ISIS KAIHHNAWIH ************************ Khawvel tangrual pawl sipaite leh ISIS firfiak ho in chal tohna chuan rin aiin hun rei a awh dawn niin a lang. Tangrual pawl ten theih tawpin chung lam atang an bombs un un a; ISIS te pawn an Muslims firfiak pui, tanpuitu an neih belh ve leh zel a. ISIS sipaite chuan US leh tangrual pawl bombs laka an him theih nan lei kua lamin an lai nasa mai. Heng lei kua (tunnel) hi chhun chawlh nan leh zan riah nan an hmang niin ISIS ho chuan an insawi. Kar kalta khan Iraq rama Kurdish sipai 300 rual chuan Syria ram, Kobani khua a an mi leh sa te chhan turin Syria ramah an lut a; Kurdish mipui za tam tak chuan pasal tha hmuahin an lo hmuak a. Heng sipaite hian Syria leh Turkey ramri a Kobani khua chu ISIS kut atang an chhuh mek a. Kobani khua a indona dinhmun hian tun tum US leh tangrual pawl hmalakna hlawhtlin leh hlawhtlin loh a lantir a ni. Tun hnai khan President Obama chuan US sipai sang khat zanga (1,500 ) zet Iraq ramah a tirh belh a; tin Australia special sipai 200 rual pawh Iraq leilung an rap ve ta bawk a. Tuntum ASEAN Summit-ah President Obama chuan Australia Prime Minister hnenah Iraq rama sipai tirh belh turin a ngen bawk. US huaihawtna hnuaia tangrual pawl leh ISIS firfiakte chu chun zan pawh thlu lovin an la in chal toh mek chu a ni ber a, eng tak ang zel ang maw???
Posted on: Thu, 13 Nov 2014 14:02:03 +0000
Trending Topics
Recently Viewed Topics
© 2015