Kusen Paing In oana pal nukewa, kut in kakskakin God ke moul lasr ac oayapa ke pacl mwowo lasr El use kut kuin sifil osun ke newsletter se lun S L R, “Sou Lal Ran.” Nga lungse sifil aollah mokul kido wiasr inge in paing kowos nukewa S L R fin fwaluh nofon ac elos nukewa ma ac wi pac pacr in readi newsletter se lasr inge. S L R srakna ngusre kasru lun mwet nukewa nuke sramsram, petsa kuh oana sie ouiya ma kowos ac kuin kasre kut kac. Ngan tuhlekut ke saap kut ac koflah akilen kewa mwet ma oasr ke petsa posted inge kut in simuslah inelos ke newsletter uh. Fin oasr photos mwet lungse share nusesr in wi oan ke newsletter lasr kowos sukosok in supama via facebook kuh e-mails. Koal oana akwuk lun S L R kut akfwasrye nuke pal sie inge, Issue ak 32 ke S L R dedicated nusel Nina Kenye “Niak Mutunkahr2” Luey ac sou lal. Nga tufwa srike kuiyuk nofon ngan kasre kut nukewa elakin kutu ke sou sie inge. Next up pa eluh Nina Shra “Fto” Kenlak Kurr. Wei pallahnguh, loom sik muhsahl, yucl na pengpeng ah. Nga lungse oayapa akkalemye nusin readers nukewa lah S L R 32nd Issue akfulatye pac Solse kuh Veterans nukewa ma aollah an wolana sesr Kosrae ac oayapa mwet nukewa lasr Kosrae. We are proud to to be Veterans and most of all to represent our nation and people. Go Army! Artillery. Kulo pac nusin mwet wiasr Utwe, Mack ac Johnson Benjamin ke kasru nuke news articles. Sou Lal Nac Kenye”Niak” Luey Nina Kenye “Niak” Mutunkahrkahr pa inge. Nina se inge payuk sel Luey, mokul Mutenpal sie wial Nina (1)Shrue Katin, mutan kial Likiak Ittu, tulik natulos pa Paul Ittu, Saelus”Ton”Ittu, Shra Sofe Soloman, Edmond “Isolap” Ned ac Evelyn Siba. (2) Aliksa Kain- mokul tumal Dorothy”Kacwac,” -elos nuhtellah Semeon Aaron. (3)Songrusru- mokul tumal Mirah- elos nuhtellah Robert George ac Sapal Shrew. (4)Tulpe Insurafofo- mutan kial 1rst husband, Asruka(Ned)- elos nuhtellah Edmond “Isolap.” Insurafofo el sifil payukyak nusel Mckwelung, wangin tulik natultal. Papa tumal Luey pa Alokoa suc pangpang pac Norman ac nina kial pa Nikupunse, ma ke sou Inpeah lal Alik Furon. Nina Kenye”Niak” el ma ke sou fung sie, Pipi Familia. Papa tumal pa Likiak Langu(Usen) ac nina kial pa Tulpe Niesran. Tulik natul pa Mable Kun”Angkoa”Aaron, elos nuhtellah Kun Luey ac Luther Timothy nahtul Emma ac Timothy. Tulik wial Kenye”Niak”pa (1)Tolena”Barney”(2) Josey (3)Tulensa”Mongsa”(4)Emma Timothy(5) Shrue”Apito”Paul Ittu(6)Shrue”Nuarma”Job Kurr (7)Shra”Lifae” Kun”Muhsrasr” Taulung(8) Shra”Fto”Kenlak ac (9)Si-Cath Tolena”Kwet” Kilfwasru. Tulik natul Mable ac Kun Aaron-(1) Sanae, payuk sel Redd, mokul Nauru sie. (2)Mitchell, payuk sel Mary, mutan Saipan sie. Nina Kenye”Niak” el mutan yok sripa se nusin mwet Kosrae. El pa muta akisusye mutan pututuc fin an Kosrae. Kut long lah oasr pal el fwasr nu Tansak, Lelu ac Utwe in kasrelah mutan puspus ac srumunyuk lah mas Atchuo ac Mitchell Aaron pa escort el nuke duties lal inge. In pal soh, Mitch el fwaklah finne af ku finne fong elos fwasr na som nuke an eneneyuk eltal nu we. Nga esamul nina Niak ke lungse lal nusin sou lal yokna tulik natul. Oasr pal ela kontoneak mos oru in fusrasrsrasrlac na el sang kitekut, mmmm yuc na upac. Rankido, Mack pa muta aluck lungse kalwen ke mongo uh. Saap kasru yok lal nusin mwet Kosrae inge pa oru el arla sukosok nusin mwet nukewa Kosrae, wangina sensen lal nusin mwet, el forkin pac muh sou Pipi ma tuku ke sou lun togosra. Happy Veterans Day!! Thanks For Your Services Kulo nusin God ke kulang lal nusesr ac karinginyuk yok lal kut kuin akilen mwo ouiyac lasr. Lela nusesr in akilen kowos nukewa suc musacllac moul la in kasru akmisye ac karingin fwalu se inge. Kulo pac nusin mwet lasr Kosrae ke ouiyac mwowo lowos panang solse lowos pulakin mwo ouiya nuke safla lalos. Kut leksreni akilenul ac esamuhlak Sgt Sapuro B. Nena ac sou lal