India rama book fair lâr leh lian bera an sawifâk, Kolkata Book Fair neih hun a lo ni leh dawn ta. India ram dung leh vang leh ram dang atanga hriatnaa tuihâl leh lehkhabu ngainatute fuankhawmnaah hian publisher leh writer lar tak takte mipui mimir hmuh theihin an inlar thin. He Book Fair 2015 denchhen hian Sahitya Akademi chuan literary forum a buatsaih dawn a. Chuta “The contribution of Mizo literature towards Indian literature” tih thupui sawi tur leh ka poetry chhiar chhuak turin min rawn sawm ve a. Ka poetry ruahina a la ṭham loh, khawi hmun maha ka la din chhuahpui loh leh ka la zin chhuahpui loh nena infamin January ni 31-a hun hmang turin Kolkata lama ka zu kal kat tâk chu a ngaih hmel - Pathian zara kan dam a, a rem chuan. Friends, followers, frenemies leh foes min rawn tlawh pawh duh in awm chuan ka innghana tur chu: Choudhury Estate Guest House, 55 Chowringhee Road, Kolkata 700071 (Ph. 03322821817) a ni ang.
Posted on: Sat, 24 Jan 2015 16:19:21 +0000