KA HMANGAIH CHE SIN ................................... Khawvel mawina zawng zawng infawkkhawmna ang hiala ngaia ka thlir ngawi ngawih thinlai che pawh khan ka thian thenkhat, u leh nau, hmelhriatte hi chuan, A chu ti a kha ti si, i fel lohna khawvel hmuh chhuah phet tuma an sawi lai pawh khan kei erawh chuan vawikhat chauh pawh i hmel duhawm ka thinlung leh mit tamchhawl in hnangfak tir leh hram beiseiin leh thlaler khawhara mulukawlh riltam eitur zawng ang maiin ka mit ka len ruai a... Nangmah sel tum tlat tute chuan min hnial hneh ngai lo a, nang sawi chhetute lakah hian hniak khat pawn ka tawlh sawn ngailo, i mawi lohna zawng hram hramtute hi ka laina leh thian an ni thei ngailo ang. Chutiang khawpa i tana in pumpek, kei min tawng hi i vannei ve tho hian ka hre thin a sin.. Lei chunga mihring hei zazai zingah hian a ber nihna hauh a harsatzia an sawite hi i hre ve fo tawh thinin ka ringa, nang chuan ber nihna i nei a sin. Ka hmangaih ber che .... I mi fiam paha, mi chumna kha na ka ti phal lova, ka man beh ce a ka kuah beh tak tlat che pawh khan, i tal chhuak phal bik ngai lo anih kha. He tiang tak mai a i mitmeng leh thinlung mawi titu, kei min tawng hi i vannei a sin.. I hlim hmel ka hmuh hian ka nun hi a nuam in a hlim veng veng thin ani. Kum khuain hlim reng thei la ka duh a, mahse, chung thleng tur chuan thuneihna leh theihna ka nei mawlh si lo, engtikah emaw chuan ka tum reng vang leh ka tih luih ni hauh lovin, keimah avang ngei hian lungngaihna te pawh ila tuar dawn tih ka hre lawk ani, chu tih hunah pawh chuan i hriat reng thin a tana ka duh ngawih ngawih chu Ka hmangaih che tih hi.. Keimah avanga lungngaihna leh manganna te ilo tuar anih hlauh hun pawhin, ka duhthlanna vang reng ni lovin, ka tih palh liau liau emaw, ka thunun phak rual loh thil eng emaw vang tal ani ang tih hi min hriat sak tlat thin ang che aw.. Hun leh nite an her zelin i. hringnun duh awmna leh mawina hian chuai hun te pawh ala nei ve ngei ang, i hmel mawi tak leh i pawnlam duhawmnate hian an la kiansan ve ngei dawn che a. Chutiang hun chu lo thleng pawh nisela, i chhungril mawina leh thatna hmutu hi chuan ka lakah par i chhuah dawn chauh a sin.. Mawina dik leh thatna, duhawmna famkim te hi pawn lam lan dan maiah alo in nghat reng renglo tih min hmuhfiah tirtu i ni a, hlimna dik tak min hmuh fiah tirtu i ni bawk, Hmangaihna dik tak awmzia min hriatthiamtirtu pawh nang tho hi i nia sin, ka tan hian i hlu lutuk a, ka sawifiah thiam bawk si lo.. KA HMANGAIH CHE SIN..
Posted on: Thu, 14 Nov 2013 14:49:04 +0000
Trending Topics
Recently Viewed Topics
© 2015