Liebs Kulturhaus Rose und Bewohner, liebs Slivovitz Popova Soundsystem und liebi einzelni Mitfiirende, äs isch ä wunderbari Ego-Party mit eu gsi! :) Üs häts also cheiiibe taugt. Jez zu eu liebi Mit-Bastarde.. Dich meined mir, dich au und dich und Du bist OK. Äs isch do öpis falsch verstande worde. Mir fiihret also eigentlich doch gern in Gsellschaft, sprich MIT EU. ;) Wenn mir würkli nomol uf Schtäh id Rose törfed go feschte, chömed mit üs mit! Wichtig! Diä Location hät Charme ohne Ende und dGaschtgeber mached än exzellente Job. Perfekti Substanz für ä wunderbars Fescht. Än Bsuech lohnt sich also eineweg. Wiä viel Ihfluss dä Appezeller a dem Fazit hät, cha mer jetz a dere Stell nöd ganz klar definiere.. Wele Appezeller au immer. Mir bedanket üs uf alli Fäll vo ganzem Herze für euers Super-Esse, eueri wortwörtlich Gaschtfründschaft und das einmalige, liebevoll ihgrichtete Ambiente. Super wars. So, ich habe fertig. Flasche leer.
Posted on: Sun, 20 Oct 2013 20:49:49 +0000
Recently Viewed Topics
© 2015