan mihring hi a sawi hlum lova ngaih anih laiin a sawi chhiat in leh bungrua ten a an delh hlum emaw leikhi a rawn siam a tla hlum avanga thi anni deuh zel zawk. 1. SHILLONG EARTHQUAKE - 1897 : Hei India rama lirnghing nasa ber a la ni hrih. He lirnghing hi ni 12th June, 1897 , dar 5:15 pm ah nghingin a nat zawng pawh 8.7 Richter scale lai ani. Mihring thi chhinchhiah ringawt pawh 1542 people. Minute 2 leh a chan ve vel a nghing a, 30,000 sq. miles a zau ah na tawkin a sapa tal ani. He lirnghing hi Dudhnai fault intawk sir vanga lo awm ani ber. 2. SRIMANGAL EARTHQUAKE -1918 : Ni 7th July, 1918 zing dar 10: 22: 12 sec a nghing niin a nat zawng pawh 7.6 lai ani ve. Sylhet district of Bangladesh leh Tripura a che ve thung ani. Hei erawh chu Sylhet fault ( Fault hi leichhung thuk taka LEI KHI lian pui pui sawina niin , lirnghin nat zawng hi Richter scale a teh tihna vek ani bawk ang) . Km 14 lai a leihnuai thuk atanga intan ani ( Hei hi Focus anti a , tin chumi Focus zawn chho lei pawn kha Epicentre an ti ve leh thung a) 3. DHUBRI EARTHQUAKE - 1930 : A natzawng 7.1 , ni 2nd July, 1930 , chawhnu dar 2:33: 44 a nghingin a nghawng zau zawng hi 9,24,320 square km a ngaih ani ( Mizoram hi 21,000 sq km bawr a zau ani). Northern Bengal, northern Bangladesh leh western Assam a sawp ve thung. Jamuna Fault chet vang a ngaih ani. 4. ASSAM EARTHQUAKE - 1950 : Ni 15th August, 1950 , zan 7:39 pm a che ve thung ani. Upper Assam leh Arunachal bawr ah a inhrosa ve thung. Mi 1520 chhinchhiah an boral phah a, focus chu 29 km. Leikhi atangin tui so leh boruak sa hut hut a rawn chhuak nasa ani. Brahmaputra pawhin hmun thenkhat ah chuan a kuang a sawn hial ani awm e. 5. CACHAR EARTHQUAKE - 1984 : Nat zawng 5.8 niin focus hi 33 km a thuk ani ( Lei kawr chhah , CRUST an tih hi km 10 -100 bawra chhah ani a. Tlangrama zawnah a chhah deuhva, tuipui hnuai ah a pan deuh nia ngaih ani. Crust hnuai, a ia a thuk lehzual hi chu meialh kang sa huam huam reng, tawlh pur pur reng a ngaih anih kha hrereng bawk ila..Mantle an tih kha). .He lirnghing ah hi chuan dangdai leh polite takin a tak taka a rawn nghin hma in FORE-SHOCKS an tih ve mai chu vawi hnih ngawt na tawkin a rawn warning vei phawt ani awm e. ( Lirnghing zawha plate, fault hrula lei , khawmual lian tham insut ngheng hnua insiam rem leh thin avanga nghing leh thin AFTER SHOCK kha chu kan hriat ve nual tawh kha..) . Hei hi keini Mizoram lirnghing bu pui a ngaih, NE fault of the Arakan Yoma trend chet vang ani, He Arakan Yoma leh Sylhet fault te hi insangawi zawnpui deuhva ngaih anni. 6. INDO-MYANMAR BORDER EARTQUAKE - 1988 : Hei hi nizan lama kan lirnghing hriat chhungkhat hnai vai anih hmel. He mi tum hian 7.8 a na, ni 6 August, 1988 zing lamah a che chiam mai kha ania. . He lirnghing hian Northeastern pum, , Myanmar, Bangladesh and Nepal a fan vel dat dat anih kha. Guwahati bul hnai hmun thenkhat ah chuan 20 metre anga thuk lei tlahniam thut thut te a awm ani awm e. LIRNGHING hi a venna emaw a chiu damna a awm hrih si lova chuvangin Lirnghing duhna tak rama awm kan ni tih inhria in engtik lai pawha nghing thei turin inbuatsaih tawp mai ang u. Chuvangin rikrum thut thila himna kawng zawh vat vat theih dan tur mahni phak tawk tawkin hriatthiam tum hlawm ila. Kan insak lian leh trawp lian avang ni kher lo pawhin thenawm, kawm chhak te in chim huk avang pawhin kan nawi ve nuaih thut thei tih hria ila. TREK hlauh ang deuh ani a, hlauh nachang kan hriat meuh chuan .. a lo nghing zo tawh ngei thin ang le. Mizo Kristiante tan chuan mihring nep zia leh Pathian ropui zia , Leilung inrem khawm / inchuktuah insang mar leh inrem khawm tha mai mai te pawh LIRNGHING pui leh rapthlak ah a chhuak zel mai sia..Chung ang zawng zawng thlen tirtu FA chu kan nih ve si maw le... Hlauh ai mahin intih theih chi zawk emaw ni chu aw...ka ti. Lir te lo nghingin tlangte kang hluah hluah mahse... Keini Mizo Kristiante zawng kan harh tak tak chuang hlei law nge.... Ha ha
Posted on: Fri, 21 Nov 2014 15:48:25 +0000
Trending Topics
Recently Viewed Topics
© 2015