Lo sera ex Music Box completo cu bloki pa evita chollernan eybanda Dialuna merdia por a mira trabounan cu a cuminsa na Ex Music Box den Centro di Ciudad. E lugar aki a bira un problema desde cu el a wordo bandona. Chollernan a acomoda nan mes den e edificio aki cu a bira te hasta un dump. Pata pata di sushi tin den e lugar aki. Polisnan regularmente ta haya keho di kiebro den autonan eybanda. Gobierno ta donjo di e area cu tabata Texas pero esun aki a purba cumpre pero no a keda cla cu e donjonan. E donjonan no ta na Aruba y tin un hende cu ta atende cu esaki. Den presencia di esnan di City Inspector y tambe Polis a logra pa e lugar keda liber di choller. Trabou cu un grupo priva a cuminsa pa sera esaki full cu bloki y den futuro no tin entrada rond. Prome cu esey lo zorg pa diamars saca tur e sushinan cu tin den e lugar aki. Mescos cu e lugar aki lo tuma paso cu esun den Emanstraat tambe. Pariba di Island Finance lo basha e lugar aki completamente abou. Esaki a wordo kima na diferente ocasion y ta un peliger grandi pa e centro di ciudad mes. Ta conseha pa tur esnan cu tin edificio bashi no laga esaki bai perdi dor di laga e para pa su cuenta. Chollernan si ta haci donjo di dje y djey el a bai perdi completamente. Den area di Hotel Central pariba di Music Box tin mas lugar bashi cu ya caba chollernan a drenta.
Posted on: Mon, 08 Jul 2013 22:39:08 +0000
Trending Topics
Recently Viewed Topics
© 2015