ke pal sie inge. Fin an Ft. Lewis, Wa oasr statue sie tulokyak, simlac inen tulik nukewa ma station we ma sun ongaiya kuh wanginlac ke sripen sacrifices lalos in preserve lives and freedom. Arulana kato ac mahngol shrine se inge, Malem Gospel Choir kuin srumun pac nusuwos. Klo, Editor Alu Seattle Mwet Kol: Rev Richard Tolenoa, Nipastuh Louisa & Nipastuh Aklina Erafe Deacons: Frank Benjamin, Jacob Luey. Deaconesses: Mary Frank, Angela Alik ac Erle Sloving. Des Moines- Ke Sacnri, October 12, alu meet tuh kolyuk sel LM Hubert Tulensru ac alu in Etawi kolyuk sel Magrita Harlan. Youth Seattle tuyak on misenge ke alu in Etawi. Pa inge pal sie emeet elos in orala on lalos ke alu lasr fin an Seattle. Kut tarila ke longyen on wolana lalos, akkeye kowos Youth. Sacnri, October 19th, LM Thomas Albert pa alu meet, alu in Etawi kolyuk sel Julyn Esau Joe. Kutu mwet kunokon pa LM Hubert Tulensru, Jar Jacob, Merrisey Samuel, Anguri Myrel, Lorraine Pressley ac Frieda Swait. Ke October 26, Pastor Richard Tolenoa el orala “Lord Supper” lun Church Seattle. Tuh oasr mwet tolu akmuhsralah nuke Church ac tulik srisrik 12 kisakinyuklac misenge. Mwet tolu weang Church pa Sylvan Seymour, Jayleen Jacob Luey ac LaTasha Soloman Steven. Ke alu in Etawi, Liciana Masayoki Kilafwakun pa kol alu ac kutu mwet kunokon pa LM Joeson Mongkeya, Lolita Grant, Meryda Kun ac Sepe Curley. Liciana el ngusrala mura Malem ac Tafunsak in on ke alu lal ah. Oasr pac pusra tuku sin mwet wiasr sahyac ngusrala on soko Etawi Seattle in yuck ke pal lun Etawi, on 225 ngusrlah sel Morced Lee. Oayapa LM Kun Olter el tuyak eis pal lal in aolul Spellner George ac sou nukewa lal late Roland George in tafelah srui ac kaksak lalos nusin mwet Kosrae Seattle ke kasru nukewa elos orala nusin sou se inge ke kutu pal ftoto somlah. LM Olter el oayapa tuhkakuhnlah mwe kasru in ikwe sou sie inge akolah nusin mwet nukewa in fwakak srui lalos. Tukin alu in Etawi, Church Seattle tafela orekma lalos ke “Kuhfwa Lun Leum.” Elos kitakatelik nuke Uu luo. Sie Uu ac som nu yorol Deacon Samuel Tulensa ac Uu se sahyac ah som nu yorol Clara Alanzo Alokoa. Mwet inge mas koflah som nuke alu ac. Sunday, Nov. 2nd Sacnri in Pang- alu meet kolyuk sel LM Raglin Waguk ac alu in Etawi kolyuk sel Tulpe Johnston Edwin. Kut akilen mwet wiasr Vancouver tuku wikut alu misenge ac kut lungse pac welcome back Seattle Etawi Sponsor, LM Peterson Tolenoa ac mutan kial, Elrina suc foloko Kosrae me. Kulo ke kut kuin akilen muh elos fukoko foloko sunkut. Kutu mwet kunokon pa Shra Skipper Jonithan, Marcia Raglin Waguk, Elizabeth Dullus Jonithan, Kathlina Alfred Olter ac Lucila Soloman Talley. Sie ma usrnguk sikyak misenge pa mokul fusr Utwe sie ngusre on Malem soko ke pal in pang lun Etawi ah, kulo ke ouiya sasuc. Kulo nusel Harlan Tilfas ke nunak mwowo lal, kut sifilpa akilen fototoeni lun mutanfacl luo inge. On soko el ngusre ah pa “Nga Sie Mwet Koluk.”El akkalemye nusik muh ma lal mas Ruth Boyd pa on soko ah. Sunday, November 9 Pastor Richard pa kol alu meet, Nena Isisaki el kol alu in Etawi. Nena el ngusralah sin Committee Alu lan kuin akfwasrye alu misenge ke sripen pa inge first anniversary ke misa lun nina kial, Emily Kasuo, arla emotional. Koanon week sac ke kunokon tuhtahflah sel Ruth Livingston George, LM Robinson Benjamin, Mary Paliksru Palik, Elrina Peterson ac Kenye Soloman Kinere. Mwet sasuc wi alu misenge pa Deacon Albert Tilfas, Luvinia Nat Welley wi tulik natul, Kenye Obet, Kenye ac Lidio Kurr, Mercia ac Whinny Jonas, Maura Thoma, Joy Aliksa ac Nipastu Aglina. Choir,mwet Utwe, sou lal Lyndon Likiak ac Youth pa kasru on ke len misenge. Verson Lydio Kurr el ngusrala on soko ke pal lun Etawi, el kaul oasr ke hospital sie yenu, Seattle. Semeon Klava el tuyak ke pal lun Etawi aollah sou lal in sifil fwak kulo nusin mwet Kosrae