July 24, 2013 – RU BALITA ALAS KWATRO NAGLAOM ang kahugpungan sa mga senior citizens sa dakbayan nga unta mapalabang na isip balaudnon ang ilang gilaraw nga pagpaubos sa edad sa mga pensiyonado sa 16th congress. Ang pamahayag giluwatan ni Engr. Ruben Saarenas, chairman sa CDO Federation of Elders Incorporated kon CAFEI human gipaboran sa korte suprema ang Senior Party list ug hingpit nang gibasura nag disqualification case nga gipasang-at sa Comelec. Matod ni Saarenas, pinaagi sa ilang representante nga si Godofredo Arquiza, naglaom sila nga gawas sa pagpaubos sa pension age, mahatagan usab og katumanan ang ilang gihangyo nga sakyanan aron magamit matod pa sa ilang operasyon sa tanang kahugpungan sa mga senior citizens. (Saarenas clip 1) Ang pamahayag ni Engr. Saarenas. Sa boto nga 13-2, gideklara sa supreme court nga iligal ang gihimong pag-disqualify sa Comelec sa nasampit nga partylist group gumikan wala man gipatuman ang kasabotan o wala usab nahitabo ang term sharing tali sa mga nominado sa nasampit nga grupo. Kahibaloan, gi-disqualify sa comelec ang nasampit nga grupo gumikan iligal kuno ang nahimong term sharing agreement niini. -o0o-
Posted on: Wed, 24 Jul 2013 08:38:34 +0000
Trending Topics
Recently Viewed Topics
© 2015