ISTORIA BELUN MORIS ! Loron ida kolega diak nain tolu koalia ba malu iha fatin ida naran tesi lia. Idak - idak hato’o sira nia experiencia. Sira nia dialogu tuir mai ne’e: Moris : Hau bele kontenti tamba hau bele iha mundu ne’e no buat barak mak hau hasoru no hau bele aprende! Moras : “Emmmhhh…… Hau mos kontenti,.. tamba hau bele halo buat barak!( nia mos lakohi lakon ho moris.) Barukten:” hei,…. Imi deit mak haksolok ga? Emmmmmh,… hau mos kontenti! Tamba hau halo imi sai bibi malay. (Koalia no tau liman iha kanotak) Moris : (Moris nia oin mean los, rona barukten hatete ba nia hanesan bibi malay) “Los duni,….. o duni mak halo hau sempre sai barukten hanesan ne!” Moras : “O sa,.. ladiak duni barukten!!!,… o mos halo hau sai barukten hanesan ne!( Moras mos senti la gosta ba barukten) Barukten : “Wooooooow,….. hau admira ba imi,… tamba durante ne’e imi la fiar imi nia aan katak imi bele halo deit saida mak imi hakarak, maibe to’o ikus imi dehan hau mak domina imi?!.......ha ha ha! (nia hamnasa los sira nain rua ) Maluk sira,….Ho hahalok barukten nebe mak abuja sira nain rua hanesan ne’e, sira mos koalia ba malu no iha planu oinsa bele hakotu relasaun ho barukten. Maibe mos to’o ikus, Moris ho Moras mos tenke fahe malu duni. Tamba durante ne’e moris sente laiha buat ida mak nia bele halo tamba sira nain rua ne’e mak sempre domina ba nia atividade tomak. Oinsa destinhu Moris wainhira nia mesak,....... ita sei tuir serie oin mai. Kalan diak ba imi hotu,… no deskansa ho haksolok. Sei ohin loron ita boot sira senti katak kolega moras ho barukten mak domina, keta mos triste! Tamba wainhira ita boot toba,… ita boot sira sei hetan inspirasaun foun atu planeza buat ruma nebe mak diak ba moris iha loron aban. Maromak fo bensaun ba imi.JT,S-K/14/07/13*
Posted on: Sun, 14 Jul 2013 15:22:20 +0000
Trending Topics
Recently Viewed Topics
© 2015