MANGA DUWA’A استغفر الله الذي لا إله إلا هو الحي القيوم و أتوب إليه 1. Astaghfiru allaha alladhi la ilaha illah huwa al-hayyu al-qayyumu wa atuwbu ilayhi . Hatniya : Miki ampun aku pa allah amuin wayruun mapatut pag-tag-ipunan malaingkan siya tuhan buhih kakkal salama-lama sartah mag-tawbat aku sin mga dusa nahinang ku kaniya . Kalabbiyahan sin duwa’a yan : Ampunun sin allah in dusa mu minsan amuin miyaguy kaw daing ha pag-bunuan ( ha sahbu nag-aatubang iban satruh ) . سبحان الله العظيم و بحمده ولا حول ولا قوة إلا بالله 2. Subhana allah al-adhim wa bihamdihi wa la hawla wa la quwwata illah billa . Hatniya : Mahasutsi mahatinggi allah tuhan sangat dakulah , sartah in pupudjihan iban pag-sarangsukul mattan tuput kaniya , iban wayruun kusug iban gaus malaingkan tuput kaniya ( allah ) . اللهم اجرني من النار 3. Allahumma ajirniy min an-nar ( 7x ) Hatiniya : Ya allah tuhan ku mag-patilibun iban lappasi aku daing ha narkah . In duwaa yan ammalan siya ha puas sambahayang subu iban mag-rib in karayawan iban tutungbasan madawhat mu apabila masug-sug mu siya ampunun kaymu sin tuhan in mga dusa mu asibi minsan pa biyah sin taud bukal alun . لا إله إلا الله وحده لا شريك له له الملك و له الحمد يحي ويميت وهو على كل شيئ قدير 4. La ilaha illa allah wa’ dahu la sharika lahu , lahu al-mulku wa lahu al-hamdu yu’yi wa yumith wa huwa ala kulli shay’in qadir ( 10x ) . hatniya : wayruun mapatut pag-tag-ipunan malaingkan tuput tunggal siya ( allah ) wayruun sakutu niya , siya in tuhan tag-milik sin katan piyanpanjari , iban tuput kaniya in katan pupudjihan , siya in mag-buhi iban mag-patay ha mga piyapanjari niya , siya in tuput makagaus ha katan unu-unu . sug-sugun in duwaa yan ubus sambahayang subu , kiyabaytah daing ha nabiy salawat iban salam kaniya sin allah in kalabbiyahan niya , bang mu siya nasug-sug iban kiya ammalan puas samabahayang subu makahangpuh pag-balik-balikan , sulatun iban bistahun kaymu hangpuh karayawan , iban papasun niya in hangpuh daing ha kangian mu sartah angkatun kaymu in hangpuh darajat mu . بسم الله الذي لا يضر مع اسمه شيئ في الأرض ولا في السماء وهو السميع العليم 5. Bismillah alladhi la yadurr maa ismihi shay’un fil ard wa la fis sama’ wa huwa as-samih al-alim . Hatniya : Tag-naan ku mang-duwaa daing ha ngan sin allah amuin wayruun makamudarat bang kaw nag-patilubun kaniya , wayruun makamudarat ha pitung lapis langit iban pitung lapis lupah in siya sangat in pangdungug iban sangat in panghati . أعوذ بكلمات الله التامات من شر ما خلق 6. Audhu bikalimati allahi at-tammat min sharri ma khalaq . Hatniya : Mag-patilubun aku duun ha kallam sin allah, kallam jukup iban sampurnah , daing ha katan kangian sin mga piyapanjari . In duwaa yan kiyabaytah sug-sugun mu siya bang kaw gumuwah daing halaum bay mu atawa kan sug-sugun mu atawa kan tampat ( lugal ) karatungan mu , in karayan niya madawhat bang magduhul in tuhan wayruun makamudarat kaymu , iban malappas kaw daing ha katan kamumulahan iban kapiligduhan . رضيت بالله ربا و بالإسلام دينا و بمحمد رسولا نبيا 7. Radiytu billahi rabba wa bil islami dina , wa bimuhammadin rasulan nabiya . Hatiniya : Ridah na aku allah in tuhan ku , iban agama islam in pag-agamahan ku , sartah hi Muhammad in rasul iban nabiy ku . In duwaa yan sug-sugun siya ha tiyap-tiyap mahapun iban mahinaat , kiyabaytah daing ha nabiy malagguh in karayawan niya . حسبي الله لا إله إلا هو عليه توكلت وهو رب العرش العظيم 8. Hasbiyu allah la ilaha illah huwa alayhi twakkaltu wa huwa rabbul al-arsh al-adhim . Hatiniya : Mamarahi na in allah tag-amulahi iban tag-atasan kakuh wayruun tuhan malaingkan tuput siya tuput kaniya aku mag-tawakkal sartah siya in tag-amulahi iban tag-dapu sin aras salaggu-laggu . In duwaa yan sug-sugun mu siya apabila aun kabugaan mu iban aun mamuhingah kaymu , bang mag-duhul in allah lappasun niya kaw daing ha tau mamuhingah kaymu atawa kan lappasun niya kaw daing ha katan kabubugaan mu . اللهم أنت ربي خلقتني وأنا عبدك و أنا على عهدك و وعدك ما ستطعت أعوذبك من شر ما صنعت أبوء لك بنعمتك علي و أبوء بذنبي فاغفر لي فإنه لا يغفر الذنوب إلا أنت . 