KAN RAMHUAI/ THLAHRANG BUAIPUI HI AN MIZIA HRECHIANG ANG U!!! Tun tum a ka rawn tarlan tur hi author Paul Dale Roberts an a zirchianna a tang a thlarau sual ( thlahrang) hnathawh dan hrang hrang ka rawn tarlang dawn ani. Residual Haunting activity : Hetiang ang chi ah hi chuan thawm a tam em em a, awmhmun hrang ti mai ila a fiah awm e, an thawm te hi an thup vak lova, ‘intelligent haunting’ kan tih zing ah pawh telh anni lova, a hranna hmun a thil thleng zulzuiin thawm an siam deuh ber thin. Zai ri te, nui ri te, tawng ri te, ke pen thawm te, lam ri te, pawn atang a tawng ri mur mur mahse room luh chiah a reh ta thup mai ang chi te hi ani duh hle. Residual haunting ah chuan mihring ten thawm kan siam thin pangngai ang thawm hi an hre ber thin. Residual haunting ah hian chuan thawm bak a awm lem lova mihring te tihnat sawi tur hriat a awm ngai lo. Case example : Nupa in ngeih lo em, in hau deuh reng mai te chuan an in an hralh a, midang in an luah hnu chuan an inhau thawm chu hriat tur a la awm ta fo nih chu, chhungkaw thar ten an luah hnu chuan tum khat chu thenawm te nen a barbecue an neih tum in thla an la a, an thlalak a lo chhuah chuan an in tukverh an chuan a hma in lo luahtu te nupa chu an lo lang ve vang mai a, mahse he tih lai hian anni chu an inthen daih tawh. Poltergeist Activity: He thilah ve thung hi chuan chhungkaw zing a hmeichhia ten than thi anneih lai hian a thleng deuh ber a, hetih hun lai hian hmeichhia te hian inner energy an ngah em em a, chu chu alo langchhuak thin ni a ngaih ani a, bungrua mit hmuh lai reng a insawn lawp lawp te, electric on off char char te, bungraw tih chhiatna lam a hluar hle. Inner energy an taksa a nasa taka in developed vangin an ngaihtuah na chu a tak hial ah a thleng thei ta thin anih deuh ber mai chu. Mahse poltergeist activity hi hmeichhe thi neih vang chauh a thleng a ni lo tih kan hriat a tha ang. Zirmite chuan a thleng duh bik an ti mai chauh ani. Case example: Walter B. Gibson the pulp series ziaktu kha mak ve tak chu a ni, a ngaihtuahnaah amah ang pianhmang pu thlarau a ngiahtuah chu atak in a lo kal a, a inlengte hmuh lai pawh in chu thla chu a inlan hial thin, hmel sawi fak tur nei si lovin mihring ang chiah niin an sawi. Heta tang pawh hian teenage hmeichhia te chauh lo pawhin poltergeist activity hi an thlentir thei tih a chiang hle a ni. Demons Activity: Anni hi chu a zia a dang leh hle a, mihring nungdam lai ang a inlan an nei ngai mang lo, anni hi extraterrestrial kan tih mai angah ngaih anni a, he khawvel pawnlam mite anni. Chhui na ah chuan anni ho hi Setana thuihhruai te anni a, chuvang ani a engang pawh a mihrin an an tum pawh in an an famkim theih thin loh. An landan hi kawngthum a thliar a ni a, 1. Angel tha tak zaidam tak angina lan chang annei a, hetiang a an lan chuan mihring an in lanna ( alo hmutu) kha engemaw thilsual tak tihtir an tum thin. 2. Rapthlak eltiang a inlan an ching leh bawka, hei hi chu mihringten kan hlau ani tih an hriat vanga an tih thin ni a ngaih ani a, kawng hrang hrang a an inlan theih avangin a hmutu ngaihtuahna a a hlauh zawng ang ber