Isililo sentandane 5 :umaDube 2 ...loVusi loBheki kebayebethwa ngumoya wedolobheni kancane baphumule intuthu Kunganjani sihambe singumndeni?ngumaDube engafuni ukuthi ngibe lethuba nje lobaba funa ngimthengise izenzo zakhe. Cha nina uzoza ekupheleni kwenyanga usuzebalandakwatsho ubaba. Phela owami ubaba wayekhuluma ulutho kanye engungitshilo ngitshilo lanxa nje umaDube wayesemtshintshe inhliziyo kokunye. Isinqumo sasisenziwa nguye njalo. Ngancweba phansi kwathi kangithandaze ngaphosa ngazithambisela ngomthabo. UmaDube watshona encenga ubaba kodwa okatshoba wayesefake isinqumo wabopha ngeketane waqinisa. Heyi bantu umuntu uzabulawa yisizungu kunganjani ngisale loyedwa umfanaselahla ithemba okaMthembu. MaDube uhala labo laba bafana lami ngisafuna ukuba labo ke ngibafundise njengamadodangubaba eqinisa leliketane. Ngazimisela ukuthi ubaba ngizamtshela konke avele esule umtshado wabo lomaDube ngoba wayezenza umuntu kuzwa phambi kukababa. Bafana bami,wasibiza ubaba lovusi ethi kumele sihlale silungile ngoba ngosuku olulandelayo sizahamba laye. Sasihlezi ngaphansi kwesihlahla somtshwankela esasisegumeni ubaba weza kithi ezebika indaba ezimnandi ezaziyisihaqa kumaDube. Wayesebunile okwebhokola lithelwe ngamanzi atshisayo. Wadidizela esiza kithi ephethe amahewu elokhu ezama ukuguqula inhliziyo kababa eyayisiphenduke itshe ,nanka amahewu ndambaneaviyoce esiyakwendlala isikhumba phansi kukababa. MaDube ngicela uye emkulwini ke ngikhulume lalaba abafanangubaba esukuma esiqobaneni ayehlezi kuso. Wayesetatazela okungelangqondo umadube lami sekuqala ukunginenga. Kungcono sinatheni amahewu Tshoba sindawonye siyimuliaqinise ikhanda. Ngabona ubaba secaphukile waphakama wathi kimi,bheki uyenelisa yini ukuqula siyefika emasimini? Ngavumela phezulu kambe ithuba elihle lokuba lobaba ngangilidinga. O wena uddokotela uthe ubophumula susile okwanini?ngumaDube emangele Wazama ukusibamba ngamahewu mina ngazizwa vele ngingawafuni. UVusi wathatha eyakhe inkomitsho wanatha laye ephanga ukuhamba lami lobaba. Lawe uyahamba?Ebuza uvusi owayesebhije inkomitsho yonke engaphumulanga. Yebo mama angithi ubaba usibize sonke londletshananguVusi ephakama elandela. Ubaba watshibilika wama khwimilili wathi kuVusi,Vusi nguba undletshana? Nguyenalo ohamba equlaephendula ngokudelela etsho etsho mina. UmaDube waphanga wabona ukuthi sekukubi wayivala ngathi,ngibabiza njalo Lonkosi unazondi tshoba Mthenjwa wenkosi Kwangicaphula lokho ngoba inhlwa yayisiziphumela kodwa yabuyela emlindini ingasabanjwanga. Oho, asambeni bafanaeqonda esangweni. UmaDube wabuyela muva enginyonkoloza angathi uthi uzangenzani mandletshana Bafana bami alijabulelanga yini ukuhamba lami etsho kithi sesisendleleni. Mina ngizahamba nxa umama ekhona nguvusi ehamba etshaya inyoni ngamatshe. Umama wenu uzalandela muvangubaba esencenga uVusi. Safika sahla esihlahleni esikhulu senkiwane esasendlalelwe ngamadwala. Ubaba wathuma uVusi ukuthi ayemgamulela intonga sasala sobabili. Ngasengifuna ukuyicacada indlubu kodwa sonke sethuka sisizwa chwathi chwathi ngemva kwesihlahla. Sathalaza kanye kanye samangala sibona... Inkosi ithel musa wayo kini lonke!# Watch out for chapter 6 Pls like and share my page Jestina Msipha -Writer of Short Stories
Posted on: Sun, 06 Jul 2014 00:04:00 +0000
Trending Topics
Recently Viewed Topics
© 2015