Lai Casiar Bu le Klirlungz - Prof. Riang Vel in Klirlungz a lo ron maw ron lo, tiah in suh hai seula, “Neither” tiih kan leh a t.ul ding. - Prof. Riang Vel support (t.hauhkhan) dingih nornak kan don hnuaihni tikah, a selam a t.hlam kan awn-au duh lo. El-kalh kan tum lo, support kan tum fawn lo. - Kan theihsun ve cu- Prof. Riang Vel in (Fimzir Tlangbawi ih fial vekin) Kawl Casiar Bu base ding a tiih, Saya Khar Thuan a va pan. Saya Khar Thuanin kannih kha example bezai ngan in fial. - Prof. Riang Vel, Saya Za Lian Pum le Saya Khar Thuan tipawl thawi’ tongaw in, bezai cu in fial vekin kan ngan. - It lo sing loih kan ngan hnu ah, Prof. Riang Vel in a thu voi thum rori a t.hinih kan bang lak ringring. (Phone ihsi talin a thu a t.hin thu in sim dah lo.) - Kannih cun, Tlawng Casiar Bu hmelhmang keng ngaingai dingin kan beisei ruang lawngah in fialmi kan tuah. - “Ka hmin ser ve ka duh” a ti ruangah Prof. Riang Vel ih thu kan thlunnak a si. - “Kannih cu kan kut kan khawlh” kan ti. (Catluan pakhat tete bel hngelhngi ih example pekmi Tlawng Cazir Bu cu a tuah laiih a ronmi le tuahpitu si ding kan ngam lo thu kan sim. Santhuanthu ih mawhthlukmi si kan duh lo kan tinak san cu a content ah a si.) - “Keimah a mawh ka phur mai ding” in ti tikah, kan luat tiah kan ruat. - Kannih in fial nawn loih amai’ kutkawih ih a tuah t.heh hmaisa sa computer cacuk le cabu tuah lamah kan bom vivo ding thu, Saya Khar Thuan in a simih, kan lungkimpit. - Zuk kan hawlsakmi le samh ding bezaipawl(example bezai an si lo) cu kan pe thluh. - Cangan le a bu tuahah kan bawm peh. - FBP zungah mallai kan ngan bawm ta. Cui hnu cu, hlaral ihsi kan theihdan ah, FBP zunghnat.uanpawlin an ngansak. Neta lamah caan an pe thei tawk lo maw si ding, Salai Ngun Than Uk(Robert Pa) hnenah computer ngan a va fial tiah kan thei. - Tubaite ah thuhla a um tiih phone kan don tiang ziangih lam hman kan theihpit nawn lo. - “Laitlang ih Lai Calai Committee um cia hung tong zaang aw” kan rak ti t.heu. Tui thu a um hnuah, Lai Calai Committee sungtel pakhatin “Voikhat hman committee kutah thu a thlen lo, tu hi thu a buai ruangah emergency in kan zohpi duak zik” tiah, phone sung ihsin, in rak sim. - Lairawn mi mipakhat cun, “Laitlang a ron ko. Cozah tlawngsayapawl kokhawmin an zohpit ko,” tiah a rel. - Prof. Riang Vel support dingih in nor tikah, “Tonkhawmnak ko-aw duak hai seuhla, khatlam khatlam relkhawmih thu t.ha rel a si thei kan duh bik, tongpa support mai cu kan remti lo, elkalh khal kan tum fawn lo,” tiah kan ti. - Zir lo dingih kham rori ding a si lawngah thudang; relkhawm le official meeting an neih thei kan duh bik. - Khatlam, khatlam an tidan a dik le dik lo, ti thu ah zianghman t.ong kan tum lo. - Neta ih edition a um tikah, zahkai le Curriculum hmelhmang keng ngaingai dingin, tu ihsin Laitlang-Lairawn ih Calai Pawlkompawlin Textbook and Curriculum Committee din hlohhlo, Plan tuahih t.uan vualvo t.ha kan ti. - Lai Casiar Bu zah a kai ding vial hi kan beisei mi a si.
Posted on: Sun, 01 Sep 2013 13:01:48 +0000
Trending Topics
Recently Viewed Topics
© 2015