Seattle ke kasru yok lalos kel mas Jun Klava, first anniversary. Sem Klav el tuhkahkinlah pac me kasru in ikwe elos akola nusin mwet nukewa. Deacon Albert Tilfas el aollah mwet mutata nu Seattle. El fwaklah el sulongin ac luman suhlongkas pa panang el fwaklah answers lal nge tafongla kutu pal uh. Deacon el srumun lah el oai na mwet sie siyuk sel ange “Kom muta yac tuku?” Ke sripen el luman suhlongkas lah el topoklah mwet sac ange”Aok nga mongo tari.” Kulo nusin cousin Finkol sie luk inge ke nga isrsrlah misenge. Fin mwo ma nukewa, Deacon Albert Tilfas pa kol alu meet lasr ke Sacnri uh. Fwasru nuke alu uh. Mutan Kosrae Seattle Alu Yorol Mesalyn McKwelung Renton- Mutan Kosrae fin an Seattle tuh akfwasrye alu in Friday lalos yurin sie mwet mas muta fin an Seattle. Mesalyn el ekin sie mwet mas suc muta ke Rehab Facility sie fin an Renton, Wa, saap miles 10 ma nu Seattle. Kulo nusin mutan Kosrae Seattle yokna WCA ke ouiyac na mwowo kowos akfwasrye in kasru mwet lasr. Kulo pac nusin sou lal Mesalyn ke kowos akmesasye inkanek nukewa nuke mutata lun WCA nu yorol Mesalyn. Akilen kutu mwet lal Mesalyn ma kasrel ke mukuikui sac: Oniel Abraham, Marlyn Glen Theodore, Sandra Joeson, Sena Nena Isisaki weang mutan ac mokul tumaclos. Mwet kol ke Seattle WCA. President Imelda Hubert, VP Jarinda Robinson, Mwet Sim Frieda Swait, Treasurer Ruthey”Gideon”Nena. Kutu mwet Kosrae orekma Renton pa Aimina Joab, Rison Tolenoa, Valerie Kephas, Carly Melvin, Jojo ac Brandon Olter. Youth Group Kosrae Sie Oasr Fin An Seattle Kent- Youth se inge tu sramteyukyak ke mutacwacyen malem October uh leksrenina pisrpisr kap sie la inge, oana kido kel Ran ngan. Saap ma ke inkaiyen tulik ke Youth se inge ac ma natuhl papa Rankido. Ke meeting sie omeet lalos, elos tuh sulaclah mwet kol lalos, President T.J. Luey, V.President Nobu John, Secretary Kimo Luey ac Treasurer Robinhood Lyndon Likiak. Oasr pusra kut long srumun lah advisors luo lun Youth sie inge pa Senyor Luey ac Lucy Tulensa. Srisrsrisr lalos nuke advisors inge panang nga nunku kutu kas ac siyuk lalmetmet lun mwet lasr. Sie kas inge ange”Kuh mea sakurik sikyak Kwacslein ngo?” kas lal CAA, nina kial AAA, Ari A. Alokoa. Kas ac siyuk sie sahyac an pa ange”Kuh mea, wangin ma kaffa?” kas lal AAJ, Autrey A. Joe. Kampare advisors, nimet kowos tahfun ngetnget, fwasr nu na meet. Kulo ma lulap nusin Youth ke orala lalos nuke alu lasr Seattle, oasr Sacnri tolu elos tuyak orala on kato lalos tari. Elos invite mwet fusr nukewa ma mesas in tuku weang Youth Seattle. Pita Jonas El Muhlkunlah Dool Sie Vookreen, FSM- (True Story) Sie tacfuhn len tok in Saturday, parents-in-law lal Peter Jonas (Nac Nobuko ac Pah Likiak) ngusracllah Pita ac mutan kial, Kenye, in liyeang loom store laltal ah elos in som ti kahko nukac. Ouinge Pita ac Kenye kafofo ke store ah uh tulik mutan sie yorak moul. Tulik mutan sie inge ma ke sou Pipi payuk nuke Section ak 3 Vookreen. Nora el us dalla $20 utyak te ange nusel storekeeper “Pita, use soko ik an nga elah in som ne likinyacn ah kanglah.” Na Pita el srakacng ik soko nuke me paun sie(scale) olack calculator sie toan futi kac ah ne ange” Wei! bacbuhl pakomotom, kom tekkuh in moli.” Na Nora el ange “Kuh efu?” Pita el ange “Wei bacbuhl yokla na upa molo,”kuhlacng calculator sac ange”Koal liye, kuh eku yoklac molo?” Nora el ngetang nuke calculator sac tuh na $360 simlac na el ange “Ku mac se ma sacn, ku mayac kain ik kuh yoklac molo?” Buhrek ilil wun. Nim kofi. Kut fin nunku mwet luo inge, elos tukeni fwasr nuke Section ak 3 Vookreen, motkeyuk muh saap kof sie Vookreen ngi losrnguhk panang ak mahtoltol yelah kutu me nunak lun mwet luo inge ke len sac. Koal Pita el fwak nusel Nora lah dalla longoul ac sufal nuke molin ik soko ah. Nora el ange”Koal kolya ngan liye lah oasr pac mani sel Taylor.” El som sulpa