9. Allahumma anta rabbiy khalaqtaniy wa ana abduka wa ana ala ahdika wa wahdika ma istatahtu audhubika min sharri ma sanahtu abu’u laka binihmatika alayya wa abu’u bidhambi fagfirliy , fa’innahu la yaghfiru ad-dhunuba illa anta . Hatiniya : Ya allah tuhan ku ikaw in nag-papanjari kakuh , in aku ini ipun mu , sartah in aku duun hapardaakan iban parjanjian mu diin-diin na in kagausan ku , ya allah mag-patilibun aku kaymu daing ha mga kangian nahinang ku , kaymu ra aku tuput mag-sukur ha mga nihmat kiya anugharah mu kakuh , sartah miki ampun aku kaymu daing ha mga dusa nahinang ku , anduh ampuna kakuh , sabunnal tuud wayruun mangampun mga dusa malaingkan tuput tunggal ikaw . In duwa’a yan panghuh sin istigfar , malaggu tuud in pahalah niya bang mu siya kaammalan ha sakahabah maynaat iban mahapun , in pahalah hiril kaymu sin allah bang mu siya nasug-sug sin puas subu sartah abutan kaw sin kamatay ha dih pa marum in hulah pasurun kaw sin tuhan palaum surgah , damikkiyan niya bang mu siya nabassa sin puas mag-rib sartah abutan kaw sin kamatay ha dih pa masubu in hulah pasurun kaw sin allah palaum sin surgah . اللهم أصبح / أمسى بي بنعمة أو بأحد من خلقك فمنك وحدك لا شريك لك فلك الحمد و لك الشكر . 10. Allahumma asbaha / amsa binihmatin aw ahadin min khalqika faminka wa’daka la sharika laka falakal hamdu wa laka ash-shukru . Hatiniya : Ya allah tuhan ku / maynaat / mahapun na in hulah nihmat dihil mu kakuh atawa kan nihmat kiyarihil mu pa ipun mu , in nihmat yan daing kaymu ikaw in tag-milik kaniya tunggal ikaw wayruun sakutu mu , tuput kaymu in pupudjihan iban tuput kaymu in pag-sukul . آية الكرسي 11. Bassaha in ayatul kursiy . In pahalah niya bang mus siya nabassa ha tiyap-tiyap kaw maubus sumambahayang lima waktu , wayruun utan niyu iban sin surgah malaingkan kamatay , hatiniya bang siya kiya ammalan sakahaba kaw maubus sumambahayang lima waktu ampa kaw yabutan sin kamatay pasurun kaw sin tuhan pa laum surgah . سورة الإخلاص سورة الفلق سورة الناس 12. Bassaha in suratul ikhlas iban suratul falaq iban suratun nas hatiyap-tiyap mahapun iban maynaat , iban bang kaw sung na matug . In pahalah iban karayawan madawhat mu lappasun kaw sin tuhan daing ha katan kamudaratan iban kangian sin tau majangki iban kangian sin mag-sisihil iban tau manghinang hinang . اللهم إني أعوذ بك من الهم و الحزن و أعوذ بك من العجز و الكسل و أعوذ بك من الجبن و البخل و أعوذ بك من غلبة الدين و قهر الرجال 13. Allahumma inniy audhubika min al-ham wa al-huzn wa audhibika mi al-ajz wa al-kasal , wa audhubika mina al-jubn wa al-bukhul wa audhu bika min al-galabati ad-dain wa kahri ar-rijal . Hatniya : Ya allah tuhan ku , mag-patilibun aku kaymu daing ha kasusahan sin atay iban kasusahan sin baran , iban mag-patilibun aku kaymu daing ha kalamma iban kalisuh , iban mag-patilibun aku kaymu daing ha damag ( bugah ) iban ikut ( iskutan ) sartah mag-patilibun aku kaymu daing ha taud utang iban pang-lunggu sin mga manusiya . In duwaa yan paammalan kaymu sin rasul bang sawpama niya mataud in utang mu atawa kan aun kabu bugaan mu atawa kan bang aun manglungguh kaymu , in pahalah hiril kaymu sin tuhan , lappasun niya kaw daing ha mga nasabbut yan . سبحان الله و بحمده لا قهوة إلا با لله ما شاء الله كان وما لم يشاء لم يكن أعلم أن الله على كل شيئ قدير و أن الله قد أحاط بكل شيئ علما 14. Subhana allah wa bihamdihi , la quwwata illah billah , ma sha allah kana , wa ma lam yashah lam yakun ahlamu anna allah ala