MALAYSIAN AIRLINES-A VAWI 2 THINA PUMPEL CHU Mi vangnei ding bik hi an um ani chun hi Dutch cyclist, Maarten de Jonge (29) hi chuong laiah chun a thang ve hiel awm e. Malaysian Airlines siet tuokna tumhni-ah hai khan vangneithlak takin chuong ve ngei dinga ticket a book tah chu last minit-ah thlak danglam nawkin vangduoina a pumpel tlat el. De Jonge hin Ningani-a MH17, Amsterdam a inthawka Kuala Lumpur pana vuong dingah khan ticket a book fel diem tah a, sienkhawm; a tlawm lem leiin swap flight Frankfurt, Germany paltlang ding, vawisun-a suok dingah hin a lak ta lem a, vangduoina a pumpel ta a ni. March thlaa MH370-ah khawm khan chuong ngei ding a ni a, sienkhawm; last minit-ah ieng lei lei amani tiin a flight ding chu a thul nawk hlau ta bawk a; Malaysian Airlines tumhni vangduoina tuok laiah chun mak tak elin a thang naw ve ve ta hlau a ni. De Jonge hin a website-ah hieng vuongnaa thihai a tuorpui takzet thu a hril a ni. De Jonge hi Terengnganu Cycling team, Malaysian-based a mi a ni a, cycling-ah hin khawvel-ah 35-na a ni mek a ni.
Posted on: Sun, 20 Jul 2014 07:59:35 +0000
Trending Topics
Recently Viewed Topics
© 2015