ituck mani sel Taylor tuh ongaiya, mokul el follah sel kas kurinis ne muh elan tiok, Pita lan sulpac checki. Ouinge Nora el folok sulpa sap Pita lan checki. Pita el sulpa duhlacng ik soko ah nuke me paun sac toan na calculator sac ne wangin eklac, calculator sac srakna fwak muh $360. In pal se inge mutan kial Pita, Kenye Nob, muta lun loom ah ange nusin mokul tuhmal ah, “Pita, esam dool sac.” In pal se inge Pita Nacnponahn el koskos fwak nusel Nora ac mutan kial, “Taran komtal in fwak nusin mwet. “ Pita el mulkunlah dool(decimal) sac pa oru tuh $360 ah, funnu el orekmakin dool sac luhkun molin ik soko ah pa $3.60, kusel srisrkacna Kenye el wangin, lukun Pita and his father-in-law, Likiak Talley sroeni. Mwo ouiya orekma Mathematics M.E.S ah, Kenye el M.E.S graduate sie, el oana cousin Deacon Wicklon fuhkuh ke Math. Funnuh oasr GED Program nga lulalfongi muh Peter Jonas el lukun mesas. Section 3 Vookreen arla tarilac sin siacnyacn sie inge, Peter Jonas ac former Kenye Phillip. Kulo Nusin MGC Ke Mwet Wiowos Update Ke MGC Members Ma sie meet, kulo nusin God, na fwa kulo nusin Malem Gospel Choir kuh Church Malem. Ke mea? Koal, in aksaye, ke mwet kowos mulkunlah fuliyac lasr inge, elos opposite nuke kas sie lal Willie Willer ma fwak muh “Sukasreang.” Yok kasru lalos nuke mukuikui nukewa lasr yenu, akkeye KSO, Mura, Youth, WCA, Choir, Etawi ac Church. LM Kun Olter ac Maryda, elos leksreni kasrelah ke ip lun alu, on ac LM Kun el wi karingin election lun mwet Kosrae Seattle. LM Olter el orek on lun Choir Seattle ac mura Malem. Maryda el yok sripac nuke on lun alu, WCA ac Mura lal. El wi mwet kol lun S L R Seattle. LM Jeff Timothy ac Remima kasrellah Church, Etawi, Choir ac Malem ke ma kunalos. Kulo pac nusel Jasmyne ke kasru lal nuke Etawi, Youth ac Malem. Claresa R. Jonas ac nina kial, Lucila S. Talley. Elos muta loes nuke an mukuikui inge uh elos oaru in oru ma kunalos. Claresa el wela Committee On ac Lucila el weang Choir, WCA, ac yok kasru lal nuke Church, Etawi, KSO ac Mura Malem. Sepe Curley el sumekinlah ke sriasra on in pal inge, arla aluck in sriakak on uh. Sepe el oaru nuke mukuikui lun Alu, Etawi,WCA, Malem, KSO, Srah Folot ac el moniuk ke orekma lal ke Mail Movers. Koal sista, Lolita Grant. Saok in oasr kuh luk nusel el luhkun mwet lac Seattle. Lolita el wi sa sun an Seattle uh ke sripen lungse lal nu Seattle panang el muta nuke pal se inge. Yok kasru lal nuke Alu, Etawi, WCA, Choir, KSO, Mura Malem ac el oayapa VIP sie ke S L R Seattle. Lolita ac Maryda pa muta proof read S L R Newsletter tufwa nga publish paper sie lasr inge. Kut lungse pac akilenuhl Se-Shrue Grant. Nga lungse fwak kulo nuselos nukewa ac finsrak mu elos in tari mwet lac Seattle. Kasru lalos nuke kunokon ke alu in Etawi fin an Seattle arulana yok sripac. First Anniversary Lal Jun Klav Kent- Ke Sunday, tukin alu in Etawi, tulik wial late Jun Klava ac sou lal tu toeni inkucl sel Jar Sekob ah in akfulatye first anniversary ke len in misa lal. Deacon Jacob Luey el oru program fototo sie suc el ngusral Deacon Frank lan aluela tukeni sac. Elos onkackin on Malem soko lal Lelinsey Moden,”Ke Lungse Lun Kraist” ma mas Jun uh lungse muta ngusre in yukyuk. Semeon Klava, papa tumal Janessa, ikaslah program sac ke kas in paing ac oayapa pusren kulo lal nusin mwet nukewa ma kasr u mukuikui yok sac, oayapa Jar Sekob, LIG CEO, el wi tafela pusren kulo lun sou lal Jun ac el finsrak muh elos in kuin orala pusralos nusin mwet Kosrae Seattle. Kut long pac pusren twin brother lal Jun, Mack, suc sasuc nu fin an Seattle ac oayapa LM Hubert Tulensru , elos wi pac akkelemye srui ac kaksak lalos yok nusin God ke ma nukewa. LM Robin Benjamin el aollah mwet wi tukeni sac ac orala kulo lalos nusin sou sac ke orala lalos. Ouiya Mwo Lun Mwet Kosrae Sang Kasru State Alaska Alaska- Pa inge state