“Kapau tetau muimui he lau ‘a e hisitolia, ko e me’a mahu’inga fakapolitikale ne hoko he uike ni – kuo ‘ataa e faingamalie lahi ki he Conservative Party.“ Ko e kolomu ‘a e ‘Atita, ZB Mike Hoskings ‘o e uike ni ne ha’u hangatonu pe ‘i he poini. ‘Oku ou tui tatau, ko e uike mahu’inga eni ‘i he vilo fakapolitikale mai ko eni ki he Falealea hono 50. Ko e taimi eni ke fakatokanga’i ‘a Cunliffe mo Winston Peters he te na kamata ‘ohofi e Conservative Party. Ne ‘osi fakahoko eni ‘e Peter Dunne, ka na’e meimei hange ia ha [ki’i] namu fakatupu’ita. ‘E manavahe mo e kau faka-Sotoma pea tenau “va’inga kovi”, ka ‘e tokoni foki eni ke ‘alu ki ‘olunga e ola ‘o e savea ki he fili ma ‘a e Conservative Party. Kuo ‘osi ma’u taimi ‘a e kau faiongoongo mo e kau teke e liliu, ko e taimi eni ‘o e kakai Nu’u Sila ‘i loto malie ke nau to e fakapalanisi e tipeiti ‘a e kakai pea fakafokifoki mai e politiki ki lotomalie [‘ikai ke to ki hema pe to ki mata’u]. Pehe he tohi ‘a Hosking, “’Oku ‘ikai ko ha fa’ahi fo’ou ‘a e Conservative Party, pea na’e hangehange pe ‘e ‘i ai ha ‘anau fa’ahinga ‘amanaki ‘anga ki he fili ‘o e ta’u kaha’u. Pea ko e ‘uhi ne ‘osi fai e vakai ki he hoko ‘a e me’a ni kimu’a, ne tau ma’u he uike ni e ongo faka’ilonga mahino kuo liliu e hu’a mo e mamaha ‘a e tahi fakapolitikale pea kuo sikalu mo e ve’eteka ‘o e liliu ke ngaue. ‘Ululaki, ne nau tu’unga lelei he savea ki he fili – peseti 3. Hanga ‘e he me’a ni ‘o ‘ai kinautolu ke nau ofi fe’unga ki he fe’auhi pea to e talanga’i foki. Ua ki ai, kuo faka’ilonga’i mai ‘e he Palemia e fakakaukau ke fai ha alea mo nautolu, ‘a ia ‘oku ‘ikai ngata pe he ngali malava ka ‘oku hangehange ka meimei faingamalie ke hu ki Falealea ‘o a’u atu foki ke ma’u ha tu’unga ‘i he Pula’anga. Toe mahu’inga lahi e 3% ‘uhi ko e Conservatives ‘oku ‘ikai tenau ‘i Falealea. Ko ia ai ko e me’a kotoa pe kuo nau lava’i ne nau totongi pe nautolu, pea fakahoko ‘e he kakai ‘oku nau ngaue [ke ma’u ‘enau mo’ui]. ‘Oku ‘ikai ko John Banks, Winston Peters, Peter Dunne pe ko Jim Anderton ‘o fe’unuaki holo pe he ‘u sea ‘i he funga ‘o e fakapa’anga kinautolu ‘e he kau totongi tukuhau. Ko e peseti ‘e 3 eni ‘o e kainanga e fonua ‘oku nau ngaue malohi. Tanaki atu eni ki ha fili fakafofonga pea ‘oku ‘ikai ko ha launoa ‘a e pehe ‘e Colin Craig tene a’usia ‘a e matapa 5% ‘o ‘ikai ko e hu atu e kauva’e ‘i ha ma’u ha fili fakavahe… Faka-Tonga e konga e paaki a e blog fakapolitikale ko eni conzervative.wordpress/2013/11/15/hosking-gower-on-the-conservative-party-rise/
Posted on: Fri, 15 Nov 2013 20:40:24 +0000
Trending Topics
Recently Viewed Topics
© 2015