KORSOU: KOMUNIKADO DI POLIS: Tópiko: Kiebro i ladronisia na mashin di ATM na Weg naar Westpunt. Djabièrnè 26 di yüli 2013, alrededor di 3.08’or di mardugá Sentral di Polis a dirigí un patruya na e pòmp di gasolin na Weg naar Westpunt na altura di Tera Kòrá despues di a risibí informashon ku un kaso di ladronisia a tuma lugá na e mashin di ATM situá einan. For di un investigashon preliminar ku polis a realisá a resultá ku malechornan a brant e porta di heru di e ATM habri, penetrá paden i bai ku tur plaka for di e klùis. Informashon ku polis ta disponé di dje ta mustra ku e sospechosonan lo a hui bai den un SUV blanku. Kontinuando ku e investigashon alrededor di 4.30’or riba Kaminda Mgr. Amado Römer polis a señalá un SUV blanku ku un hòmber aden i a para esaki. Den e vehíkulo polis a bin haña i konfiská un hanskun. A detené na e sitio e hòmber shofùr di e SUV, R.R.M.N., nasé na Kòrsou, di 22 aña di edat i a present’é dilanti di un fiskal ouksiliar ku a ordená su enkarselamentu pa mas investigashon. Polis a konfiská e vehíkulo pa mas investigashon. Siguiendo ku e investigashon, alrededor di 09.45’or di mainta, polis a hasi un entrada hudisial den un kas na Hudsonweg. Durante investigashon den e kas polis a haña i konfiská artíkulonan ku ta di importansia pa e investigashon relashoná ku e kiebro i ladronisia na mashin di ATM na Weg naar Westpunt. Investigashon den e kaso ta kontinuá.
Posted on: Sat, 27 Jul 2013 00:51:21 +0000
Trending Topics
Recently Viewed Topics
© 2015