KHAWVELA FOOTBALL MANAGER SUM LALUT HNEM TE: 1. Pep Guardiola (Bayern Munich) $24m : Tunlai khawvela mi tam takin manager tha bera an chhal hial khawpa record nei turu Pep Guardiola hian kum khat chhungin sum a lalut hnem ber a,Barcelona club chu ropuina ram nasa taka a dai pui hnu ah a chawlhsan a,hemi hnu hian German champion Bayern Munich chuan khawvela manager sum lalut hnem ber ni turin contract an ziah pui ta ani. 2. Jose Mourinho (Chelsea) $17m : The Special One, The Only One, The Happy One tih angreng hming invuah chawp a,mahni in ngaisang ang reng tak Jose Mourinho hi Pep Guardiola tih loh ah chuan khawvela sum la lut hnem ber ani. He manager trophy lak loh a lawi nei tawh lo hian kum 2013 khan Real Madrid chu chhuahsanin a club hlui bawk Chelsea chu zawm leh in club neitupa Roman Abramovich chuan sum malsawmnain a vur nasa hle niin a lang. 3. Marcelo Lippi (Guangzhou Evergrande) $14m : Enge Guangzhou Evergrande chu? i lo ti maithei,Chinese Super League a club pakhat ani e.Lippi hian kum 2012 a he club a zawm hnu hian a chet ropui pui ang reng hle a,season liamta hnuhnung pahnih ah khan a champion pui bakah kum 2013 khan AFC Champions League ah a champion pui bawk ani.Kum 2006 World Cup a Italy final lo hruai thleng tawh Lippi hi Guangzhou hian an chhawr fu rih hle niin a lang. 4. Fabio Capello (Russia) $13m : International manager zingah ani ang a hlawh hnem hi an la awm ngai lo nachungin,a hlawh nena tehkhin chuan Russia team tana a hnathawh hi a ropui rih lo hle.Kum 2018 FIFA World Cup host tur Russia hi tun World Cup khelh zawh takah khan group stage pawh apaltlang pui zo lo ani. He result chhe tak avang hian Capello hi RussianParliament hmaah insawifiah tura koh ani nghe nghe ani. 5. Louis Van Gaal (Manchester United) $11.75m : Alex Ferguson a hmun awl luah khat hi thil awlsamani lo a nia nge,David Moyes pawh a lo mualpho tawh na hmun ah hian LVG hi rawih ani ve leh a,hna hautak na men a hmachhawn ve mek ani. Tun World Cup khelh zawh taka Holland pathumna nih pui tu hian Ajax,Barcelona,AZ leh Bayern Munich te chu nomawi a lo chawi pui vek tawh ani. 6. Carlo Ancelotti (Real Madrid) $10.5m : Forbes in tunhnai mai a club hlu bera a thlan Real Madrid ($3.44bn) hian manager thlak an awlsam hle a,Mourinho meuh pawh a tlangnel theihlohna hmun Bernabeu ah hian Carlo Ancelotti hian fiahna a la paltlang chho tan dawn chauh niin a lang. 7. Arsene Wenger (Arsenal) $10m :Arsenal fans zinga amah duh leh duhlotu in zat nawk khawp a inhnialna tur chawk chhuak hnem Arsene Wenger pawh hi a hlawh hi a lo theuneu lo khawp mai a,tunhnaiah Arsenal hi rawih lam pan pui tawlh tawlh mahse Arsenal board lam leh fans thenkhat lungawina ber a la ni ve tlat. 8. Jurgen Klopp (Borussia Dortmund) $6m : Bundesliga title tun kum hnai vai taka Dortmund vawi hnih lo chawi puitu Klopp hian fans te ngainat a.hlawh hle a,tun season ah che chhe hle mahse Dortmund lam hian ban tir lampang chu an la ngaihtuah chhin lo anih hmel. 9. Manuel Pellegrini (Manchester City) $5.75m : Sum lama buaina nei lo tak City in Pellegrini an lalut hi an ti fuhlo hran lo khawp mai a,he manager cool leh tawngtam lo tak hian 2012-13 season a City a zawm hnu hian League Cup leh League title a chawi pui hman der tawh a,City sum sen hi a thlawn lo nijn a lang rih e. 10. Jorge Jesus (Benfica) $5m : Portuguese League Cup a vawi li ngawt lo champion tawh leh league a vawihnih Benfica lo champion pui tawh Jesus hi a hnathawh leh a sum lakluh hi a in hen ang reng hle a,hei chauh hi nilo in Benfica hi Europa League khelh zawh tak hnuhnung pahnih ah khan runners-up anih pui ve ve bawk ani.
Posted on: Sun, 04 Jan 2015 11:03:22 +0000
Trending Topics
Recently Viewed Topics
© 2015