Job 2:9-10 Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti. 10Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo. Pathian le Satan cu bia an I ruah I , pathian nih ka sal pa Job hi na ruat bal maw? Vawlei cung ah a mah bantuk in Patian a tih mi le a fel an um lo a ti I Satan cu Job a zumh nak kha a test ter. Job cu Satan nih a pumpaluk in hma a tlunhter I cu zong ah cun Job nih cun Pathian sin ah zei sual nak bia pakhat hmanh a chim lo. Job, a nu pi ni a thawh I “na din fel nak cu nai tlaih peng ko lai maw? Na Pathian cu pamh law thi ko cang a ti”. Sihmanhsehlaw Job nih a nu pi cu “ziah a hrut mi nu bantuk in pei bia na chim hi a ti”. Pathian sin in thatnak vial te kan hmuh I that lo nak zong kan hmuh ve awk a si hnga lo maw a ti. Krifa kan nun ah hin tukforh nak le sunghnak zatlak nak te hna kan ton theu ton I kan minung sinak in kan lung zong dong tawn I zei ruang ah dah Bawipa kan zumh ko nabu ah hi bantuk thil hi ka cung ah na tlung ter hnga kan ti tawn. Hika zawn ah ruah awk a um mi cu kan dawtmi kan hawi le chung khar, unau cung ah khin that lonak kan tuah duh cio hnga maw? Sinain Pathian nih cun kan cungah a tlung ter ko a ruang cu kan zumh nak hi a tak maw tak lo ti test nak ah asi. Sui cu a tak le tak lo mei in test tawn a si I a chiami vial te kha mei nih cun a kangh dih I a tak mi lawng a tang. Cuvebantuk in kan zumh nak hi a tak maw tak lo ti hi kan ton mi harnak, tukforhnak in atak alangh nak ding ah test kan si tawn ve. Cubantuk harnak kan ton lio I Pathian mertak a si ah cun kan zumh nak hi a tak lo ti kha a lang. Cucaah harnak kan ton can ah Pathian mawtchiat lo in lung thawng ngai in kan pah chih ko ah cun Job bantuk in a hnu ah cun tei nak kan hmuh ve lai, Job tuanbia a dongh nak kan zoh tik ah a hmasa I a ngeih mi nak let hnih in Pathian nih thluachuah nak a pek than ti kan hmuh. Cucaah harnak, tukforhnak, ngeihchiatnak kan cung a tlun tikah lungdongh lo in Pathian cu fek tein I tlaih chih ko uh sih! Pathian nih hin kan in khawh lo tiang in cun a kan test bal lai lo ti kha theih ding ah hi Job tuanbia nih a kan cawn piak.
Posted on: Sat, 28 Sep 2013 08:08:19 +0000
Trending Topics
Recently Viewed Topics
© 2015