sie ma yok omeet ke United States of America ac oayapa finol soko ma fulat uh oasr pac we, Mt. McKinley. Kut long pac muh oasr mwet Kosrae fin an se inge. Yuwukin oasr suhnun tulik natul Dr. Rankido Alaska. Finne suhpuhs mwet Kosrae fin an Alaska tuh elos yok sripac nuke an se inge. Ke kolyuk mwo lun mwet mahtu lalos we panang elos akfwasrye ouiya na mwowo in sang kasru kuh katweak an sie inge. Elos leksrenina srike in kasru state sie inge likina state Alaska in kasrelos. Elos eis kasru sin an Alaska tari ke orekma(jobs) iwac(loom) ma elos orekmakin. Kutu ouiya mwowo elos oru pa elos karingin nasnas lun an we, oasr weekend elos volunteer wi mwet we fwasr imon inkanek kuh parks fin an we. Elos oayapa involve nuke charity programs, elos orala pac donations yok nuke Food Bank lun an Alaska. Kutu mwet kol lalos pa LM Wilson W. Benjamin ac Winston C. Lonno. Kut akilenuhl Palok0oa Rol Timothy, Paul L. Timothy, Chaffin ac Timothy Lyle, Rudy Cornelius, Lister Lonno weang sou nukewa lalos. Ouiya lalos inge orala ngetnget na mwo nusin mwet fin an se inge. Alaskans kuin akilen an Kosrae ke sripen orala lalos. Finsrak kut mwet Kosrae sahyac suc muta fin an uh in kuin mutawaak srike in mokle kutu inkanek ma ac sang pac akwoye inesr nusin mwet Merike kuh government lalos uh. Veterans Day, November 11, 2014 Seatac- Veterans ke an se inge akfulatye len sie inge ke Washington Memorial Park. Tukin alu in lotutang, Veterans ac sou lalos som nuke chapel lun Bonnie Watson in mongo breakfast suc akoeyuklac sin volunteers. Saflah breakfast na elos show film sie ke Honor Guard Division suc orekma la pa conduct funeral details lun service members ma ac puckpuck ke Arlington Cemetary. Ke tari film sac elos pahsi U.S flags nusin Veterans inge in akilenyac inkulyuk lun mwet lalos ke Washington Memorial Park. Ouinge nga kaskiyac flags ke kuclyuk lal nina Lina H. Tolenoa, awowo Sandra Joeson, awowo Shrue W. Tulenkun ac awowo Junior Lonno Palik. Nga oayapa som akilenyac inkuclyuk lal Nena Charley ac Alanzo Alokoa ke U.S flags. Taltal nusin sou ke siayuk luk, finsrak in mwo sumtal. Veteran’s Stories Panama City- Ke December, 1989 nga tuh wi Uu sie sollac in som sruokyac mokul pana koluk sie fin an Panama. Uu se inge tuh sollac sel President Bush in som orala mission se inge. Elu William Nena el wiyu som akmisye tikulkul fin an se inge. Kut mukuilac liki base lasr ke fong, escorted by CHIPS, Calif Highway Patrols nuke Travis Air Force Base, soklah nuh Kelly AB, San Antonio nu suwoswos nu Panama City International Airport. Ke kut sun an we kut koflah oai ke sripen upac meun ke airport sac panang kut tupan in misla kutu. Uu sie lasr inge tuhwi kasrusr sipido nuke an oreklac nusesr tuh upala meun uh. Kut tui orak(low crawl) sulaklak. Nga orak ne uulac, oan te motullac, memei an Kosrae, sou luk. Nga asmaklac tuh srakna upa likasik ac uh nga kofla likasik meyen wangin sot natusr kut us. Nga kuhlahk ne uulac, saap fwaklah kas Kurinis sie. In pal se inge William el longak pusrek ange “Kuh Sarge oasr sot sum?”Nga topkol muh wangin, na el kuhlahk penyulac nuke ammo point. Fosrngah, sangeng lasr weang lah losr mahtoltol, tatngalah lights ac kewa oru kut tekku in liye an ku mwet wiasr ah. Ke sripen ouiyac lun mwet lasr Kosrae panang sarlah sangeng lasr. Kut etulah elos pray kasr pasis mwo ouiyasr painmoullac ke meun “Just Cause” Panama sac. Sislah koluk nga tekkuh in srumunlah kewa ke sripen sriklac pal ac kutu info inge saap srakna classified. Kom fin pacr in long kewa ma sikyak inge, pangonyu nga, William ac yuwot sruhkomyak uskomlac kite kowi ke IPOD, Ah! I mean IHOP sruhmuhnot kewa. Update Ke Teapot Vookreen, FSM Lakewood- An se inge pa in muh inkucl Fukrin fin an Washington State meyen tingtingi an Lakewood ke citizens Fukrin. Pakomuta ngan akkalemye lah teapot sac