MATCH REPORT : CHELSEA 2 - 0 NEWCASTLE UNITED Tun season-a hnehloh nei lova kan kaltluang lai min tih tawpsak tu, Newcastle United chu zanin khan Stamford Bridge ah kan lo mikhual ve thung a. Oscar leh Costa goal thunte hmangin 2 - 0 in phuba kan lo la. Oscar-an tun season a a goal 5-na leh Costa goal 15 te hmang hian kan home-a 100 % win record kan neih chu kan chhawm nung zel a, Inkhel dangah City leh Everton te an lo in draw ve bawk avangin League Table-ah pawh point 2 in hma kan hruai fal ve leh thei ta a ni. TEAM NEWS : FA CUP a Watford kan tum truma goal thuntu leh khel thra tak Zouma chuan EPL-a a vawikhat start-na ni turin Cahill aiah first xi a rawn chang a. Defence laia a dinpui Captain John Terry chuan Chelsea Football Club tana inlan hnem ber pathumna ni turin a game 648-na a rawn khel ve bawk. Terry hian Lampard record rawn nih rual chiahin, Ron Harris (795) leh Peter Bonetti (729) te chiah anni aia inlan hnem thei an awm a ni. Petr Cech pawhin kutzungpui hliam la dam chiang thei lo Courtois aiah goal a rawn veng a, FA cup lama chawl hahdam Fabregas, Hazard leh Terry te an rawn let leh vek thung. Newcastle lamin FA CUP a Leicester hneh lo tu team atangin player 7 ngawt an rawn thlak thung a, an keeper Tim Krul leh Captain Coloccini te rawn let lehin, Daryl Janmaat, Jack Colback, Moussa Sissoko, Ayoze Perez leh Yoan Gouffran te hmel pawh kan hmu leh a ni. Newcastle lam hi an manager Alan Pardew-an Crystal Palace a pansan tak avangin Manager nei lovin an awm mek a, care-taker John Carver enkawlna hnuaiah an awm a ni. FIRST HALF : First Half chhung zawng hian Newcastle an langsar mah zawk a, Remy Cabella a hnawksakin, The Blues lamin defence lamah hna an nghah hle. Petr Cech an thra zeta shot a save kha goal ta se chuan, inkhel hmelhmang a danglam ngei ang le. Chelsea pawhin counter attack atangin goal thunna chance thra zet an bawhpelh. Gouffran-a free-kick pet chu Cech-an lo nam per in, Newcastle nawr let thut nan an hmang nghal a. Chelsea player pathum ngawt in um pheiin, Coloccini leh Krul chiah an awm tawh. Hazard-an ball la kualin, Costa a pe a, a nin shot nghal mai lovin, a rawn cross kual leh a, an lo clear sak hman. Chance uihawm tak a ni. Minute 31 na bawr velah Newcastle in chance thra zet an rawn nei ve leh nghal zat a. Oscar ball shot wide chu Newcastle lamin ball chan chhunzawmin, Chelsea tana player hnawksak tak, Cabella chuan Terry bumin goal zawnah leihrulin a shot a, Petr Cech an a lo nam out hman hram. Hemi hnu minute 5 lekah hian Sissoko chuan Chelsea goal ban a pet per leh dawp bawk. First-half harsa tak chu Azpi inhliamin a chhunzawm a, a aiah Filipe Luis a rawn luh a ngai. Minute 42-na a nih chuan beisei loh zawk Chelsea in goal kan thun tlat. Willian chuan corner petin, a bul hnaia awm Ivanovic a pe a, a nin Oscar a tan cross pheiin, goalah chiang zetin a lo shot a. 1 - 0 a ni. Willian-a free kick pet kawh zet kha Tim Krull khan lo save hman lo se chuan 2 - 0 in first half kan khar thei tur a ni. First half ah hian Terry a khel thra a, New Castle an langsar zawk. Goal an thun thei lo erawh Chelsea tan vanneihna a ni. SECOND HALF : Second Half tan atanga minute 10 ah hian Chelsea chu penalty kan hmuh tur ham sak loh kan ni leh. Costa ball cross theih turin Fabregas chuan ball a pe a, hei hi Coloccini banah chiang takin a per. Mahse referee in corner tur a ti tlat. Hemi hnu rei lo teah hian goal dang kan thun belh leh tho avangin Chelsea fans te rilru na tur pawh a ziaawm deuh. He goal thun tura Chelsea player ten one-touch hmanga ball an in pass hi hmuh a nuam hle mai. He goal thuntu Costa pawhin a class san zia a pholang chiang hle. Dan pangngaiin Hazard bawk a inrawlh leh a, Oscar nen. Costa hian box sir lama a ball hmuh chu goal hmazawn lamah khalh pheiin, shot-na chance a hmuh hmasak berah shot lovin defender a bum te te a, mawi zetin Tim Krull rin lohna lam, a ball khalh tran tirhna side lamah leihrulin a yard 12 na vel atangin shot a, Krull tan tihtheih avang hle. Second half ah Chelsea an langsar a, game pawh an thunun. lutthar Ameobi ball cross tum chuan goal a thun teuh hle, Mahse Chelsea keeper Petr Cech hi keeper thra a nihzia lantirna mai ah a changta zawk a ni. Khawilam ve ve pawhin half-chance nei ve leh zauh mahse, goalah an chantir thei tawh lo ve ve a. Oscar aiah Ramires rawn lutin, Costa chu Remyn a rawn thlak ve bawk a, mahse goal dang awm tawh lovin, Chelsea chu 2 - 0 in an chak ta zawk a ni. Chelsea (4-2-3-1): Cech; Ivanovic, Zouma, Terry (c), Azpilicueta (Filipe Luis, 38); Matic, Fabregas; Willian, Oscar (Ramires 78), Hazard; Diego Costa (Remy 83). Unused subs - Courtois, Cahill, Mikel, Drogba. Scorers - Oscar 43, Diego Costa 59. Booked - Matic 70, Oscar 75. Newcastle (4-3-3): Krul; Janmaat, Coloccini (c), Williamson, Dummett; Sissoko (Riviere 84), Anita, Colback; Cabella, Perez, Gouffran (Ameobi 63). Unused subs - Woodman, Santon, Haidara, Vuckic, Armstrong. Booked - Williamson 45, Colback 58, Dummett 65. Referee : Roger East
Posted on: Sun, 11 Jan 2015 02:59:18 +0000
Trending Topics
© 2015