Luke 23: 35 - 43 (meia S.Lemeki felavei moe lesoni o e Sapate ko eni) ________________________________________ Ko Tupou IV ‘a e tu’i ‘o Tonga, pea oku ou tui koe fuofua Tonga na’a ne lava’i ‘ae tu’unga fakaako na’a ne ma’u.. pea na’e ‘ikai ke ngata pe ai, ka na’a ne feinga’i ke ‘inasi hono kakai he monu’ia na’a ne ma’u ‘aki hono feinga’i ‘a e ako ke hoko ia koe maka koloa ‘i he mo’ui ‘ae Tonga kotoa. Pea ‘oku tau sio pe ki hono ola lelei ‘oe ako ‘i Tonga he ngaahi ‘aho ni.. Ko hono faka’avalisi ‘oe kau ma’u mata’i tohi lahi taha mei he ngaahi ‘univesiti ‘o fakatatau ki he tokolahi ‘o ha fonua ‘oku tu’u kimu’a ai ‘a Tonga. Tau siosio holo hotau ngaahi famili nae pe ‘oku ako’i e toko taha kotoa. ‘Oku ‘ikai ha taha ia ‘i Tonga he kuonga ni ‘oku ‘ikai ke ne lava ‘o tohi hono hingoa... Koe Tu’i ‘oku tau katoanga’i he Sapate ko ‘eni ihe ngaahi falelotu foki, koe Tu’i ia he levolo kehe. Koe Tu’i ia he mamani ‘oe laumalie.. Pea na’a ne fai pe ‘ae ngaue tatau ki hono kakai hange pe ko Tupou IV ka ko hono kehekehe pe he na’e ‘a Sisuu ia ke hakeaki’i ‘ae mo’ui ‘ae tangata moe fefine ‘ikai he mamani ko ‘eni pe, ka ‘oku fano atu ki he mo’ui koee he maama kaha’u.. Koe ako lelei ia na’e ‘omi ‘ehe Tu’i ko ‘eni ko Sisuu, koe ako’i kitautolu ketau tuha mo taau moe mo’ui koe ‘oku tatali mei he hili ‘etau mate... ‘Oku ha leva ‘ae Tu’i ko ‘eni ko Sisuu ‘i he kosipeli ko ‘eni ‘oku tautau he fu’u kolosi, pea ‘oku ‘i ai moe ongo kaiha’a ‘akau ‘e ua hono tafa’aki, pea pehe ki he kau sotia na’a nau tutuki ia. Pea pehe kia Mele (Malia) mo Sione (Soane). Koe toe ‘oe kau ako ia na’a nau toitoi mahalo ha pota vao ha feitu’u .... koe fehu’i leva ko fe ‘a e kakai ‘oku fai ki ai e ngaue ‘ae Tu’i ko ‘eni? Na’e tonu kenau tu’u ‘o sio kae fai ‘ene faiako... ‘oku mahino heni, ta na’a nau kei lalalo holo pe ‘ia Sisu koe ngaahi me’a lelei na’a nau ma’u mei ai, ‘o kau ai moe ki he ngaahi talanoa lelei na’e ‘omi mei he kakai ke fakalangilangi’i ‘aki e ngaue lelei ‘a Sisu. He na’a nau ngali ma’olunga aipe. Na’e hanga leva ‘e Sisu ‘o li ki he taupotu taha ki lalo ‘ae ‘ulupupula ‘ae kau ako ‘aki ‘ene fai ‘ae finangalo ‘o ‘ene Tamai ke pekia he kolosi pea tautau moe ongo tama kaiha’a hono tafa’aki.. ‘ikai ngata ai kae ‘osi kotoa mo hono ngaahi feleni he hola.. ‘Oku ako’i kitautolu ‘ehe mo’ui ko ‘eni ‘a Sisu ke mahino kiate kitautolu ‘ae ngafa ‘oku fakakahoa ‘aki kitautolu mei hotau papitaiso.. ‘a ia ‘oku ‘ikai ke tau ‘partake’ pe he tu’unga fakapalofita ‘o Sisu pea mo hono lakanga fakafaifekau, ka ‘oku kau ai pea mo hono lakanga koe Tu’i.. Ko hotau fatongia fakatu’i leva ko ‘etau tokanga’i e kakai ‘oku ‘omi ‘ehe ‘Otua ke tau tokanga ki ai.. Hange koe fatongia na’e ‘oange kia Tupou IV koe ako’i e fonua.. Pea ‘oange kia Sesu koe fakamolemole’i ‘a e angahala.. “a e na’e kamata ‘i hono fakamolemole’i ‘a e kaiha’a ‘akau pehe ki he kau sotia na’a nau fai hono kalusefai.. Koe laumalie ‘oe ‘Ofa foaki ko ia ‘a hotau ‘Otua na’e ha’u mo hotau Tu’i ko Sisu Kalaisi ‘oku fiema’u ketau fai ‘ae ngaue faka-Tu’i tatau.. Ka koe ngaue fakatu’i ‘ae kalisitiane ‘oku tau hoko koe kau sevanti ‘ae kakai koee ‘oku nau fiema’u ‘etau tokoni. Pea ‘e a’u ai pe, kapau koe me’a ia ke to’o ai ‘etau mo’ui.. He ko Sesu Kilisito pe Sisu Kalaisi koe Tu’i ia ‘oe me’a kotoa pe ‘oku mo’ui tatau pe ‘i Taimi pea mo ‘Itaniti... Fakatauange ketau kau fakataha i hono tali a e kelesi a e Otua oku taumalingi mai ihe momeniti kotoa, pea kemou mau ha weekend nonga mo fiemalie.
Posted on: Sat, 23 Nov 2013 01:51:39 +0000
Trending Topics
Recently Viewed Topics
© 2015