sonna replace nuh misenge. Nga lulalfongi muh Fukriners arlana tupirpiryak ke sanneyac. In oana ma Claresa Jonas el fwak uh, mwet kol lalos yenu inge, Situcl Alik Talley ac Pressley Andrew srakna sanno kasru sin mwet wialos fin an uh. Luman nga longak innel Sepe Borle, Shrue Willer, Carla, Mantalley. Norson, Xerxes, Bolly ma. Fin oasr mwet mesas kuin kasru, som sonol Situcl ac Pressley. Teapot sie srumunyuk inge ma tuh pahtlah ke storm sie ke September ke year misenge uh. Ke news lal potential First Lady lun Malem, Lolita el srumunlah mukul Fukrin sie ke Section 3 taun teapot se lan nim coffee, fwalah nuke Section 2 folok tuh wanginlac teapot sac. El nget suk lah piyac, ngetlah tuh oan pahtpaht. Ouinge el pangon Sections nukewa in kasrel aollah teapot sac. News Flash!!!!! News Flash!!!!! News Flash!!!!! Arwal Kosrae: Lelu: Mattuh- President: Annang Welley VP: Kun J. Sigrah Tansak: Mattuh- President: Kun Mongkeya VP: Tulensa K. Sigrah Sec: Kun I Jonithan Malem: Mattuh- President: Charlton M. Timothy VP: Skiller Jackson Sec: Telsin Kephas Fusr- President: Ginny T. Langu VP: Basil Charlton Sec: Moses”Vero” Charlton Timothy Walung: Mattuh- President: Kamsky Salik VP: Harry Jackson *** Tuhleyu, sonna oasr report Utwe. Pa ingan ma nga kuin tahfu ke pal se inge.*** Mutenpal- Downtown Malem Big City, Kuh “Melting Pot” Sie? An Mutenpal, Malem. Sie pal ah an na oror, kucmkucm ac okahrkahr sie ke infulwen 60’s ma nuke early 1980’s. Activities yok nukewa Malem orek ke an se inge. Tourists sokma an se inge ke sripen askuh ac pengpengiyac, infacl soko we ah pa yok emeet uh loslos, surf site sie oasr we, cell towers oasr pac we. Kom fin ke hike, Emilson Phillip el kuin kasrekom guide ikom nuke rainforests kuh inging fulat we. Finsos soko ma yok emeet oasr we, Capitol Building, Lutlut ac oayapa Loom Alu oan across the River. Srital Epo, Oli, Mwet Kaheng ac Rin motkeyuk muh mutawaak fin an we. Lukinyen an we nacnaclah ke Semus kendohp, Lasrfol sralacp, Kwi mahtoltol, Ik srosro ac Luhluhk camouflage. Kom fin mutata we, kom ac liye kain in ngetnget, kang kain in mongo ac oayapa long kain in kas(Language). Kom kuin kanglah Pilolo mahlok(Noah), Rais srumet, Meng boil(Timothy), Beetle Nut boil(O’daol),Hot Dog Saurkraut(Anton), Sashumi sruh-sruhl(Pita Inut) Dookwackwact Saibok(Yula), Ik Srosro ice chest(MCdays) ac Soup tin fohna(Hot3). Kom kuh pac in liye mwet kuh long kas Gilbert(Serah F), Marshall(Prim), Mokil(Suwi), Pohnpei(Mer Yaz), Pingelap(Nac Nasi), Nauru (Pah Kiucn), Palau(Lucinda), Germany(Yvansilyn), Tuvalu(Nac Fam), America(S. Hadick),Chamorro (M. Mitch) Chuuck(Tan Alvin), Tansak(Nahnmarki) ac Pukensuhkahr(Franky Akio). Lututang ke len in lutlut uh arlana upac wowon, muhlat panang okahrkahr na upa, kain in kas sayen kas Kosrae orekmakinyuk oru fos, mena 911 pa an se inge. News Flash!!!!! News Flash!!!!! News Flash!!!!! Arwal News. Kosrae- Oasr rumors srumunyuk muh Capital lun an Kosrae pa host city ke Arwal 2014. Malem macm ruh an. Seattle- WCA Arwal Results: President: Imelda Hubert VP: Charlene Jacob Sec: Frieda Swait ***Congratulations nusuwos kewa mwet sollah ingan.*** Sukok Mwet Kosrae: Kuh Layac Wun Ma? Ma sie meet ngan tuhleyula nusin sou luk, ngac fwakak sie tulik wiuk, Rankido nge. Mwet fusr se inge, graduated MES, Yekula na tahfu lutlut lal ke UOG. Kutu classmates lal pa Lolita Grant, Lucila Soloman, Fanciana Timothy, Deacon Morgan Jonas, Robert Jonas, late Shrue Herton, Deaconess Remah Fred, late Johnson Ittu. Misenge el muta oasr inwasngan an Chicago, Illinois, payuk sin mutan Macrike sie ac oasr tulik mutan sie natul, Laura Elizabeth. Kutu tulik wial pa Timothy Timothy, Lyle, Rankido and yes Mercan. Sgt. Kupel Survive Intro Oct. 8, 2014 Nickname se lal pa Sgt. Kupel. Sgt. Kupel el matwuk, saap matu ya luo ku tolu. Sgt. Kupel el ma