in an in lan thin. Mahse hei hi an pianphung ani lo. Mihring ngaihtuahna hmang a inlan mai anni zawk. 3. Thenkhat te kiang ah chuan chhum hlawm dum deuh ang te, hlimthla in a zui tlat ang te, thlahrang awmna hmun tam tak ah hi chuan chutiang chuan a zui thu an sawi hriat ani fo bawk. Mahse Demons Activity hi thlarau hnathawh ah chuan a thleng zen zen ngai lo a ngaih ani . Intelligent/ Interactive Activity : He definition hi ngaihnawm lutuk. Einstein a chhut dan thin nen khan han kaikawp ila, keini mihring te hi energy hlawm a siam kan lo nita a ( Quantum level in), Atoms leh neutron hlawm a kan taksa hi duan ani a, hmuhtheih si loh thiltih theihna (Aura) hian min hual reng a, Aura hi kan taksa in a electrical current maktaduaih tel atanga lo insiam ani. Kan thluak hian ngaihtuahna thiltih theihna ( Brainwaves) asiam a chumi chuan kan taksa a control ta thin a, ka taksa a thil thleng, na tihna te, thlum te al te, thur te hriatna min peta thin ani. Aura hi kan taksa chhunga awm ani lova, mak deuh mai chu, mi reng reng an thih hian Ounce 6 in an damlai aiin an rihna a tla hniam ngei2 a. Chuthil kan damlai a kan rihna a tel mahse kan hmuh theih si loh chu engnge nita a I rin??? Rindan chuan he ounce 6 hi kan taksa energy force niin ngaih ani a, thenkhat chuan thlarau kan tih te pawh hi nithei in an ngai. Engpawh chu nise kan thih hian energy engemaw chuan hmuhtheih loh hriattheih si in min chhuahsan tih chu a chiang reng mai. Chu thil chhuak ta kan damlai a engkim kan hriatna chu khawnge a kal tak ang, a kawppui taksa kha a thih tak avangin khawi emaw ah chuan a awm ngei anga, chu thil chu hmuh chang kannei thin ngei bawk ang. Chu Aura chu kan hmuh chuan kan hriatthiam theih danin thla emaw ramhuai tite in kan sawi ta mai thin ni awm ani. He thlarau hi kan biak a kan khawih emaw a kan hmuh emaw chuan intelligent/ interactive haunting kan ti mai tur ani dawn lom ni. SHADOW PEOPLE emaw Shadow Creatures Activity: Hetiang hi a danglam leh ta deuh a. Hrilhfiah leh sawi vak ngaihna a awmlo ni a hriat ani. Thlahrang kan tihte nen pawh hian danglam na an nei a, a tlangpuiin mit a hmuh thin an ni a, thawm erawh an siam ngai hriat a ni lo. Thlahrang dangte ang lovin bang ah te an lut tlang mai a, an pianphung chiang taka sawi tur a awm meuh lova, hlimthla ang deuh hi anni tlangpui, shadow People hi mihring te pawh an kaltlang fova hetinga an kaltlang tawh te chuan thil rapawm tak in a man ur ur niin an sawi thin. Ngawirengin mi en reng ang te hian an inlan thin a, an hmel pawh sawi mumal turin hnar leh ka hmui hmai hrim hrim annei lo. DOPPELGANGER HAUNTING ACTIVITY: Hethil hi thlarau hnathawh ah chuan a vang ber pawl ani a, an mahni ang thla an hmuh rual in hetiang a hmu te hi rei dam hriat an awm ngai lo. Mipui tamtak zing ah te an mahni enreng angina an inlar a, mitkhapkar lovah an bo leh a, vawi tam tak an inlan hman ngai lo. Rindan chuan connectivity of Evil twin an ti thin. Awmzia chu kan taksa milpui chiah in thlarau a rawn insiam tihna ang deuh ani e.
Posted on: Wed, 30 Jul 2014 07:32:44 +0000
Trending Topics
Recently Viewed Topics
© 2015