kulli shay’in qadir wa anna allah qad ahata bikulli shay’in ilma . Hatiniya : Tuhan Mahasutsi mahatinggi allah , sartah pamudji kaniya , wayruun kusug iban gaus malaingkan daing ha pag-bayah niya , unu-unu na in kabayaan sin allah pa aunun jumutu , iban unu-unu na in dih niya kabayaan pa aunun tantu dih tuud jumatu , kiyaingatan ku sabunnal tuud in allah sangat makagaus hakatan unu-unu sartah sabunnal tuud in siya nalangkup sin pangahati niya in katan unu-unu na . أعوذ با لله السميع العليم من الشيطان الرجيم 15. Audhu bi allah as-samih al-alim min ash-shaytan ar-rajim . Hatiniya : Mag-patilubun aku ha allah tuhan sangat in pangdungug iban sangat in panghati , daing ha saytan piyag-mulkaan . In duwaa yan sug-sugun mu siya apabila kaw massa sin qur-an , atawa kan bang kaw diyugalan , atawa kan bang kaw hiyagas-hagasan sin shaytan huminang kangian . اللهم أصبحت / أمسيت أشهد حملة عرشك و ملائكتك و جميع خلقك إنك أنت الله لا إله إلا أنت و أن محمدا عبدك و رسولك 16. Allahumma asba’tu / amsaytu ush-hidu hamalata ar-shika wa mala’ikataka wa jami’a khalkika ‘ innaka anta allah la ilaha illah anta wa anna muhammadan abduka wa rasuluka . Hatiniya : Ya allah tuhan dimagpak na aku pa maynaat /mahapun , pasaksiun ku kaymu in malaikat nag-dara sin aras mu , iban na sin katan malaikat iban na sin katan piyapanjarai mu , sabunnal tuud ikaw in allah wayruun tuhan dugaing mapatut pag-tag-ipunan malaingkan tunggal ikaw sartah sabunnal tuud hi muhammad ipun mu iban rasul ( daak mu ) . In duwaa yan sug-sugun maynaat iban mahapun , bang siya bassahun mu sin maynaat in hilapal mu ( asba’tu ) sambil pakahinapusan , bang isab sug-sugun mu sin mahapun in hilapal mu ( amsaytu ) sambil pakahinapusan niya . بسم الله على نفسي و ديني بسم الله على أهلي و مالي و ولدي بسم الله على ما أعطاني الله ، الله ربي لا أشرك به شيئا الله أكبر الله أكبر الله أكبر وأعز و أجل وأعظم وما أخاف و أحذر عز جارك وجل ثناءك ولا إله غيرك ، اللهم إني أعوذ بك من شر نفسي و من شر كل شيطان مريد و من كل شر جبار عنيد 17. Bismillah ala nafsiy wa diniy bismillah ala ahli wa maliy wa waladiy , bismillah ala ma ahta’niya allah , allahu rabbiy la sharika bihi shay’an , allahu akbar , allahu akbar , allahu akbar , a’azzu wa ajal wa ah’dham , wa ma akhafu wa a’dhar az-za jaruka wa jalla thana’uka wa la ilaha ghayruka allahumma inniy audhu bika min sharri nafsiy , wa min kulli sharri ash-shaytan murid wa min kulli sharrin jabbarin anid . Hatiniya : Tag-naan ku daing ha ngan sin allah , bismillah duun ha ginhawa baran ku iban sin agama ku , bismillah duun ha anak asawa ku dana in altah ku bismillah duun ha unu-unu na in kiyadihil kakuh sin allah , allah in tuhan ku wayruun sakutu niya hangsulag unu-unu , allah in sangat dakulah , mahasustsi mahatinggi tuhan allah wayruun sabanding niya , iban wayruun mapatut pag-tag-ipunan malaingkan ikaw ( allah ) ya tuhan ku sabunnal tuud mag-patilibun aku kaymu daing ha kangian sin ginhawa ku iban daing ha kangian sin shaytan manasat , iban daing ha katan kangian sin manusiya takabbur ( abbuhan ) . حسبي الله لا إله إلا هو عليه توكلت وهو رب العرش العظيم ، إن ولي الله الذي نزل الكتاب وهو يتولى الصالحين . 18. Hasbiya allah la ilaha illa huwa alayhi twakkaltu wa huwa rabbu al-arsh al-adhim , inna waliyya allahu alladhi nazzala al-kitab wa huwa yatawalla as-salihin . Hatinita : Mamarahi na in allah tag-parihalaan iban tag-atasan iban tag-amulahi kakuh , wayruun tuhan malaingkan siya tuput kaniya in pag-tawakkalan ku sartah siya in tag-amulahi sin aras salaggu-laggu , iban sabunnal tuud in tag-amulahi kakuh allah amuin nag-paturun sin kitab ( qur’an ) iban siya in tag-parihalaan sin mga ipun niya salihin ( marayaw ).
Posted on: Thu, 05 Sep 2013 01:54:17 +0000
Trending Topics
Recently Viewed Topics
© 2015