Ponce, Puerto Rico. Sgt. Kupel el wi US Marines, a som nuke Gulf War. The Gulf War (2 August 1990 – 28 February 1991), codenamed Operation Desert Shield (2 August 1990 – 17 January 1991), for operations leading to the buildup of troops and defense of Saudi Arabia and Operation Desert Storm (17 January 1991 – 28 February 1991) was a war waged by coalition forces from 34 nations led by the United States against Iraq in response to Iraqs invasion and annexation of Kuwait. Air Force C-5 Galaxy onkosr wun Marine CH-53 helicopter singuul luo ke HMH 466 squadron sokla El Toro, CA nu Dover, DE. Refuel ao se ku luo na sokla nu Frankfurt, Germany. Refuel ao se ku luo na sokla nu Madrid, Spain. Refuel ao se ku luo na sokak; sok safla suc arla loes enenu aerial refueling in sun an Al Jubail, Saudi Arabia. Tukun kut akneni helicopter kut us a, kut sokla ka nuke desert camp lasr a. Nga sonol Sgt. Kupel ke desert camp. Pal kut mesasla ke orekma lasr u, kut lungse tokeni muta srumun an sesr a stories par sesr. Nunak neke oiyan moul kut apkuran in aona sie sayan meoa kut tuku we, a kas kut matula ka. Pa inge soko story lal a:Ke nga wi kulas akosr ku limekosr a, paiyuk pa mongo usr mesr furae ke lututang som wi lutlut. Nga kang yokla sie len a sona pal in recess u ke fok se tume. Nga siyuk sel teacher ngan som fokla tu el srunga mu ngan tupan pal in mongla u. Nga kutong ne patla nga fokla ke turasis luk a. Pal in recess tu nga srunga aluk in tufoki, meyen nga fo fok. Nga sano classmates luk a nufon in tufoki fwa nga kumna ke ipin pepu se, na masrikla nu lukunum a.Nga tufoki tu arla sensen sin tulik akpukpuk in ngokak fo fok se keik a. Nga lapo luo srukya pepu sa kosrala an tok sik, na kumna yuwot yume. Wikwik ke kais se sak kap lukunum a, oana ngan presiner kaingla ke presin se. Nga tia ku in ut ke inek, ngac lo. Ngac ut ke infal a, pa sef u. Pus ma akpukpuk yuwot yume, tu eltal tena lome. Atron mutuk yuwot yume in akpayei la tia sie luhme. Nga nunku, “Fin etal etu ma sikyuk u, eltal e kunaus yula ke akmekin ya na fon se”. Nga sifana otella mu fin nga lo, ngac tila wi lutlut.Nga tena lo nekena nga sun infal a, na nga ahtuyang olla fok keik a. Nga ten u patak ip lulap ka a, na nga kumna fukfukulya in ip srisriki na pokla in wela asr a. Nga kasrisrik na kofkof, masrik in tia liye yukyak nga. Nga tia ke in tukakyak nga la nga oasr infal a. Fin tukakyak nga, pus kusen siyuk a tolyuk nusik. Karwa e kusin siyuk ne lo la nga fokla ke turasis luk a. Tia tulik akpukpuk mukena nga sensen se, nga sensen pa sin tulik lungse tukak. Eltal fin fototo me, na ngac kumna inpatokla, tupan kutu ne otyak. Wangin ma luhme na ngac kofkof nu met. Eltal fin pus fototo me, na ngac kumna inpatokla, tupan neke na nga malek fwa nga otyak. Nga tufal na oru oaya neke na nga loesalik nu lom lutlut a, na fwa nga mongi. Wangin ma akpukpuk ku lungse tukak liye yuyak. Finne isrisrla a srusrala atron mutuk, mansis. Nga survive. Funu nga lo, lukun nga tila wi lutlut a tena safla. Lukun nga tena sokla wi college saya, tena wela military, a tena wi Gulf War. Nga nunku tu usr mesr furae pa ru nga moul misenge u. Saap God el srike len sa la nga fwal in wi military. Paye la fine kom tafongla kutesrik fokla ke lutlut a, kom srakna ku in survive a sroang wi Marines, ku esla degree ke doctu oana Dr. Rankito.Sgt. Kupel el survive Gulf War, discharged honorably, a muta oasr an sel. Pus stories par lal Sgt. Kupel, fwa tupan. Esam “Lesrik in srik, israsr in yok.” John B Benjamin Nga kulo nusel JBB ke story na sun soko el share nusesr uh. Payela wangin kuh ac etuh lasr ke moul ku ma ac tufwa sik nusesr. Arulana falyang story soko inge nuke akfulatyen Veterans Day ke malem misenge uh. Letters to the Editor: Weiyawe,,, ku sel upala pariyac,,, kulo na ma lulap ke kom lela nga kuh in wi readi newsletter se lomtl an,,,yok na paye srui luk kac,,, nga readi ne pa tari,,,kom kulo,, Daktu se lomtl ngan(ran)aksukato yelah inen daktu,,,lolz Elmina Harry, Wainae Ahhh, kulo kom oru nga israsr la ofong... ke turasis el muta u mano sensen sen wangin ke stosa a... kulo arla par na paye! Ahhhh, weee nice Uncle Ran! Nga sulpac esamak turasis sac oru nga israsr Dcns Wanda John, Kona Kulo pah Myrel. Nga read israsr ne mas na. Ru nga etalah pa ktu sou u. Wo na paye ma se muta sang eis pal luk nge. Sepe Bor, Virginia Kulo ke news nutik ac nga liye readi arla pacr..kulo. J KJ, Seattle Nga fefelac na paye ke molol Vinson,,finne lawyer nge srak pana yok molol...kulo ke nga israsr lah ofong uh.l0l Matchugo Jason KULO KE NEWS NA PAR INGE... LOL LOL... BIRD BRAIN NA PAYE MET SE VINNY U. EL FAK PA MU MACKSON (VOYAGER) E SOM WUCN KUTU TULIG E SOM SRITAL PNI U... KULO KE NEWS LUN SLR U.... Mary Wit Tarasis Sie Oai Uh Wangin Mahnol sulalacl ma lal LELEAN ac MER ngen...LOL Julie Kun Nimet meme koluk. Prime minister Saimon el supala tari met meun lun acn Utwe a rouneack tari acn Malem. News ingena pa acn fukrin occupied tari ke met meun lal under Commander Palik lulu. News kosrae fwakla la acn Malem siyukyuk kasre pingelap tu elos sangeng ke sripen Prime Minister Saimon el supala navy lunacn Utwe a ak kosye met Pingelap inge ac pus na mutan ak kosyeyuk; ne ke rape pac ma. Solse lun acn etwe ingena control down town lun acn Malem inga. KULO MA LULAP ....BBC NEWS mack reporting from San Diego Mack Benjamin Jokes Mena Pacr Kahkahsrik Israsr in Yok HaHaHaHaHaHa!!!!!!! “Hot Coffee With Straw” Somewhere in the sky- Mutan Malem sie, ma pana wiasr, soksok nu Hawaii sie pal fototo somlah. Tulik mutan se inge luman elyah ke kas Inglis panang el loang nuke order lun mwet welul sok inge. Ke stewardess ac eis orders lun mwet fin aksok ah, mutan se inge longlah ke mwet siskacl ah order ngusre in oasr straw. Stewardess sie siyuk sel ange “What would you like to drink?” Mutan fusr se inge topkollah ange,” Uhmm…Hot coffee with straw.” Stewardess sac suk lah mayac mutan sac ku nim coffee fol ke straw. Klo Ruthey Likiak Kun Tolena Langu “Oh Sorry No Snorkel.” Tofol- Fundraising lun Choir Malem. MGC tuh eislah bid se elos in cater mongo nuke Conference yok se orek fin an Kosrae. Ouinge MGC members toeni nuke len se inge tuh ongaiyac members mutan ma mesas tia orekma pa tuh aollah MGC ke len se inge. VIP se, mokul aset sie fwasru nuke tebuh ah siyuk lah el kuin eis kutu mongo ac tuh mutan ekasr ah sangeng nikin lah mea el fwak ah. Kutu sin mutan tuu insac pa Ruthey Likiak, Lilina Takao(LTO), mas Arlyn Patrick. Elos fosrngalah panglol Lolita Grant lan fwalac topuk VIP sac. Lolita pa luman lucng sin kuhpanmac inge. Aset sac siyuk lah el kuin eis kutu mongo ah na stewardess Lolita el ange”Not Yet!” kusen kuhkuhuu ma. VIP sac som tukahkin nusel host, Welson Kephas. Welson el sramsram nusin ma ekasr ah muh elos in fulela mwet ah in mongo. Mutan ekasr ah tuulac uh mokul aset sac sul tuku te siyuk lah oasr me nim nuke nuu(coconut) ac meaning straw. Mutan ekasr ah sulpa ngetang nusel Lolita sap lan topokol. Na stewardess el nukanlah lah ela top fkah na el ange” Oh sorry, no snorkel.” Aset sac fuhsack na paye sulpa som fwak nusel Welson. Ke ma inge, Welson Kephas el som te fwak nusin stewardess ekasr ah muh mwet ngi tia tuku in lipactok duruhng. Klo Lolita Grant Austin Jonas Rankido and his friend. Ranger P. Timothy el isuslac fin an Malem ke year 1955. Kutu pange Classmates lal uh: Filmore Timothy, Palikkun George, Dison Kilafwasru, Standon Andrew, Dyntle George, Ringsley Cornelius, George George, Tom Who Nuke Lonno, Constantine Esau, Marybea Klava, Cancilina Kalwin, Magdalyn Standon, Juanita Palikkun.
Posted on: Sun, 16 Nov 2014 09:42:57 +0000
Trending Topics
Recently Viewed Topics
© 2015